ភ្ជាប់​ទៅ​គេហទំព័រ​ទាក់ទង

ព័ត៌មាន​អន្តរជាតិ​សង្ខេប៖ ៦ កញ្ញា


នាយករដ្ឋមន្ដ្រី​ដែល​ទើប​បាន​តែងតាំង​ថ្មី​នៃ​ប្រទេស​ថៃ​ លោកស្រី ​យីងឡាក់​ ស៊ីណាវ៉ាត់​

កម្ពុជា៖ ក្រុម​មន្ដ្រី​និយាយ​ថា​នាយករដ្ឋមន្ដ្រី​ដែល​ទើប​បាន​តែងតាំង​ថ្មី​នៃ​ប្រទេស​ថៃ​ លោកស្រី ​យីងឡាក់​ ស៊ីណាវ៉ាត់​ នឹង​ធ្វើ​ទស្សនកិច្ច​ទៅកាន់​ប្រទេស​កម្ពុជា​នា​សប្ដាហ៍​ក្រោយ។

លីប៊ី៖ ក្បួន​រថយន្ត​ដឹក​កងកម្លាំង​ស្មោះត្រង់​នឹង​មេដឹកនាំ​លីប៊ី ​លោក​ ម៉ូអាមារ​ ហ្កាដាហ្វី​បាន​បើក​ឆ្លង​ចូល​ទៅ​ក្នុង​ប្រទេស​នីស្សេ​ដែល​ស្ថិត​នៅ​ក្បែរ​ខាង​ ខណៈពេល​ដែល​ពួក​អ្នក​ប្រយុទ្ធ​ប្រឆាំង​នឹង​លោក​ហ្កាដាហ្វី​បន្ត​ប្រមូលផ្តុំ​នៅ​ខាងក្រៅ​ទីតាំង​យោធា​មួយ​ក្នុង​ចំណោម​ទីតាំង​ផ្សេងៗ​ទៀត​របស់​លោក​ហ្កាដាហ្វី។​

ពិភពលោក៖ ការ​លក់​ហ៊ុន​ចេញ​ទ្រង់ទ្រាយ​ធំ​ក្នុង​ពិភពលោក​បាន​បន្ត​មក​ដល់​ថ្ងៃ​ទី​ពីរ​នៅ​ថ្ងៃ​អង្គារ​នេះ​ក្នុង​ទ្វីប​អាស៊ី​ ដោយសារ​មាន​ការ​ភ័យខ្លាច​អំពី​ការ​លូតលាស់​ដ៏​យឺតយ៉ាវ​នៅក្នុង​សហរដ្ឋ​អាមេរិក​ និង​វិបត្តិ​បំណុល​អធិបតេយ្យភាព​ (sovereign debt crisis) ក្នុង​ទ្វីប​អឺរ៉ុប។

ធនាគារ​ពិភពលោក៖ ប្រធាន​ធនាគារ​ពិភពលោក​ លោក ​Robert​ Zoellick ថ្លែង​ថា​ លោក​មាន​ជំនឿ​ថា​ពិភពលោក​អាច​គេចផុត​ពី​ការ​ធ្លាក់​ចូល​ទៅក្នុង​វិបត្តិ​សេដ្ឋកិច្ច​លើក​ទី​ពីរ។

ឥណ្ឌា បង់ក្លាដេស៖ នាយក​រដ្ឋមន្ដ្រី​ឥណ្ឌា ​លោកស្រី​ ម៉ាន ​ម៉ូហាន ​សិង្ហ​ (Manmohan Singh) កំពុង​ធ្វើ​ទស្សនកិច្ច​រយៈពេល​ពីរ​ថ្ងៃ​ក្នុង​ប្រទេស​បង់ក្លាដេស​ ក្នុង​គោល​បំណង​បង្កើន​ទំនាក់ទំនង​រវាង​ប្រទេស​ទាំងពីរ​ឲ្យ​កាន់តែ​ប្រសើរ​ឡើង។​

