ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី
រូបឯកសារ៖ ក្បួនឃោសនាបោះឆ្នោត​ឃុំសង្កាត់ របស់​គណបក្ស​សង្រ្គោះជាតិ កាល​ពី​ថ្ងៃទី០២ ខែ​មិថុនា ឆ្នាំ​២០១៧។

Live Blog៖⁣ តុលាការកំពូលសម្រេចរំលាយគណបក្សសង្គ្រោះជាតិ

នារសៀលថ្ងៃព្រហស្បតិ៍នេះ តុលាការ​កំពូលប្រកាសសាលដីកាសវនាការ​រំលាយ​គណបក្ស​សង្គ្រោះ​ជាតិដោយសម្រេចប្រកាសបញ្ឈប់សមាជិក ១១៨ រូបមិនឲ្យធ្វើនយោបាយ៥ឆ្នាំ។ មន្ត្រីគណបក្សនេះ ដែលមានអាសនៈក្នុងជួររដ្ឋាភិបាលទាំងថ្នាក់ក្រោមជាតិ និងថ្នាក់ជាតិ អាចនឹងប្រឈមបាត់បង់មុខតំណែងរបស់ពួកគេ។ តុលាការ​កំពូល​ បានបើក​សវនាការ​លើ​បណ្តឹង​របស់​ក្រសួង​​មហាផ្ទៃ​ ដែល​បាន​ប្តឹង​សុំ​ឲ្យ​រំលាយ​គណបក្ស​សង្គ្រោះ​ជាតិ ដោយចោទ​ថា គណបក្សនេះ​បានឃុបឃិត​ជាមួយ​​បរទេសដើម្បី​ផ្តួល​រំលំ​រដ្ឋាភិបាល​បច្ចុប្បន្ន​ ​ដែល​ដឹកនាំ​លោកនាយករដ្ឋមន្រ្តី ហ៊ុន សែន។ លោក កឹម សុខា ប្រធានគណបក្សជំទាស់ដ៏ធំមួយនៅប្រទេសកម្ពុជា នៅជាប់ឃុំនៅឡើយពីបទ«ក្បត់ជាតិ»។

យោងតាមអ្នកយកព័ត៌មានវីអូអេ នៅវេលាម៉ោង៨ព្រឹកនេះ តុលាការកំពូល និងមហាយ្យការ កំពុងបើកដំណើរការសវនាការស្តីពីបណ្តឹង​របស់​ក្រសួងមហាផ្ទៃ​ ដែល​បាន​ប្តឹង​សុំ​ឲ្យ​រំលាយ​គណបក្ស​សង្គ្រោះ​ជាតិ ដោយចោទ​ថា គណបក្សនេះ​បានឃុបឃិត​ជាមួយបរទេសដើម្បី​ផ្តួល​រំលំ​រដ្ឋាភិបាល​បច្ចុប្បន្ន​ ​ដែល​ដឹកនាំ​លោកនាយករដ្ឋមន្រ្តី ហ៊ុន សែន។

កញ្ញា ឡេង⁣ ឡែន⁣ អតីតអ្នកសារព័ត៌មានឲ្យកាសែតឌឹខេមបូឌាដេលី និងសំឡេងសហរដ្ឋអាមេរិក ត្រូវបានកម្លាំងប៉ូលិសមានសមត្ថកិច្ចហាមឃាត់មិនឲ្យមានវត្តមាននៅបរិវេណតុលាការកំពូល⁣ ខណៈពេលដែលសវនាការស្តីពីបណ្តឹង​របស់​ក្រសួងមហាផ្ទៃ​ ដែល​បាន​ប្តឹង​សុំ​ឲ្យ​រំលាយ​គណបក្ស​សង្គ្រោះ​ជាតិ កំពុងដំណើរការ⁣។ មន្ត្រីមានសមត្ថកិច្ច បានសួររកកាតអ្នកសារព័ត៌មានពីនាង។ ការមិនអនុញ្ញាតឲ្យអតីតអ្នកសារព័ត៌មានរូបនេះ មានវត្តមាននៅបរិវេណនៃតុលាការកំពូល បានកើតឡើង បើទោះបីជាស្នងការរាជធានីភ្នំពេញ លោក⁣ ជួន សុវណ្ណ បានប្រាប់អ្នកសារព័ត៌មាននាព្រឹកនេះថា ដំណើរការសវនាការនេះគឺបើកជាសាធារណៈក្តី។

