ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ក្រិក​ប្រឹងប្រែង​ក្នុង​ការ​សម្រេចចិត្ត​​ជា​លើក​ចុង​ក្រោយ​លើ​ផែនការ​បញ្ជូន​មនុស្ស​ទៅ​ប្រទេស​ក្រិក​វិញ


ប្រទេស​ក្រិក​នឹង​ធ្វើ​ការ​បញ្ជូន​ជន​ទេសន្តរប្រវេសន៍​ទៅ​ប្រទេស​តួកគី​វិញ​នៅ​ថ្ងៃ​ច័ន្ទ ទី៤ ខែមេសា ឆ្នាំ២០១៦​ ពី​កំពង់ផែ Mytilini។
ប្រទេស​ក្រិក​នឹង​ធ្វើ​ការ​បញ្ជូន​ជន​ទេសន្តរប្រវេសន៍​ទៅ​ប្រទេស​តួកគី​វិញ​នៅ​ថ្ងៃ​ច័ន្ទ ទី៤ ខែមេសា ឆ្នាំ២០១៦​ ពី​កំពង់ផែ Mytilini។

នៅ​ក្នុង​ពេល​តែ​ប៉ុន្មាន​ម៉ោង​នៅ​មុន​ការ​ចាប់​ផ្តើម​បញ្ជូន​ពួក​ជន​ចំណាកស្រុក​រាប់រយ​នាក់ពី​កោះ Lesbos ក្រុម​មន្ត្រី​ក្រិក​មិន​ទាន់​សម្រេច​ចុង​ក្រោយ​បង្អស់​អំពី​ផែនការ​របស់​ពួកគេ​តាម​រយៈ​កិច្ចព្រមព្រៀង​មួយ​រវាង​សហភាព​អឺរ៉ុប ​និង​ប្រទេស​តួកគី​ទេ។

ពួក​សកម្មជន​នៅ​លើ​កោះ​ Lesbos បាន​គ្រោង​ធ្វើ​បាតុកម្ម​មួយ​នៅ​ថ្ងៃ​ច័ន្ទ​នេះ​ នៅ​ពេល​អាជ្ញាធរ​ក្រិក​ ដោយ​មាន​ជំនួយ​ពី​ប៉ូលិស​ព្រំដែន​រាប់រយ​នាក់​មក​ពី​ប្រទេស​នានានៃ​សហភាព​អឺរ៉ុប​មាន​កំណត់​អម​ដំណើរ​ក្រុម​ជន​ចំណាក​ស្រុកពី​ជំរំ​ឃុំឃាំង​ជន​ចំណាកស្រុក Moria នៅ​ខាង​ក្រៅ​ក្រុង​ Mytilini ដែល​ជា​ក្រុង​ធំ​ជាង​គេ​នៃ​កោះ​នេះ​ទៅ​កាន់​កំពង់ផែ​មួយ​ដែល​នៅ​ទីនោះ​ នាវា​ចម្លង​នឹង​ដឹក​ជញ្ជូន​ពួកគេ​ទៅ​កាន់ប្រទេស​តួកគី​វិញ។​

ជន​ចំណាក​ស្រុក​ដែល​មាន​សញ្ជាតិ​ផ្សេងៗ​គ្នា​បាន​ទៅ​ដល់​ឆ្នេរ​សមុទ្រ​នៃ​ប្រទេស​ក្រិក​ដោយ​ខុស​ច្បាប់​ ហើយ​បាន​ត្រូវ​ឃុំឃាំង​នៅ​ក្រោយ​អាជ្ញាធរ​យល់​ថា​ពួកគេ​គ្មាន​សិទ្ធិ​សុំ​ជ្រកកោន​ក្នុងប្រទេស​ក្រិក​ទេ។​

មន្ត្រី​ដែល​ធ្វើ​ការ​ជាមួយ​រដ្ឋាភិបាល​ក្រិក​ និង​អង្គការ​ Frontex ដែល​ជា​ទីភ្នាក់ងារ​ខាង​ព្រំដែន​នៃ​សហភាព​អឺរ៉ុប​ បាន​ប្រាប់​ឱ្យ​ដឹង​អំពី​សេចក្តី​ល្អិតល្អន់​តែ

