ប៉ូលិសឥណ្ឌូនេស៊ីនិយាយថា ជនរងគ្រោះយ៉ាងហោចណាស់ក៏ម្នាក់ដែរ បន្ទាប់ពីការផ្ទុះគ្រាប់បែកក្នុងរដ្ឋធានីហ្សាការតា។
ក្រុមអាជ្ញាធរបាននិយាយកាលពីថ្ងៃព្រហស្បតិ៍ថា មនុស្ស៤នាក់បានរងរបួសកាលពីយប់ថ្ងៃពុធនៅពេលដែលការផ្ទុះនោះបានកើតមានឡើងនៅក្នុងហ្វូងមនុស្សនៅក្នុងសង្កាត់មួយនៅរដ្ឋធានីហ្សាការតា។
លោក Badrodin Haiti Badrodin អនុប្រធានប៉ូលិសជាតិបាននិយាយថា ការស៊ើបអង្កេតកំពុងធ្វើឡើង ក៏ប៉ុន្តែ វាឆាប់ពេកដើម្បីនិយាយប្រាប់ថា តើហេតុអ្វី បានជាគេធ្វើគ្រាប់បែកនោះឬថាតើហេតុអ្វីបានជាគ្រាប់បែកនោះផ្ទុះ។
លោក និយាយថា «នៅពេលនេះ យើងមិនអាចធ្វើការសន្និដ្ឋានទេ ពីព្រោះតែយើងចង់សួរចម្លើយជនរងគ្រោះ ឬជនរួមផ្សំគំនិតដែលរងការចោទប្រកាន់។ យើងក៏មានផែនការសួរចម្លើយប្រពន្ធរបស់ជននោះហើយនិងអ្នកជិតខាងរបស់ពួកគេ។ បន្ទាប់មក យើងនឹងអាចធ្វើការវាយតម្លៃអំពីបញ្ហានេះ»។
គេមិនទាន់ដឹងច្បាស់នៅឡើយថាតើជនរងគ្រោះ៣នាក់ផ្សេងទៀត ក៏មានការសង្ស័យនៅក្នុងការទាក់ទិននៅក្នុងការធ្វើគ្រាប់បែកនេះដែរឬទេ។ គ្មានមនុស្សណារងរបួស បានជួបដើម្បីធ្វើអត្ថាធិប្បាយទេ៕
