លោក Chuck Grassley ប្រធានគណៈកម្មាធិការនីតិកម្មខាងគណបក្ស សាធារណរដ្ឋប្រចាំរដ្ឋ Iowa បានថ្លែងថា «វាបានបង្ហាញយ៉ាងច្បាស់ថានេះជាការរំលោភលើសេចក្តីទុកចិត្តរបស់អ្នកប្រើប្រាស់ និងជាការផ្ទេរទន្និន័យមិនសមរម្យ»។
សូមទស្សនាការផ្តល់សក្ខីកម្មរបស់លោក Mark Zuckerberg
លោក Bill Nelson គណៈកម្មាធិការពាណិជ្ជកម្ម និងជាសមាជិកសភាខាងគណបក្សប្រជាធិបតេយ្យប្រចាំរដ្ឋ Florida បានថ្លែងថា «ប្រសិនបើអ្នក និងក្រុមហ៊ុនបណ្តាញសង្គមផ្សេងទៀតមិនចាត់វិធានការណ៍ត្រឹមត្រូវទេនោះ យើងទាំងអស់គ្នានឹងគ្មានឯកជនភាពទេ។ ហើយប្រសិនបើក្រុមហ៊ុន Facebook និងក្រុមហ៊ុនអ៊ីនធឺណិតផ្សេងទៀតមិនចាត់វិធានការណ៍ ឬមិនអាចបញ្ឈប់ការបំពានលើឯកជនភាពនេះទេ នោះយើងនឹងប្រើប្រាស់អំណាចរបស់យើងចាត់វិធានការណ៍ក្នុងនាមជាសភា»។
លោក Zuckerberg ត្រូវបានកោះហៅឲ្យធ្វើសក្ខីកម្មបន្ទាប់ពីមានការរកឃើញថាទន្និន័យផ្ទាល់ខ្លួនរបស់អ្នកប្រើប្រាស់ Facebook រាប់លាននាក់ត្រូវបានក្រុមហ៊ុន Cambridge Analytica យកទៅប្រើប្រាស់ដោយមិនបានជូនដំណឹងដល់ក្រុមហ៊ុនFacebook។ យុទ្ធនាការឃោសនាបោះឆ្នោតរបស់លោក Trump បានជួលក្រុមហ៊ុននេះកាលពីពេលបោះឆ្នោតឆ្នាំ២០១៦៕
