ភ្ជាប់​ទៅ​គេហទំព័រ​ទាក់ទង

ព័ត៌មាន​អន្តរជាតិ​វីអូអេ​ ១១ មករា យប់


លោក មីត រូមនី (Mitt Romney) អតីត​អភិបាល​រដ្ឋ​ម៉ាស្សាឈូសេត (Massachussetts) និង​ភរិយា​ Ann ស្វាគមន៍​អ្នក​គាំទ្រ​នៅ​ក្នុង​ពិធី​ជប់លៀង​អ​បអរ​ជ័យជម្នះ​​នៅ​សាកលវិទ្យាល័យ​ Southern New Hampshire University ក្នុង​ក្រុង​ម៉ាន់ឆេស្ទ័រ (Manchester) រដ្ឋ ញូវហែមសឺរ (N

អាមេរិក៖ លោក មីត រូមនី (Mitt Romney) អតីត​អភិបាល​រដ្ឋ​ម៉ាស្សាឈូសេត (Massachussetts) បាន​ឈ្នះ​ក្នុង​ការ​បោះឆ្នោត​បឋម​នៃ​គណបក្ស​សាធារណរដ្ឋ​នៅ​ក្នុង​រដ្ឋ ញូវហែមសឺរ (New Hampshire) ដែល​ជា​ការ​បោះ​ជំហាន​ដ៏​សំខាន់​មួយ​ដើម្បី​ទទួល​បាន​ការ​តែងតាំង​ពី​គណបក្ស​របស់​លោក ក្នុង​ការ​តទល់​ជាមួយ​លោក​ប្រធានាធិបតី បារ៉ាក់ អូបាម៉ា (Barack Obama) ក្នុង​ការ​បោះឆ្នោត​នៅ​ខែ​វិច្ឆិកា​ខាង​មុខ​នេះ។

លទ្ធផល​នៃ​ការ​បោះឆ្នោត​បឋម​នៅ New Hampshire ក្រោយ​ពេល​ការ​រាប់​សន្លឹក​ឆ្នោត​បាន​៩៥%។
លទ្ធផល​នៃ​ការ​បោះឆ្នោត​បឋម​នៅ New Hampshire ក្រោយ​ពេល​ការ​រាប់​សន្លឹក​ឆ្នោត​បាន​៩៥%។

អ៊ីរ៉ង់៖ បណ្ដាញ​ព័ត៌មាន​អ៊ីរ៉ង់​បាន​និយាយ​ថា មាន​គ្រាប់បែក​មួយ​គ្រាប់​ផ្ទុះ​ឡើង ក្នុង​រដ្ឋធានី​តេហេរ៉ង់ បាន​បណ្ដាល​ឲ្យ​ស្លាប់​សាស្រ្ដាចារ្យ​សាកលវិទ្យាល័យ​ម្នាក់​ដែល​ជា​អ្នក​ដែល​ធ្វើការ​ជា​អ្នកវិទ្យាសាស្រ្ដ​ក្នុង​កម្មវិធី​នុយក្លេអ៊ែរ​អ៊ីរ៉ង់​ផង​ដែរ។ ទីភ្នាក់ងារ​ព័ត៌មាន​ហ្វាស់ (Fars) បាន​ឱ្យ​ដឹង​ថា​ មាន​មនុស្ស​ម្នាក់​ជិះ​លើ​ម៉ូតូ​បាន​លួច​ដាក់​គ្រាប់បែក​នៅ​ក្រោម​រថយន្ដ​របស់​លោក មូស្តាហ្វា អាម៉ាឌី រូស្សាន (Mostafa Ahmadi Roshan) ហើយ​មន្ដ្រី​អ៊ីរ៉ង​បាន​ដាក់​កំហុស​លើ​អ៊ីស្រាអែល​សម្រាប់​ការ​វាយ​ប្រហារ​នោះ។

អាមេរិក៖ ស.រ.អ​បាន​ថ្កោលទោស​លើ​ការ​សម្រេចចិត្ត​របស់​រដ្ឋាភិបាល​អ៊ីរ៉ង់​ក្នុង​ការ​ចាប់ផ្ដើម​ចម្រាញ់​សារជាតិ​អ៊ុយរ៉ាញ៉ូម នៅ​ជិត​ក្រុង​ពិសិដ្ឋ គម (Qom) ដែល​ជា​រោងចក្រ​នុយក្លេអ៊ែរ​ទី​ពីរ ជា​កន្លែង​ដែល​រូបធាតុ​នេះ​អាចត្រូវ​បាន​បង្កើន​គុណភាព​យ៉ាង​ឆាប់​រហ័ស​សម្រាប់​សក្តានុពល​ប្រើប្រាស់​នៅ​ក្នុង​គ្រាប់បែក​បរមាណូ​មួយ។