បន្តិច​បន្តួច​អំពី​កិច្ចប្រតិបត្តិការ​នេះ​ដែល​បាន​នាំ​ឱ្យ​មាន​ការ​ខឹង​សម្បារ​ក្នុង​ចំណោម​សកម្មជន​ខាង​សិទ្ធិ​មនុស្ស និង​ពួក​អ្នក​និយម​នយោបាយ​ខាង​ឆ្វេង​នៅ​ទូទាំង​ទ្វីប​អឺរ៉ុប​ដែល​បាន​និយាយ​ថា ការ​បញ្ជូន​ជន​ដែល​ជីវិត​ពួកគេ​អាច​មាន​គ្រោះថ្នាក់​ក្នុង​ប្រទេស​តួកគី​ទៅ​វិញ អាច​ត្រូវ​សន្មត​ថា​ជា​អំពើ​ឃោរឃៅ​ខាង​មនុស្ស​ធម៌​មួយ។​

នៅ​ពេល​តិច​ជាង​២៤ម៉ោង​នៅ​មុន​ការ​ចាប់ផ្តើម​ការ​បញ្ជូន​ពួក​ជន​ចំណាក​ស្រុក​តាម​ការ​កំណត់​ មន្ត្រី​ក្រិក​បាន​និយាយ​ថា​ ពួកគេ​មិន​ទាន់​សម្រេច​នៅ​ឡើយ​ទេ​អំពី​ការ​ធ្វើ​តាម​ផែនការ​នេះ​បែប​ណា​ទេ។

ក្រុម​មន្ត្រី​បាន​និយាយ​ថា​ ជន​ច្រើន​នាក់​ក្នុង​បណ្តា​ពួក​ឆ្មាំ​ព្រំដែន និង​ពួក​អ្នក​ជំនាញការ​ជាង​២ពាន់​នាក់​នៃ​សហភាព​អឺរ៉ុប​បាន​ទៅ​ដល់​កោះ​ Lesbos កាលពី​ថ្ងៃ​អាទិត្យ​ ហើយ​ប្រុង​ប្រៀប​ស្រេច​ហើយ​ដើម្បី​ចាប់ផ្តើម​កិច្ចប្រតិបត្តិការ​នេះ។នៅ​ក្នុង​កំពង់ផែ​ក្រុង​ Mytilini នាវា​ប្រដាប់​អាវុធ​មួយ​គ្រឿង​នៃ​កង​កម្លាំង​ព្រំដែន​អង់គ្លេស​បាន​ចត​នៅ​ជិត​ផែ​ដែល​នៅ​ទីនោះ​គេ​រំពឹង​ថា​នាវា​ចម្លង​នឹង​ដឹក​ពួក​ជន​ចំណាក​ស្រុក​ចេញ​ពី​ទីនោះ។​

ក៏​ប៉ុន្តែ​ផែនការ​ទាំង​នេះ​ហាក់​ដូចជា​មិន​ទាន់​ចប់​សព្វ​គ្រប់​ទេ​ពីព្រោះ​ក្រុម​មន្ត្រី​បាន​លាត​ត្រដាង​ឱ្យ​ដឹង​អំពី​អ្វី​ដែល​ពួកគេ​និយាយ​ថា​ជា​ឧបសគ្គ​មួយ​ដល់​ការ​អនុវត្ត​កិច្ចព្រមព្រៀង​នេះ​គឺ​បរាជ័យ​របស់​ប្រទេស​តួកគី​ក្នុង​ការ​បញ្ឈប់​លំហូរ​ពួក​ជន​ចំណាក​ស្រុក​ដូច​ដែល​ប្រទេស​នេះ​បាន​សន្យា​ថា​ធ្វើ​តាមរយៈ​កិច្ច​ព្រមព្រៀង​នោះ៕

XS
SM
MD
LG