ការដេញដោលយោបល់គ្នានៅមានបន្ត ស្តីពីការស្នើសង់ព្រះវិហ៊ារ និងមជ្ឈមណ្ឌលអ៊ីស្លាមមួយ នៅជិតទីសោកសៅ Ground Zero កន្លែងដែលក្រុមភេរវជនបានវាយប្រហារកាលពីថ្ងៃទី១១ ខែកញ្ញា ឆ្នាំ២០០១ នៅក្រុងញូយ៉ក។ សមាជិកព្រឹទ្ធសភាសំខាន់ពីររូបជាអ្នកដែលចូលប្រឡូកចុងក្រោយនៅក្នុងជម្លោះនេះដែរ។
គម្រោងការសាងសង់អគារនៅក្នុងស្រុកកម្របង្កើតឲ្យមានការដេញដោលយោបល់គ្នាយ៉ាងរំជើបរំជួលចិត្តដូច្នេះណាស់។ តែសំណើសុំសង់វិហារអ៊ីស្លាមនៅចម្ងាយប៉ុន្មានផ្លូវពីទីដែលមជ្ឈមណ្ឌលពាណិជ្ជកម្មពិភពលោកធ្លាប់ឈរស្កឹមស្កៃនៅទីនោះ បានប៉ះទង្គិចទៅលើអារម្មណ៍ប្រជាពលរដ្ឋអាមេរិកាំងជាច្រើន ហើយនិងបង្កឲ្យមានការដេញដោលយោបល់គ្នា អំពីបញ្ហាថាតើត្រូវធ្វើយ៉ាងណាដើម្បីរកតុល្យភាពក្នុងការធ្វើឲ្យអ្នកស្រុក ស្រួលចិត្តជាមួយនឹងការផ្តេជ្ញាជាប្រវត្តិសាស្រ្តរបស់ប្រទេសអាមេរិកទៅលើការគោរពសេរីភាពខាងសាសនា។
លោក Jack Reed សមាជិកព្រិទ្ធសភាគណៈបក្យប្រជាធិបតេយ្យ ពីរដ្ឋរ៉ូដអាយឡិន បានថ្លែងដូចអត្ថាធិប្បាយថ្មីៗនេះរបស់ប្រធានាធិតីអូបាម៉ាដែរ ដោយបញ្ជាក់ពីសិទ្ធិក្នុងច្បាប់រដ្ឋធម្មនុញរបស់ប្រជាពលរដ្ឋទាំងអស់គ្នា សំរាប់ការគោរពសាសនារបស់ខ្លួន។
«ខ្ញុំគិតថាលោកប្រធានាធិបតីធ្វើត្រូវ ដែលលោកចង្អុលបញ្ជាក់ថាទំនាមទម្លាប់របស់យើង ធ្លាប់បានក្រសោបអនុគ្រោះសាសនាទាំងអស់។ ហើយខ្ញុំគិតថា លោកប្រធានាធិបតី ក៏បានទទួលស្គាល់ថា ការដេញដោលយោបល់គ្នានេះគឺបណ្តាលឲ្យជនរងគ្រោះនិងគ្រួសារ មានការឈឺចាប់ខ្លាំង និងធ្វើឲ្យនឹកដល់កាលៈទេសៈថ្ងៃ ១១កញ្ញាឆ្នាំ ២០០១ ដ៏មហន្តរាយនោះផងដែរ»។
លោក Reed បាននិយាយនៅបណ្តាញទូរទស្សន៍ “Fox News Sunday” កាលពីថ្ងៃ សៅរ៍ទី១៤សីហាថា ប្រធានាធិបតី អូបាម៉ាបានថ្លែងម្តងទៀតពីរឿងលោកការពារសេរីភាពសាសនា តែបានបន្ថែមថាលោកមិនមែនធ្វើអត្ថាធិប្បាយពីគតិបណ្ឌិតនៃការសង់វិហ៊ារអិស្លាមនៅបូរីញ៉ូយ៉កនោះទេ។ ចំណែកព្រិទ្ធសមាជិក John Cornyn ពីរដ្ឋ Texas មិនចូលចិត្តគំនិតនេះទេ។
«រឿងនេះគឺមិនមែនរឿងសេរីភាពសាសនាទេ ពីព្រោះយើងទាំងអស់គ្នាគោរពសិទ្ធិអ្នកទាំងអស់ណាដែលគោរពសាសនា យោងទៅតាមមនសិការរបស់គេ។ ប៉ុន្តែខ្ញុំគិតថាមិនសមនឹងគតិបណ្ឌិតទេ ដែលទៅសង់វិហ៊ារអិស្លាមនៅទីដែលមានមនុស្ស៣ពាន់នាក់ស្លាប់ដោយសារការវាយប្រហារភេរវកម្មមួយនោះ។ ហើយចំពោះខ្ញុំ នេះជាសញ្ញាបង្ហាញថារដ្ឋាភិបាលក្រុងវ៉ាស៊ីនតុននិងសេតវិមានហាក់ដូចជាមិនផ្ជាប់ខ្លួនជាមួយប្រជាពលរដ្ឋអាមេរិកាំងទូទៅនៃសរអាទេ»។
សមាជិកព្រឹទ្ធសភា Reed ថ្លែងថា គឺជាផលប្រយោជន៍នៃប្រទេសអាមេរិកក្នុងការធ្វើជាគំរូមួយនៃការអនុគ្រោះសាសនា ហើយនិងឲ្យមានការរួមរស់នៅជិតគ្នាបានដោយសន្តិភាពរវាងសាសនាផ្សេងៗ ជាពិសេសដោយមកពីការចូលជំពាក់ទាក់ទិនបន្តរបស់សរអានៅអាហ្វហ្កានីស្ថាន។
«យើងបានបញ្ជូនទាហានជើងគោក កងម៉ារីន កងកម្លាំងទ័ពពិសេសក្មេងៗ ទៅក្នុងភូមិជាច្រើននៅអាហ្វហ្កានិស្ថាន ដើម្បីព្យាយាមរកឲ្យឃើញផលប្រយោជន៍ដូចគ្នាជាមួយក្រុមអិស្លាម ដើម្បីដាក់ឱ្យនៅដាច់ដោយឡែកនូវភាពខុសគ្នាសើៗដែលអាចផុសឡើង។ ហើយបើយើងធ្វើដូច្នេះមិនកើតទេនៅសរអានោះយើងនឹងមានការលំបាកខ្លាំងនៅអាហ្វហ្កានិស្ថានមិនខាន»។
រដ្ឋាភិបាលក្នុងតំបន់ជាអ្នកផ្តល់ច្បាប់អនុញ្ញាតខាងសំណង់។ លោក Michael Bloomberg អភិបាលក្រុងញូវយ៉ក បានសំដែងការគាំទ្ររបស់លោក ចំពោះការស្នើសុំសង់វិហ៊ារអិស្លាម ថាជាយានមួយសម្រាប់ផ្ជាប់ភាពផ្សេងៗគ្នា នៅក្នុងបុរីញ៉ូយ៉ក៕