អាហ្វហ្កានីស្ថាន៖ អង្គការ​ណាតូ​និយាយ​ថា​ផែនការ​នៃ​ការ​ផ្ទេរ​ការ​គ្រប់គ្រង​សន្ដិសុខ​នៅក្នុង​ប្រទេស​អាហ្វហ្កានីស្ថាន​ទៅ​ឲ្យ​យោធា និង​កង​កម្លាំង​ប៉ូលីស​របស់​ប្រទេស​អាហ្វហ្កានីស្ថាន​នៅ​ឆ្នាំ​២០១៤​ នឹង​ធ្វើឡើង​នៅ​មុន​ពេល​កំណត់​ ទោះបីជា​ខែ​សីហា​ ជា​ខែ​ដែល​មាន​កង​កម្លាំង​អន្ដរជាតិ​ស្លាប់​ជា​ច្រើន​ក៏​ដោយ។

ចិន/អាហ្រ្វិក៖ ក្រុម​មន្ដ្រី​ធានាគារ​ពិភពលោក​និយាយ​ថា​ ពួកគេ​បាន​បើក​ការ​ពិភាក្សា​ដំបូង​ជាមួយ​ប្រទេស​ចិន​អំពី​ក្តីរំពឹង​នៃ​ការ​ផ្លាស់​ការងារ​ឧស្សាហកម្ម​សម្រាប់​អ្នក​មាន​ជំនាញ​តិចតួច​ ចំនួន​រាប់​លាន​ការងារ​ទៅឲ្យ​ទ្វីប​អាហ្វ្រិក។​
តួកគី/អ៊ីស្រាអែល៖ ប្រទេស​តួកគី​ឲ្យ​ដឹង​ថា​ ខ្លួន​នឹង​ផ្អាក​ទាំងស្រុង​នូវ​ទំនាក់ទំនង​ពាណិជ្ជកម្ម​ និង​យោធា​ទាំងអស់​ជាមួយ​ប្រទេស​អ៊ីស្រាអែល​ ខណៈពេល​ដែល​ទំនាក់ទំនង​រវាង​ប្រទេស​ទាំងពីរ​មាន​សភាព​កាន់តែ​លំបាក​ឡើង។​
សហរដ្ឋ​អាមេរិក៖ ឥទ្ធិពល​ចុងក្រោយ​របស់​ខ្យល់ព្យុះ​ត្រូពិក​ឈ្មោះ​ លី​ (Lee) បាន​បណ្តាល​ឲ្យ​មាន​ភ្លៀង​ធ្លាក់​យ៉ាង​ខ្លាំង​នៅ​ពាសពេញ​តំបន់​ភាគ​ខាងត្បូង​សហរដ្ឋ​អាមេរិក​ និង​បង្ក​ឲ្យ​មាន​ខ្យល់ព្យុះ​កំបុត​ត្បូង​ ដែល​បាន​បំផ្លាញ​ផ្ទះ​ជាច្រើន​ខ្នង​ក្នុង​រដ្ឋ​ Georgia​ ដោយ​នៅ​ទីនោះ​ គេ​រំពឹង​ថា​នឹង​មាន​ភ្លៀង​ធ្លាក់​ខ្លាំង​បន្ថែម​ទៀត។

វៀតណាម៖ ប៉ូលីស​នៅក្នុង​ប្រទេស​វៀតណាម​ បាន​ចាប់ខ្លួន​មនុស្ស​ជាង​ ៥០​ នាក់​ និង​ចោទប្រកាន់​ពួកគេ​ថា​បាន​ចូលរួម​ជាមួយ​ក្រុម​កេងបន្លំ​អន្ដរជាតិ​ ដែល​មាន​ទិសដៅ​ទៅលើ​អ្នក​ដែល​មាន​ដើមកំណើត​ចិន។​

