ភ្ជាប់​ទៅ​គេហទំព័រ​ទាក់ទង

logo-print
ព័ត៌មាន​​ថ្មី

Live Blog៖ ការបោះឆ្នោតឃុំសង្កាត់អាណត្តិទី៤ឆ្នាំ២០១៧


ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ ឆ្នាំ២០១៧ ប្រព្រឹត្ត​ឡើងនៅថ្ងៃអាទិត្យ ទី៤ ខែមិថុនា ឆ្នាំ២០១៧។

ថ្ងៃ​អាទិត្យ​នេះ​ជា​ថ្ងៃ​ដ៏​រវល់​បំផុត​មួយ​សម្រាប់អ្នក​យក​ព័ត៌មាន​ VOA នៅ​កម្ពុជាដែល​ប្រមូល​ព័ត៌មាន​ពី​ការ​បោះឆ្នោត​ឃុំ​សង្កាត់ ហើយ​ក៏​ជាថ្ងៃ​មមាញឹក​មួយ​សម្រាប់​ក្រុមផ្សាយ​វិទ្យុនៅ​វ៉ាស៊ីនតោន​ផង​ដែរ ​ដែល​ភ្ជាប់ការ​ផ្សាយ​ផ្ទាល់ទៅ​អ្នក​យក​ព័ត៌មាន​ VOA នៅ​តាម​ទី​តាំង​ផ្សេងៗ​នៅ​កម្ពុជា។

លោក​អ្នកអាច​ស្តាប់​កម្មវិធី​ផ្សាយ​វិទ្យុ​នៅ​យប់​ថ្ងៃ​អាទិត្យ​នេះ​ឡើង​វិញ​ត្រង់​នេះ៖

https://khmer.voanews.com/a/3863745.html

យើង​ខ្ញុំ​នឹង​មាន​រូបថត​នៃ​សកម្មភាព​ក្រុម​ផ្សាយ​ VOA នៅ​កម្ពុជានៅ​ពេល​ខាង​មុខ។

លោក សុខ ខេមរា នៃវីអូអេ កំពុង​សម្ភាសន៍លោក យឹម សុវណ្ណ អ្នកនាំពាក្យ​គណបក្ស​សង្គ្រោះជាតិ អំពី​លទ្ធផល​បោះឆ្នោត​បឋមៗ​នៃ​ការ​បោះឆ្នោត​ជ្រើសរើស​ក្រុមប្រឹក្សា​ឃុំសង្កាត់ នៅថ្ងៃអាទិត្យទី៤ខែមិថុនាឆ្នាំ២០១៧។ សូម​លោក​អ្នក​នាង​ទស្សនាបទសម្ភាសន៍​នេះ ដែល​កំពុង​ផ្សាយផ្ទាល់តាម​ទំព័រ​ហ្វេសប៊ុក​របស់ VOA ដូចតទៅ៕

គណៈកម្មាធិការ​រៀបចំ​ការ​បោះឆ្នោត (គ.ជ.ប) កំពុង​ផ្សាយ​ផ្ទាល់​តាម​ហ្វេសប៊ុក​អំពី​លទ្ធផល​បឋម​នៃ​ការ​បោះឆ្នោត​ឃុំសង្កាត់ អាណត្តិទី៤ ឆ្នាំ​២០១៧។

យោងតាម​សារព័ត៌មាន​ក្នុង​ស្រុក កោះសន្តិភាព លទ្ធផល​បឋម​នៃ​ការ​បោះឆ្នោត​ឃុំសង្កាត់​នៅ​រាជធានី​ភ្នំពេញ បង្ហាញ​ថា គណបក្ស​សង្គ្រោះជាតិ​ឈ្នះ​បាន​អាសនៈចំនួន៥៤ ហើយ​គណបក្ស​ប្រជាជន​កម្ពុជា​ឈ្នះ​បាន​អាសនៈចំនួន​៥១។ នា​ពេល​ខាង​មុខ​នេះ គណៈកម្មាធិការ​រៀបចំការបោះឆ្នោត (គ.ជ.ប) នឹង​បញ្ជាក់លើលទ្ធផលនេះ។ វីអូអេ នឹង​ផ្តល់​ព័ត៌មាន​លម្អិត​បន្ថែម​ទៀត​នា​ពេល​ក្រោយ។​

ព័ត៌មាន​​​​​​ផ្សេង​​​ទៀត

XS
SM
MD
LG