កាលពីថ្ងៃសុក្រ ចៅក្រមសហព័ន្ធស.រ.អាម្នាក់បានសម្រេចថា រដ្ឋាភិបាលត្រូវតែចេញផ្សាយរូបថតបង្ហាញថាតើពួកអ្នកទោសបានត្រូវប្រព្រឹត្តទៅលើបែបណានៅក្នុងគុក Abu Ghraib ក្នុងប្រទេសអ៊ីរ៉ាក់ និងនៅកន្លែងឯទៀតៗ។
សេចក្តីសម្រេចរបស់ចៅក្រម Alvin Hellerstein ចូលជាធរមានក្នុងពេលពីរខែដោយផ្តល់ពេលវេលាឱ្យរដ្ឋាភិបាលធ្វើសេចក្តីសម្រេចចិត្តថាតើខ្លួននឹងតវ៉ាទ្បើងឧទ្ធរណ៍ប្រឆាំងនឹងសេចក្តីសម្រេចរបស់ចៅក្រមនេះឬទេ។
កាលពីឆ្នាំ២០០៤អង្គការសហភាពសេរីភាពស៊ីវិលអាមេរិកាំងដែលភាសាអង់គ្លេសហៅថា American Civil Liberties Union ហៅកាត់ថា ACLU បានដាក់ពាក្យបណ្តឹងមួយស្វះស្វែងឲ្យមានការចេញផ្សាយរូបថតទាំងនេះ។អង្គការ ACLU បាននិយាយថារូបថតទាំងនេះមាន «សារៈសំខាន់ជាក់ស្តែងដល់ការជជែកដេញដោលគ្នាដែលកំពុងមានធ្វើនៅក្នុងប្រទេសជាតិអំពីការទទួលខុសត្រូវរបស់រដ្ឋាភិបាលចំពោះការរំលោភបំពានលើក្រុមអ្នកទោស»៕