ខណៈពេលនេះ កញ្ញា ឡេង⁣ ឡែន ត្រូវបានសមត្ថកិច្ចឃាត់ខ្លួន និងសួរចម្លើយអំពីវត្តមានរបស់នាង នៅបរិវេណនៃតុលាការកំពូល និងមហាអយ្យការ។

ស្របពេលជាមួយគ្នានោះ គេឃើញមានវត្តមានរបស់មន្ត្រីសិទ្ធិមនុស្សនៃអង្គការសហប្រជាជាតិ តាមដានស្ថានការណ៍ជុំវិញដំណើរការសវនាការនៃបណ្តឹងសុំឲ្យរំលាយគណបក្សសង្គ្រោះជាតិ។

មន្ត្រីសិទ្ធិមនុស្សនៃអង្គការសហប្រជាជាតិ មានវត្តមាននៅមុខតុលាការកំពូល និងមហាអយ្យការ នៅរាជធានីភ្នំពេញ នៅព្រឹកថ្ងៃព្រហស្បតិ៍ ទី១៦ ខែវិច្ឆិកា ឆ្នាំ២០១៧។ (ខាន់ សុគុំមនោ/VOA)
មន្ត្រីសិទ្ធិមនុស្សនៃអង្គការសហប្រជាជាតិ មានវត្តមាននៅមុខតុលាការកំពូល និងមហាអយ្យការ នៅរាជធានីភ្នំពេញ នៅព្រឹកថ្ងៃព្រហស្បតិ៍ ទី១៦ ខែវិច្ឆិកា ឆ្នាំ២០១៧។ (ខាន់ សុគុំមនោ/VOA)

ឡេង ឡែន អតីតអ្នកសារព័ត៌មាននៃកាសែតឌឹខេមបូឌាដេលី ត្រូវបានប៉ូលិសមិនអនុញ្ញាតឲ្យចូលនៅក្នុងបរិវេណនៃតុលាការកំពូល និងមហាអយ្យការ នាព្រឹកថ្ងៃព្រហស្បតិ៍ ទី១៦ ខែវិច្ឆិកា ឆ្នាំ២០១៧។ (ខាន់ សុគុំមនោ/VOA)
ឡេង ឡែន អតីតអ្នកសារព័ត៌មាននៃកាសែតឌឹខេមបូឌាដេលី ត្រូវបានប៉ូលិសមិនអនុញ្ញាតឲ្យចូលនៅក្នុងបរិវេណនៃតុលាការកំពូល និងមហាអយ្យការ នាព្រឹកថ្ងៃព្រហស្បតិ៍ ទី១៦ ខែវិច្ឆិកា ឆ្នាំ២០១៧។ (ខាន់ សុគុំមនោ/VOA)

លោក អ៊ុក គឹមសិទ្ធិ អ្នកនាំពាក្យតុលការកំពូល បានប្រាប់បណ្តាញព័ត៌មាន Fresh News នាព្រឹកនេះថា តុលាការកំពូលនឹងចេញសេចក្តីសម្រេចលើសំណុំរឿងរំលាយគណបក្សសង្គ្រោះជាតិនាល្ងាចថ្ងៃព្រហស្បតិ៍ ខណៈពេលដែលសវនាការនេះកំពុងដំណើរការនៅឡើយ។

តុលាការកំពូលសម្រេចបន្ត​សវនាការ​លើ​បណ្តឹង​របស់​ក្រសួងមហាផ្ទៃ​ ដែល​បាន​ប្តឹង​សុំ​ឲ្យ​រំលាយ​គណបក្ស​សង្គ្រោះ​ជាតិ ទៅរសៀលម៉ោងពីរ។

តុលាការកំពូលសម្រេចបន្ត​សវនាការ​លើ​បណ្តឹង​របស់​ក្រសួងមហាផ្ទៃ​ ដែល​បាន​ប្តឹង​សុំ​ឲ្យ​រំលាយ​គណបក្ស​សង្គ្រោះ​ជាតិ ទៅរសៀលម៉ោងពីរ។ (នូវ ពៅលក្ខិណា/VOA)
តុលាការកំពូលសម្រេចបន្ត​សវនាការ​លើ​បណ្តឹង​របស់​ក្រសួងមហាផ្ទៃ​ ដែល​បាន​ប្តឹង​សុំ​ឲ្យ​រំលាយ​គណបក្ស​សង្គ្រោះ​ជាតិ ទៅរសៀលម៉ោងពីរ។ (នូវ ពៅលក្ខិណា/VOA)

ព័ត៌មាន​​​​​​ផ្សេង​​​ទៀត

XS
SM
MD
LG