កម្ពុជា៖ ក្រុម​អ្នក​ឃ្លាំមើល​សាលាក្តី​ខ្មែរ​ក្រហម ​បាន​ថ្លែង​ថា ការ​ខ្វែង​គំនិត​គ្នា​រវាង​ចៅក្រម​ពីរ​នាក់​នៅ​ឯ​តុលាការ​ដែល​គាំទ្រ​ដោយ​អង្គការ​សហប្រជាជាតិ​មួយ​នេះ​នឹង​រំខាន​ដល់​ការ​បន្ត​សំណុំ​រឿង​ទាំងឡាយ​ប្រឆាំង​ក្រុម​អតីត​មេដឹកនាំ​ខ្មែរ​ក្រហម។

អាមេរិក/ចិន៖ លោក ទីម៉ូធី ហ្គេតនឺ (Timothy Geithner) រដ្ឋលេខាធិការ​រតនាគារ​ជាតិ​អាមេរិក​បាន​ជួប​ពិភាក្សា​ជាមួយ​ក្រុម​មន្ដ្រី​ចិន​នៅ​ក្នុង​ទីក្រុង​ប៉េកាំង កាល​ពី​ថ្ងៃពុធ​នេះ​សម្រាប់​កិច្ចពិភាក្សា​នានា​ដែល​គេ​រំពឹង​ថា នឹង​ផ្ដោត​ទៅ​លើ​ការ​រឹត​ចំណង​សេដ្ឋកិច្ច​ រវាង​ប្រទេស​ទាំង​ពីរ និង​ការ​ដាក់​ទណ្ឌកម្ម​របស់​អាមេរិក​ទៅ​លើ​កម្មវិធី​នុយក្លេអ៊ែរ របស់​អ៊ីរ៉ង់។

បាគីស្ថាន៖ ពួក​មន្ដ្រី​បាគីស្ថាន​បាន​និយាយ​ថា ការ​វាយ​ប្រហារ​ដោយ​យន្ដហោះ​ដែល​គ្មាន​មនុស្ស​បើក​របស់​អាមេរិក​មួយ​បាន​បណ្ដាល​ឱ្យ​ជនសង្ស័យ​ជា​ជន​សកម្ម​ប្រយុទ្ធ​៤​នាក់​ស្លាប់ នៅពេល​វា​បាន​បុក​មក​លើ​បរិវេន​អគារ​មួយ​នៅ​តំបន់​ពាយ័ព្យ​នៃ​ប្រទេស​នេះ​ជិត​ព្រំដែន​ជាមួយ​អាហ្វហ្គានីស្ថាន។

កូរ៉េ​ខាងជើង៖ ទីភ្នាក់ងារ​ស្រាវជ្រាវ​របស់​រដ្ឋាភិបាល​កូរ៉េខាងត្បូង​មួយ​បាន​និយាយ​ថា មេ​ដឹកនាំ​ថ្មី​របស់​កូរ៉េ​ខាងជើង​នឹង​អាច​ចេញ​បញ្ជា​ឱ្យ​ធ្វើ​ការ​សាកល្បង​គ្រាប់បែក​នុយក្លេអ៊ែរ​ជា​លើក​ទី​បី ឬ​ក៏​ការ​បាញ់​កាំជ្រួច​មីស៊ីល​ចម្ងាយ​ឆ្ងាយ​នៅ​ចុង​ឆ្នាំ​នេះ។

កូរ៉េ​ខាងជើង៖ បណ្ដាញ​ព័ត៌មាន​រដ្ឋ​របស់​ប្រទេស​កូរ៉េ​ខាងជើង​បាន​ឱ្យ​ដឹង​ថា​ ស.រ.អ​បាន​ស្នើ​ជួយ​ផ្ដល់​ជំនួយ​អាហារ​និង​ការ​ដក​ជា​បណ្ដោះអាសន្ន​នូវ​ទណ្ឌកម្ម​មក​លើ​រដ្ឋាភិបាល​ព្យុងយ៉ាង ប្រសិន​បើ​រដ្ឋាភិបាល​នេះ​ពន្យារ​កម្មវិធី​ចម្រាញ់​សារជាតិ​អ៊ុយរ៉ាញ៉ូម​របស់​ខ្លួន។

XS
SM
MD
LG