ភូមា៖ ប្រព័ន្ធ​ផ្សព្វផ្សាយ​រដ្ឋ​របស់​ប្រទេស​ភូមា​ឲ្យ​ដឹង​ថា​ រដ្ឋាភិបាល​បាន​បង្កើត​គណៈកម្មាការ​ជាតិ​ការពារ​សិទ្ធិ​មនុស្ស​ជា​លើក​ដំបូង​របស់​ខ្លួន។​

ហ្វីលីពីន៖ អ្នករស់នៅ​ក្នុង​ភូមិ​មួយ​នៃ​ភាគ​ខាងត្បូង​ប្រទេស​ហ្វីលីពីន​ បាន​អបអរសាទរ​ចំពោះ​ការ​ចាប់​បាន​សត្វ​ក្រពើ​ទឹក​ប្រៃ​ដ៏​ធំ​មូយ​ ដែល​យ៉ាងហោចណាស់​បាន​ស៊ី​ក្របី​មួយ​ និង​ប្រហែល​ជា​បាន​ស៊ី​អ្នក​នេសាទ​ម្នាក់​ដែល​បាន​បាត់​ខ្លួន​ពី​ភូមិ​ផងដែរ។​

ព័ត៌មាន​នៅ​ពេល​មុន​នេះ៖

សហរដ្ឋ​អាមេរិក​៖ លោក​ប្រធានាធិបតីបារ៉ាក់ អូបាម៉ា​បាន​សរសើរ​ក្រុម​កម្មករ​អាមេរិកាំង​នៅ​ក្នុង​ទិវា​បុណ្យ​ការងារ​របស់​ប្រទេស ​ពេល​ដែល​លោក​អំពាវនាវ​ដល់​ពួក​អ្នក​ប្រឆាំង​ខាង​នយោបាយ​ឱ្យចូលរួម​ជា​មួយ​លោកក្នុង​ការគាំទ្រដល់​ចំណាយ​ថ្មីៗ​ដើម្បី​ជួសជុល​ផ្លូវ ស្ពាន​និង​បន្ត​ការ​កាត់​បន្ថយ​ពន្ធដារ​លើ​ប្រាក់​បៀវត្ស។

អង់គ្លេស​៖ ការ​ស៊ើបអង្កេត​មួយ​របស់​អង់គ្លេស​កំពុង​ពិនិត្យ​មើល​អំពី​ការ​ចោទ​ប្រកាន់​ថា​សេវាកម្ម​សន្តិសុខ​អង់គ្លេស​មាន​ទាក់​ទិន​នឹង​ការ​បញ្ជូន​ពួក​ជន​ជាប់​សង្ស័យ​ថា​ជា​ភេរវជន​ទៅ​កាន់​ប្រទេស​លីប៊ី​ ​ទោះ​ជា​ដឹង​ថា​ជន​ទាំង​នេះ​នឹង​ត្រូវ​ធ្វើ​ទារុណកម្ម​ក៏​ដោយ។

ស៊ីរី​៖ គណៈកម្មាធិការ​កាកបាទ​ក្រហម​អន្តរជាតិ​បាន​និយាយ​ថា​អាជ្ញាធរ​ស៊ីរី​បាន​បើក​ឱ្យ​អង្គការ​មនុស្ស​ធ៌ម​នេះ​ចូលទៅ​ក្នុង​កន្លែង​ឃុំឃាំង​មួយ​ជាលើក​ដំបូង ​តាំង​ពី​ក្រុម​សកម្មជន​ប្រឆាំង​បាន​បើក​ធ្វើការ​បះបោរ​លម្អៀង​ទៅខាង​លទ្ធិ​ប្រជាធិបតេយ្យ​កាល​ពី​ខែ​មីនា​។

