សេតវិមាន —
នៅក្នុងសន្ទរកថាដ៏សំខាន់មួយកាលពីថ្ងៃពុធ លោកប្រធានាធិបតីបារ៉ាក់ អូបាម៉ា បានបង្ហាញពីគោលមាគ៌ានយោបាយការបរទេសរបស់លោក ដែលក្រោយមកស្ថិតនៅក្រោមការរិះគន់ដោយអ្នករិះគន់ខ្លះដែលនិយាយថា មានភាពមិនច្បាស់លាស់ហើយខ្សោយ។
លោកប្រធានាធិបតីអូបាម៉ា បានប្រើប្រាស់សន្ទរកថារបស់លោកនៅពីធីចែកសញ្ញាប័ត្រនៅឯបណ្ឌិតសភាយោធានៅ West Point ដើម្បីការពារគោលនយោបាយមួយដែលបានទទួលការរិះគន់ថា ខ្សោយ។
«ខ្ញុំប្រាកដជាក្បត់ភារកិច្ចរបស់ខ្ញុំចំពោះអស់លោកអ្នក និងចំពោះប្រទេសអាមេរិកដែលយើងស្រឡាញ់ ប្រសិនបើខ្ញុំបញ្ជូនអស់លោកអ្នកទៅកាន់កន្លែងគ្រោះថ្នាក់ ពីព្រោះតែខ្ញុំឃើញបញ្ហានៅទីកន្លែងណាមួយក្នុងពិភពលោកដែលចាំបាច់ត្រូវដោះស្រាយឬ ពីព្រោះតែខ្ញុំមានការព្រួយបារម្ភអំពីពួកអ្នករិះគន់ដែលគិតថាការធ្វើអន្តរាគមន៍ខាងយោធាជាមធ្យោបាយតែមួយគត់ដើម្បីបញ្ចៀសការមើលឃើញនូវភាពទន់ខ្សោយនោះ»។
លោកប្រធានាធិបតី បានកត់សម្គាល់ថា និស្សិតនាយទាហានបញ្ចប់ការសិក្សាទាំងនេះ នឹងក្លាយជានាយទាហានលើកដំបូងក្នុងប៉ុន្មានឆ្នាំនេះ ដែលនឹងមិនទៅប្រយុទ្ធក្នុងប្រទេសអ៊ីរ៉ាក់ឬអាហ្វហ្គានីស្ថាន ដែលជាសង្គ្រាមដែលបានធ្វើឲ្យប្រជាពលរដ្ឋអាមេរិកាំងជាច្រើនរអាចិត្តមិនចង់ឲ្យមានការបន្តធ្វើអន្តរាគមន៍ខាងយោធារបស់សហរដ្ឋអាមេរិកតទៅទៀត។
នៅពេលជាមួយគ្នានោះដែរ លោកអូបាម៉ា បានទទួលរងការរិះគន់ចំពោះការណ៍មិនចាត់វិធានការខាងយោធាក្នុងទីកន្លែងនានាដូចជា ប្រទេសស៊ីរីដែលនៅទីនោះសង្គ្រាមស៊ីវិល បានឆាបឆេះ៣ឆ្នាំក្រោយមក ហើយនឹងប្រទេសអ៊ុយក្រែន ដែលនៅទីនោះការដាក់ទណ្ឌកម្មសេដ្ឋកិច្ចរបស់សហរដ្ឋអាមេរិក មិនបានបញ្ឈប់ប្រទេសរុស្ស៊ីពីការយកឧបទ្វីបគ្រីមា (Crimea) ធ្វើជាផ្នែកមួយនៃទឹកដីរបស់ខ្លួន។
អ្នកវិភាគ Michael O’ Hanlon និយាយថា ខណៈដែលការសម្រេចចិត្តរបស់លោក ឲ្យស្ថិតនៅក្រៅសង្គ្រាមប្រទេសស៊ីរីនិងអ៊ុយក្រែន ស្របទៅតាមការស្ទង់មតិសាធារណៈជនអាមេរិកាំងក្តី ក៏ការសម្រេចចិត្តនេះចោទជាបញ្ហា។
