ភ្ជាប់​ទៅ​គេហទំព័រ​ទាក់ទង

លោក​ឃែរីនឹង​ជួប​នាយក​រដ្ឋមន្រ្តី​អ៊ីស្រាអែលខណៈ​ប៉ាឡេស្ទីន​ជំរុញ​ឲ្យ​មាន​ដំណោះ​ស្រាយ​ពី​អ.ស.ប.


លោក​រដ្ឋមន្រ្តី​ការបរទេស​សហរដ្ឋ​អាមេរិក ចន ឃែរី (John Kerry) ​ថ្លែង​សុន្ទរកថា​នៅ​ឯ​សន្និសីទ​អង្គការ​សហប្រជាជាតិ​ស្តី​ពី​ការ​ផ្លាស់​ប្តូរ​អាកាសធាតុ​នៅ​ក្នុង​ទីក្រុង​លីម៉ា (Lima) ប្រទេសប៉េរូ (Peru)​ កាល​ពី​ថ្ងៃ​ព្រហស្បតិ៍ ទី១១ ខែ​ធ្នូ​ឆ្នាំ​២០១៤។

លោក​រដ្ឋមន្ត្រីការ​បរទេស​សហរដ្ឋ​អាមេរិក ចន ឃែរី (John Kerry) ​នឹង​ធ្វើការ​ចរចា​ក្នុង​ទីក្រុង​រ៉ូម (Rome) ជាមួយ​លោក​នាយក​រដ្ឋមន្ត្រី​អ៊ីស្រាអែល Benjamin Netanyahu នៅ​កន្លែង​ឈប់​សំចត​ទី​មួយ​នៃ​ការ​ធ្វើ​ដំណើរ​របស់​លោក​ដើម្បី​វាយ​តម្លៃ​ស្ថាន​ភាព​បច្ចុប្បន្ន​នៃ​បញ្ហា​ប្រទេស​ អ៊ីស្រាអែល-ប៉ាឡេស្ទីន (Israeli-Palestinian)។​

ជំនួប​នេះ​កើត​មាន​ទ្បើង​នៅ​ពេល​ដែល​ក្រុម​មន្ត្រី​ប៉ាឡេស្ទីន​ជំរុញ​ឱ្យមាន​សេចក្តី​សម្រេច​ចិត្ត​មួយ​របស់​អង្គការ​សហប្រជាជាតិ​ ដែល​អាចអំពាវ​នាវ​ឱ្យ​មាន​ការ​បញ្ចប់​ការ​កាន់​កាប់​ទឹក​ដី​ប៉ាឡេស្ទីនដោយ​ប្រទេស​អ៊ីស្រាអែលក្នុង​រយៈពេល​ពីរ​ឆ្នាំ។សេចក្តី​ព្រាង​នៃ​ដំណោះស្រាយ​ហ្ស៊កដានី​ (Jordanian​-drafted resolution) អាច​ត្រូវ​ដាក់​ស្នើ​នៅ​ក្នុង​ក្រុម​ប្រឹក្សា​សន្តិសុខ​អ.ស.ប.នៅ​សប្តាហ៍នេះ។

នៅ​ក្រោយ​ជំនួប​ជាមួយ​លោក​ Netanyahu លោក​ ឃែរី គ្រោង​នឹង​ធ្វើ​ដំណើរ​ទៅ​កាន់​ទីក្រុង​ប៉ារីស ដើម្បី​ពិភាក្សា​ជាមួយ​សមភាគី​របស់​លោក​មក​ពី​ប្រទេស​បារាំង, អង់គ្លេស​និង​ប្រទេស​អាល្លឺម៉ង់។ នៅ​ថ្ងៃ​អង្គារ លោក​នឹង​ធ្វើការ​ចរចា​ជាមួយ​លោក Saeb Erekat ប្រធាន​ក្រុម​អ្នក​ធ្វើការ​ចរចា​ប៉ាឡេស្ទីន​ និង​លោក​ Nabil Elaraby អគ្គលេខា​ធិការ​សម្ព័ន្ធ​អារ៉ាប់​ នៅ​ក្នុង​ទី​ក្រុង​ Londres។​

មន្ត្រី​ជាន់​ខ្ពស់​ម្នាក់​នៃ​ក្រសួង​ការ​បរទេស​អាមេរិក​បាន​និយាយ​ថា​ គោល​ដៅ​របស់​លោក​ ឃែរី គឺ​ដើម្បី​ស្តាប់​នូវ​អ្វី​ដែល​ក្រុម​មន្ត្រី​ទាំង​នោះ​ត្រូវ​និយាយ​ និង​ធ្វើការ​លើ​មាគ៌ា​រួម​គ្នា​មួយ​ទៅ​មុខ ខណៈ​ពេល​ដែល​រក្សា​ចំហ​លទ្ធភាព​ដំណោះស្រាយ​នៃរដ្ឋ​ទាំង​ពីរ។

XS
SM
MD
LG