អេហ្ស៊ីប​៖ នាយ​ប៉ូលីស​ជាន់​ខ្ពស់​ម្នាក់​បាន​ឆ្លើយ​ជា​សាក្សី​ក្នុង​ការ​កាត់​ក្តី​លោកអតីត​ប្រធានាធិបតី​ Hosni Mubarak ​អេហ្ស៊ីប​ថា​លោក​មិន​បាន​ដឹង​អំពី​បញ្ជា​ណា​មួយ​ឱ្យ​បាញ់​គ្រាប់​កាំភ្លើង​មែន​ទែន​ទៅ​លើ​ក្រុម​បាតុករ​នៅ​ក្នុង​ទីលាន​តារៀក្នុង​ក្រុង ​Le Caire ទេ ​នៅ​ក្នុង​ការ​បះបោរ​ដែល​នាំ​ឱ្យ​មាន​ការ​បណ្តេញ​លោក​ប្រធានាធិបតី​ចេញ​ពី​តំណែង។

លីប៊ី​៖ កង​កម្លាំង​បន្ថែម​សម្រាប់​ក្រុម​យុទ្ធជន​អាជ្ញាធរ​បណ្តោះអាសន្ន​លីប៊ី​បាន​ធ្វើ​ដំណើរ​ថ្ងៃ​ច័ន្ទ​ទៅ​កាន់​ទីតាំង​មួយ​ដែល​នៅ​សេសសល់​របស់​មេដឹកនាំ Moammar Gadhafi ដែល​បាន​ត្រូវ​បណ្តេញ​ចេញ​ពី​តំណែង។

កម្ពុជា​៖ លោក​វ៉ាន់​ ណាត​ដែល​ជា​ជន​ម្នាក់​ក្នុង​បណ្តា​មនុស្ស​តែ​៧​នាក់ដែល​នៅរស់​ពី​មជ្ឈមណ្ឌល​ទារុណកម្មដ៏​អប្រិយ​របស់​ពួក​ខ្មែរ​ក្រហម​ បាន​ទទួល​មរណភាពហើយ​ក្នុង​អាយុ​៦៦​ឆ្នាំ។​ អ្នក​ការពារ​សិទ្ធិ​មនុស្ស​និង​ជា​វិចិត្រករ​រូប​នេះ​បានទៅ​សម្រាកនៅមន្ទីរ​ពេទ្យ​កាល​ពី​ចុង​ខែ​មុន ​ក្រោយ​ពី​លោក​មាន​បញ្ហា​បេះដូង ​ហើយ​លោក​បានភ្លឹកមិន​ដឹង​ខ្លួន​ជា​ច្រើន​ថ្ងៃ។ ​កូន​ប្រសា​ប្រុស​របស់លោក​បាន​ហៅមរណភាព​របស់​លោក​ថា​ជា «ការបាត់បង់​ធំ​មួយ​សម្រាប់​ប្រវត្តិសាស្ត្រប្រទេស​កម្ពុជា»។​ អ្នក​ស្រី​ គិត​អេង​ដែល​ជា​ភរិយា​មេម៉ាយ​របស់​លោក​វ៉ាន់​ណាត​បាន​បន្ទោស​អំពី​ជំងឺដ៏​យូរ​របស់​លោក​ដែល​មាន​រួម​បញ្ចូល​ទាំង​ជំងឺ​តម្រង​នោម​ដ៏​ធ្ងន់ធ្ងរ​ផង​ ទៅ​លើ​ការ​ធ្វើ​ទារុណកម្មដែលលោក​បាន​រង​គ្រោះ​នៅ​ក្នុង​គុក​ទួលស្លែង។​ សៀវភៅ​កំណត់​ប្រវត្តិ​ដែល​លោក​វ៉ាន់​ ណាត​បានសរសេរ​កាល​ពី​ឆ្នាំ​១៩៩៨ មាន​ចំណង​ជើង​ថា «ការពណ៌នា​អំពី​គុកមួយ​នៃ​ប្រទេស​កម្ពុជា:មួយ​ឆ្នាំ​នៅ​ក្នុង​គុកស-២១​របស់​ពួក​ខ្មែរ​ក្រហម» ជា​ការ​ពណ៌នា​ជា​លាយ​លក្ខអក្សរ​តែ​មួយ​គត់​ដោយ​អ្នក​នៅ​រស់​ម្នាក់​ពី​គុក​នេះ។

XS
SM
MD
LG