«ក៏ប៉ុន្តែ បញ្ហាគឺថា នៅពេលដែលអស់លោកអ្នក សម្រេចដោះស្រាយបញ្ហានិមួយៗដាច់ដោយឡែកពីគ្នាដូចនោះ បន្ទាប់មកលោកអ្នកបញ្ចូលគ្នាឲ្យឃើញរូបភាពទាំងមូលមើលទៅដូចជាទន់ខ្សោយបន្តិច ហើយបន្ទាប់មក លោកអ្នកនឹងងាយរងការចោទប្រកាន់ថា ពួកមេដឹកនាំបរទេសរកឃើញថា លោកអ្នកមិនចង់ធ្វើកិច្ចការនេះច្រើនទេ ហើយបន្ទាប់មកពួកគេ នឹងឆ្លៀតឱកាសគឺ ដូចការចោទក្នុងករណីលោក Putin មានការគគ្លើននៅឧបទ្វីប Crimea អញ្ចឹង»។
ក្នុងការបង្ហាញកម្លាំងបន្តិច លោកអូបាម៉ា បានមានប្រសាសន៍ថា សហរដ្ឋអាមេរិកនឹងមិនស្វះស្វែងរកការអនុញ្ញាតិដើម្បីការពារខ្លួនឯងហើយនឹងបន្តប្រើប្រាស់យន្តហោះគ្មានមនុស្សបើក (Drone) ដើម្បីប្រឆាំងភេរវកម្មខណៈដែល ព្យាយាមបញ្ចៀសការខូចខាតដល់ជនស៊ីវិល។
លោកប្រធានាធិបតីក៏បានប្រកាសពីផែនការចំណាយប្រាក់រាប់ពាន់លានដុល្លារដើម្បីជួយប្រទេសនានានៅក្នុងទ្វីបអាហ្វ្រិក អាស៊ី និងតំបន់មជ្ឈឹមបូព៌ាប្រទេសដើម្បីប្រយុទ្ធភេរវកម្ម ហើយបានសន្យាជំរុញការគាំទ្រក្រុមប្រឆាំងនានានៅក្នុងប្រទេសស៊ីរី។
លោកប្រធានាធិបតី មានប្រសាសន៍បន្តទៀតថា ជំនួយបរទេស វិស័យការទូតនិងការអភិវឌ្ឍ ជាផ្នែកមួយនៃអ្វីដែលធ្វើឲ្យប្រទេសអាមេរិកខ្លាំង៕
ប្រែសម្រួលដោយ ជឹង ប៉ូជីន
លោកប្រធានាធិបតីអូបាម៉ា បានប្រើប្រាស់សន្ទរកថារបស់លោកនៅពីធីចែកសញ្ញាប័ត្រនៅឯបណ្ឌិតសភាយោធានៅ West Point ដើម្បីការពារគោលនយោបាយមួយដែលបានទទួលការរិះគន់ថា ខ្សោយ។
«ខ្ញុំប្រាកដជាក្បត់ភារកិច្ចរបស់ខ្ញុំចំពោះអស់លោកអ្នក និងចំពោះប្រទេសអាមេរិកដែលយើងស្រឡាញ់ ប្រសិនបើខ្ញុំបញ្ជូនអស់លោកអ្នកទៅកាន់កន្លែងគ្រោះថ្នាក់ ពីព្រោះតែខ្ញុំឃើញបញ្ហានៅទីកន្លែងណាមួយក្នុងពិភពលោកដែលចាំបាច់ត្រូវដោះស្រាយឬ ពីព្រោះតែខ្ញុំមានការព្រួយបារម្ភអំពីពួកអ្នករិះគន់ដែលគិតថាការធ្វើអន្តរាគមន៍ខាងយោធាជាមធ្យោបាយតែមួយគត់ដើម្បីបញ្ចៀសការមើលឃើញនូវភាពទន់ខ្សោយនោះ»។
លោកប្រធានាធិបតី បានកត់សម្គាល់ថា និស្សិតនាយទាហានបញ្ចប់ការសិក្សាទាំងនេះ នឹងក្លាយជានាយទាហានលើកដំបូងក្នុងប៉ុន្មានឆ្នាំនេះ ដែលនឹងមិនទៅប្រយុទ្ធក្នុងប្រទេសអ៊ីរ៉ាក់ឬអាហ្វហ្គានីស្ថាន ដែលជាសង្គ្រាមដែលបានធ្វើឲ្យប្រជាពលរដ្ឋអាមេរិកាំងជាច្រើនរអាចិត្តមិនចង់ឲ្យមានការបន្តធ្វើអន្តរាគមន៍ខាងយោធារបស់សហរដ្ឋអាមេរិកតទៅទៀត។
