ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ព្រឹទ្ធ​សភា​អ៊ីតាលី​ឯកភាព​លើ​អាពាហ៍ពិពាហ៍​របស់​​ពលរដ្ឋ​​ដែល​មាន​ភេទ​ដូច​គ្នា


មនុស្ស​ម្នា​ជាច្រើន​ប្រមូល​ផ្តុំ​នៅ​ក្នុង​ការ​ជួបជុំ​ទាមទារ​សិទ្ធិ​បុរស​ស្រឡាញ់​បុរស​មុន​ការ​បោះឆ្នោត​នៅ​សភា​អ៊ីតាលី​ដើម្បី​កែប្រែ​ច្បាប់​ឲ្យ​ទទួល​ស្គាល់​សិទ្ធិ​របស់​អ្នក​ស្រឡាញ់​ភេទ​ដូច​គ្នា កាលពី​ថ្ងៃទី២១ ខែកុម្ភៈ ឆ្នាំ២០១៦។
មនុស្ស​ម្នា​ជាច្រើន​ប្រមូល​ផ្តុំ​នៅ​ក្នុង​ការ​ជួបជុំ​ទាមទារ​សិទ្ធិ​បុរស​ស្រឡាញ់​បុរស​មុន​ការ​បោះឆ្នោត​នៅ​សភា​អ៊ីតាលី​ដើម្បី​កែប្រែ​ច្បាប់​ឲ្យ​ទទួល​ស្គាល់​សិទ្ធិ​របស់​អ្នក​ស្រឡាញ់​ភេទ​ដូច​គ្នា កាលពី​ថ្ងៃទី២១ ខែកុម្ភៈ ឆ្នាំ២០១៦។

ព្រឹទ្ធសភា​ក្នុង​ប្រទេស​អ៊ីតាលី​បាន​សម្រេច​អនុម័ត​លើ​សេចក្តី​ព្រាង​ច្បាប់​ដែល​មាន​លក្ខណៈ​ប្រវត្តិសាស្រ្ត​មួយ​កាល​ពី​ថ្ងៃ​ព្រហស្បតិ៍ ដោយ​ទទួល​ស្គាល់​អាពាហ៍ពិពាហ៍​ពលរដ្ឋដែល​មាន​ភេទ​ដូច​គ្នា​ដោយ​ស្របច្បាប់។​

ច្បាប់​នេះ​ត្រូវ​បាន​ឯកភាព​ដោយ​មាន​សំឡេង​គាំទ្រ​ខ្លាំង​គឺ​១៧៣​ទល់​នឹង​៧១។ លោក​នាយក​រដ្ឋ​មន្រ្តី Matteo Renzi បាន​ហៅ​ការ​អនុម័ត​លើ​ច្បាប់​នេះ​ថា​មាន​លក្ខណៈ​ប្រវត្តិសាស្រ្ត ប៉ុន្តែ​ក្រុម​សកម្មជន​ភាគ​ច្រើន​បាន​រិះគន់​លើ​ការ​ដក​ចេញ​នូវ​មាត្រា​មួយ​នៃ​សេចក្តីព្រាង​ច្បាប់​នេះ ដែល​មិន​អនុញ្ញាត​ឲ្យ​បុរសៗ​ដូចគ្នា​អាច​រៀបអាពាហ៍ពិពាហ៍នឹង​គ្នា​ដោយ​ស្រប​ច្បាប់​បាន។ ក្រុម​មន្រ្តី​តំណាងរាស្រ្ត​ក៏​បាន​ដក​ចេញ​នូវ​ពាក្យពេចន៍​ណា​ដែល​អនុញ្ញាត​ឲ្យ​បុរសៗ​អាច​រៀបការ​នឹង​គ្នា​បាន​ផង​ដែរ។ ​

សេចក្តី​ព្រាង​ច្បាប់​នេះ​ក៏​នឹង​ត្រូវ​ឆ្លង​កាត់​សភា​ជាន់ទាប​របស់​អ៊ីតាលី​ផង​ដែរ។សេចក្តី​ព្រាង​ច្បាប់​នេះ​បាន​ឆ្លង​កាត់​ព្រឹទ្ធសភា​ បន្ទាប់​ពី​មាន​ការ​ពន្យារពេល​អស់​រយៈពេល​ជា​ច្រើន​ឆ្នាំ។ តុលាការ​សិទ្ធិ​មនុស្ស​អឺរ៉ុប​បាន​ថ្កោលទោស​ប្រទេស​អ៊ីតាលី​កាល​ពី​ឆ្នាំ​២០១៥​ ចំពោះ​ការ​រើសអើង​ប្រឆាំង​នឹង​គូស្នេហ៍​ជា​បុរស​និង​បុរស។ ​

សម្តេច​ប៉ាប Francis មិន​បាន​បញ្ចេញ​យោបល់​អ្វី​ចំពោះ​សេចក្តីព្រាង​ច្បាប់​នេះ​ ឬ​ការ​អនុម័ត​ទៅ​លើ​សេចក្តី​ព្រាង​ច្បាប់​នេះ​នៅ​ឡើយ​ទេ៕

XS
SM
MD
LG