ការបញ្ចេញសាច់ដុំកាន់តែខ្លាំងដាក់គ្នារវាងអាមេរិកនិងចិននាំឱ្យមានការប៊ិះប៉ះទង្គិចគ្នាកាន់តែខ្លាំងនៅឥណ្ឌូប៉ាស៊ីហ្វិក
កូរ៉េខាងត្បូងប្រញាប់ប្រញាល់បញ្ចេញយន្តហោះចម្បាំង ក្រោយពីយន្តហោះយោធាចិននិងរុស្ស៊ីបានចូលក្នុងដែនអាកាសការពាររបស់ខ្លួននៅភាគខាងត្បូងនិងខាងជើងឧបទ្វីបកូរ៉េ។ ការឈ្លានពាននេះធ្វើឡើងបន្ទាប់ពីមានការប្រឈមគ្នារវាងកងកម្លាំងអាមេរិកនិងចិននៅច្រកសមុទ្រតៃវ៉ាន់និងសមុទ្រចិនខាងត្បូង ដែលរដ្ឋបាលលោក Biden លើកឡើងថាជាឧទាហរណ៍នៃការកើនឡើងនៃភាពគឃ្លើនរបស់យោធាក្រុងប៉េកាំង។ អ្នកស្រី Patsy Widakuswara ប្រធានការិយាល័យព័ត៌មានរបស់ VOA ប្រចាំសេតវិមានបានពិនិត្យមើលទៅលើការកើនឡើងនៃភាពតានតឹងរវាងមហាអំណាចពិភពលោកនៅតំបន់ឥណ្ឌូប៉ាស៊ីហ្វិកហើយរាយការណ៍អំពីរឿងនេះ។ អ្នកនាង ស្រេង លក្ខិណា ជូនសេចក្តីប្រែសម្រួល៕