នៅពេលជាមួយគ្នានោះដែរ លោកអូបាម៉ា បានទទួលរងការរិះគន់ចំពោះការណ៍មិនចាត់វិធានការខាងយោធាក្នុងទីកន្លែងនានាដូចជា ប្រទេសស៊ីរីដែលនៅទីនោះសង្គ្រាមស៊ីវិល បានឆាបឆេះ៣ឆ្នាំក្រោយមក ហើយនឹងប្រទេសអ៊ុយក្រែន ដែលនៅទីនោះការដាក់ទណ្ឌកម្មសេដ្ឋកិច្ចរបស់សហរដ្ឋអាមេរិក មិនបានបញ្ឈប់ប្រទេសរុស្ស៊ីពីការយកឧបទ្វីបគ្រីមា (Crimea) ធ្វើជាផ្នែកមួយនៃទឹកដីរបស់ខ្លួន។
អ្នកវិភាគ Michael O’ Hanlon និយាយថា ខណៈដែលការសម្រេចចិត្តរបស់លោក ឲ្យស្ថិតនៅក្រៅសង្គ្រាមប្រទេសស៊ីរីនិងអ៊ុយក្រែន ស្របទៅតាមការស្ទង់មតិសាធារណៈជនអាមេរិកាំងក្តី ក៏ការសម្រេចចិត្តនេះចោទជាបញ្ហា។
«ក៏ប៉ុន្តែ បញ្ហាគឺថា នៅពេលដែលអស់លោកអ្នក សម្រេចដោះស្រាយបញ្ហានិមួយៗដាច់ដោយឡែកពីគ្នាដូចនោះ បន្ទាប់មកលោកអ្នកបញ្ចូលគ្នាឲ្យឃើញរូបភាពទាំងមូលមើលទៅដូចជាទន់ខ្សោយបន្តិច ហើយបន្ទាប់មក លោកអ្នកនឹងងាយរងការចោទប្រកាន់ថា ពួកមេដឹកនាំបរទេសរកឃើញថា លោកអ្នកមិនចង់ធ្វើកិច្ចការនេះច្រើនទេ ហើយបន្ទាប់មកពួកគេ នឹងឆ្លៀតឱកាសគឺ ដូចការចោទក្នុងករណីលោក Putin មានការគគ្លើននៅឧបទ្វីប Crimea អញ្ចឹង»។
ក្នុងការបង្ហាញកម្លាំងបន្តិច លោកអូបាម៉ា បានមានប្រសាសន៍ថា សហរដ្ឋអាមេរិកនឹងមិនស្វះស្វែងរកការអនុញ្ញាតិដើម្បីការពារខ្លួនឯងហើយនឹងបន្តប្រើប្រាស់យន្តហោះគ្មានមនុស្សបើក (Drone) ដើម្បីប្រឆាំងភេរវកម្មខណៈដែល ព្យាយាមបញ្ចៀសការខូចខាតដល់ជនស៊ីវិល។
លោកប្រធានាធិបតីក៏បានប្រកាសពីផែនការចំណាយប្រាក់រាប់ពាន់លានដុល្លារដើម្បីជួយប្រទេសនានានៅក្នុងទ្វីបអាហ្វ្រិក អាស៊ី និងតំបន់មជ្ឈឹមបូព៌ាប្រទេសដើម្បីប្រយុទ្ធភេរវកម្ម ហើយបានសន្យាជំរុញការគាំទ្រក្រុមប្រឆាំងនានានៅក្នុងប្រទេសស៊ីរី។
លោកប្រធានាធិបតី មានប្រសាសន៍បន្តទៀតថា ជំនួយបរទេស វិស័យការទូតនិងការអភិវឌ្ឍ ជាផ្នែកមួយនៃអ្វីដែលធ្វើឲ្យប្រទេសអាមេរិកខ្លាំង៕
ប្រែសម្រួលដោយ ជឹង ប៉ូជីន
