ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ការ​ខ្លាច​មេរោគវីរុស​កូរ៉ូណា​បង្អាក់កិច្ចចរចា​ជាមួយ​​កូរ៉េ​ខាងជើង


រថយន្តក្រុង​ត្រូវ​បាន​គេបាញ់សម្លាប់មេរោគ​អំឡុង​ពេល​ភ័យ​ខ្លាច​ការ​ផ្ទុះ​មេរោគ​កូរ៉ូណា​នៅទីក្រុង​ព្យុងយ៉ាង​ប្រទេស​កូរ៉េខាងជើង​កាលពី​ថ្ងៃទី​២២​ ខែកុម្ភៈ ឆ្នាំ២០២០។

អាជ្ញាធរ​កូរ៉េខាង​ជើងបានបិទ​ព្រំដែនរបស់​ផង​ខ្លួន​ហើយបានដាក់កំហិតវិធានការ​ដាក់អ្នកជំងឺ​ឱ្យ​នៅ​ដាច់ពីគេ ដោយ​ប្រកាស​ថា​វិធានការបញ្ចៀស​កុំឱ្យ​មាន​មេរោគ​វីរុសកូរ៉ូណា​ជា«ការធ្វើឱ្យ​ប្រទេស​ជាតិរស់រាន្ត»។

នៅ​ផ្នែក​ខាង​ត្បូង​នៃ​ឧបទ្វីបកូរ៉េ​ ស.រ.អា.និង​ប្រទេសកូរ៉េខាង​ត្បូង​បានពន្យា​ពេល​រហូត​សមយុទ្ធ​យោធា​រួមគ្នាដោយសារ​មានកំណើនករណីមនុស្ស​មានផ្ទុក​មេរោគ​វីរុសកូរ៉ូណាដោយមានរួមបញ្ចូល​ទាំងនៅក្នុង​មូលដ្ឋាន​យោធា​ផង​ដែរ។

អាជ្ញាធរ​នៅ​ក្នុង​ប្រទេស​កូរ៉េទាំងពីរ​បានខិតខំប្រឹងប្រែង​រក​មធ្យោបាយ​បញ្ចៀស​កុំឱ្យមាន​ការរាលដាលនៃ​មេរោគ​វីរុស​ឆ្លងនេះ ដោយបង្វែរ​ការ​យក​ចិត្តទុកដាក់ពី​កិច្ចចរចា​នុយក្លេអ៊ែរកូរ៉េខាងជើង​ដែលបានគាំងដំណើរ​ហើយនោះ។

អាស្រ័យ​ទៅ​លើ​ថា​តើការ​រាលដាល​ជំងឺ​នេះ​នឹងមានរហូត​ដល់ពេល​ណា​ ការណ៍​នេះអាចមានន័យ​ថា​កិច្ចចរចា​នុយក្លេអ៊ែរនឹងនៅ​តែ​ផ្អាករហូត​ដល់​ការ​ចប់​អាណត្តិ​ទីមួយ​របស់​លោក​ Trump។

អ្នកការទូតអឺរ៉ុប​ម្នាក់ប្រចាំការ​ក្នុង​ក្រុង​សេអ៊ូល​បាននិយាយ​ប្រាប់វីអូអេ​ថា«ខ្ញុំយល់ថា​ពួក​កូរ៉េខាង​ជើង​យកចិត្តទុកដាក់ខ្លាំង​ណាស់លើការ​ភ័យខ្លាច​ជំងឺ​នេះ​និងអំពី​ការទប់ទល់នឹង​មេរោគវីរុសនេះ។ នៅ​ពេលនេះ​បញ្ហា​ល្បិចកល​និងបញ្ហា​សាំញ៉ាំក្នុង​រយៈពេល​យូរ​ឋិត​នៅជាបញ្ហា​បន្ទាប់បន្សំ»។

លទ្ធភាព​នៃ​ការមាន​កិច្ចចរចា​នុយក្លេអ៊ែរ​មានភាព​ស្រពិចស្រពិល​រួច​ស្រេច​ហើយ។ ជា​ច្រើន​ខែមក​ហើយពួកមន្ត្រី​កូរ៉េខាង​ជើងបានចៀស​វាង​ពី​កិច្ចចរចា​នេះ​ដោយ​បានចោទប្រកាន់ស.រ.អា.ថាមិនបានផ្តល់អ្វីៗ​ឱ្យបានគ្រប់គ្រាន់ជា​ថ្នូរ​នឹង​វិធានការ​សម្រាប់ការ​ចាប់ផ្តើមរុះរើកម្មវិធី​នុយក្លេអ៊ែរ​របស់ផង​ខ្លួន។

កាល​ពី​ដើមខែ​មករា​ មេដឹកនាំកូរ៉េខាង​ជើង​ Kim Jong Un បានព្រមានថា​លោក​លែង​ធ្វើតាមការ​ទុកឱ្យ​នៅដដែលនៃកម្មវិធីកាំជ្រួច​មីស៊ីល​មាន​វង់ប្រតិបត្តិការ​ឆ្ងាយ​ឬការធ្វើ​តេស្ត​នុយក្លេអ៊ែរ​របស់ប្រទេសលោក ហើយលោក​បានសន្យា​ថា​នឹង​លាតត្រដាង​អំពី«អាវុធ​យុទ្ធសាស្ត្រថ្មី»​មួយ​ផងដែរ។

XS
SM
MD
LG