ភ្ជាប់​ទៅ​គេហទំព័រ​ទាក់ទង

ព័ត៌មាន​អន្តរជាតិ​វីអូអេ​ ១៨ មករា​ យប់


មេដឹកនាំ​ចលនា​ប្រជាធិបតេយ្យ​ភូមា គឺ​អ្នក​ស្រី Aung San Suu Kyi បក់ដៃ​ស្វាគមន៍​អ្នក​គាំទ្រ​​ក្នុង​អំឡុង​ពីធី​សម្ពោធ​ការិយាល័យ​​គណបក្សសម្ព័ន្ធជាតិ​ដើម្បី​លទ្ធិ​ប្រជាធិបតេយ្យ (National League for Democracy party) ប្រចាំ​​សង្កាត់ Mingalar Taung Nyunt របស់​ក្រ

ភូមា៖ មេ​ដឹកនាំ​គណបក្ស​ប្រឆាំង​នៅ​ក្នុង​ប្រទេស​ភូមាលោក ស្រី អង់ សាន ស៊ូជី (Aung San Suu Kyi) បាន​ក្លាយ​ទៅជា​បេក្ខនារី​ជា​ផ្លូវការ​ដើម្បី​ឈរ​ឈ្មោះប្រជែង​យក​អាសនៈ​នៅ​ក្នុង​រដ្ឋសភា​ភូមា​ក្នុង​ការ​បោះឆ្នោត​ខាង​មុខ​នេះ។

រុស្សី៖ រុស្សី​ដែល​ជា​ប្រទេស​សម្ព័ន្ធមិត្ដ​ជា​មួយ​ស៊ីរី​បាន​និយាយ​ថា​ខ្លួន​នឹង​មិន​អនុញ្ញាត​ឲ្យ​មាន​ការ​ដាក់​ពង្រាយ​កងទ័ព​បរទេស​នៅ​ក្នុង​ប្រទេស​ស៊ីរី​ទេ​ នៅ​ខណៈ​ពេល​ដែល​ក្រុមប្រឹក្សា​សន្ដិសុខ​អ.ស.ប.​ជជែក​ដេញដោល​គ្នា​អំពី​មធ្យោបាយ​ដើម្បី​បញ្ឈប់​ការ​បង្ហូរឈាម​ ពី​ការ​បះបោរ​ប្រឆាំង​នឹង​ប្រធានាធិបតី​ បាស្សា អាល អាសាដ (Bashar Al Assad) ​អស់​រយៈពេល​១០​ខែ​កន្លង​មក​នេះ។

អ៊ីតាលី៖ ក្រុម​បុគ្គលិក​ជួយ​សង្រ្គោះ​បាន​បញ្ឈប់​ការ​រុករក​ជន​បាត់​ខ្លួន​ពី​នាវា​ ខនស្តា ខនដូឌា (Costa Condordia)ហើយ ខណៈ​ដែល​នាវា​នោះផ្អៀង​បន្តិច។

អ៊ីស្រាអែល៖ រដ្ឋមន្ដ្រី​ការពារ​ប្រទេស​អ៊ីស្រាអែល​ លោក អេហូដ បារាក់ (Ehud Barak) បាន​ថ្លែង​ថា​ សេចក្ដី​សម្រេច​ណា​មួយ​ដើម្បី​វាយ​ប្រហារ​មក​លើ​កម្មវិធី​នុយក្លេអ៊ែរ​របស់​អ៊ីរ៉ង់​ គឺ​ស្ថិត​នៅ​ឆ្ងាយ​ណាស់។

ធនាគារ​ពិភពលោក៖ ក្រុម​អ្នក​ជំនាញ​នៃ​ធនាគារ​ពិភពលោក​បាន​ចេញ​ការ​វាយ​តម្លៃ​ដ៏​មិន​មាន​សុទិដ្ឋិនិយម​មួយ​អំពី​លទ្ធភាព​នៃ​កំណើន​សេដ្ឋកិច្ច​សកល​ ហើយ​បាន​និយាយ​ថា​ប្រសិន​បើ​ជា​ការ​ធ្លាក់ចុះ​នេះ​កាន់​តែ​ធ្ងន់ធ្ងរ​ វា​អាចនឹង​ធ្វើ​ឲ្យ​ប៉ះពាល់​ដល់​គ្រប់​ប្រទេស​និង​តំបន់​ទាំងអស់។

ចិន៖ វិនិយោគ​ផ្ទាល់​ពី​បរទេស​នៅ​ក្នុង​ប្រទេស​ចិន​បាន​ធ្លាក់ចុះ​សម្រាប់​ខែ​ទី​ពីរ​ជាប់​គ្នា នៅ​ក្នុង​ខែ​ធ្នូ​នេះ ដោយ​សារ​តែ​ភាព​មិន​ចម្រើន​នៃ​សេដ្ឋកិច្ច​សកល​បាន​ធ្វើ​ឱ្យ​វិនិយោគិន​មាន​ការ​ព្រួយបារម្ភ។

ជប៉ុន៖ ប្រទេស​ជប៉ុន​បាន​និយាយ​ថា ខ្លួន​អាច​នឹង​អនុញ្ញាត​ឱ្យ​ម៉ាស៊ីន​រ៉េអាក់ទ័រ​នុយក្លេអ៊ែរ​ខ្លះ​ឱ្យ​បន្ត​ដំណើរការ​រហូត​ដល់​៦០ឆ្នាំ​ បន្ទាប់​ពី​ពួកវា​ត្រូវ​បាន​សង់​រួច។

ចិន៖ សកម្មជន​ល្បី​ឈ្មោះ​ជើង​ចាស់​ជាតិ​ចិន​ម្នាក់ បាន​ត្រូវ​ចោទប្រកាន់​ពី​បទ​វិទ្ធង្សនា​ដោយ​បាន​ផ្សព្វផ្សាយ​កំណាព្យ​មួយ​ដែល​ជំរុញ​ឱ្យ​ប្រជាពលរដ្ឋ​ចិន​ងើប​ឡើង​តស៊ូ​និង​ទាមទារ​សេរីភាព​ឱ្យ​កាន់​តែ​ប្រសើរ​ជាង​នេះ។

XS
SM
MD
LG