ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សហការី​ពីរនាក់​របស់​លោក Giuliani បានត្រូវ​ចាប់ខ្លួន​ពីបទ​រំលោភលើ​ការ​ផ្តល់​ប្រាក់​ដល់​ការ​ឃោសនា​បោះឆ្នោត​ក្នុង​ស.រ.អា.


រូបភាពឯកសារ៖ Rudy Giuliani ត្រូវ​បាន​គេ​ឃើញ​ជាមួយ​អ្នក​ជំនួញ​អាមេរកាំង​អ៊ុយក្រែន Lev Parnas នៅ​សណ្ឋាគារ​អន្តរជាតិត្រាំក្នុង​រដ្ឋធានី​វ៉ាស៊ីនតោន​កាលពី​ថ្ងៃ​ទី​២០ ខែកញ្ញា​ ឆ្នាំ២០១៩។
រូបភាពឯកសារ៖ Rudy Giuliani ត្រូវ​បាន​គេ​ឃើញ​ជាមួយ​អ្នក​ជំនួញ​អាមេរកាំង​អ៊ុយក្រែន Lev Parnas នៅ​សណ្ឋាគារ​អន្តរជាតិត្រាំក្នុង​រដ្ឋធានី​វ៉ាស៊ីនតោន​កាលពី​ថ្ងៃ​ទី​២០ ខែកញ្ញា​ ឆ្នាំ២០១៩។

សហការី​ពីរនាក់​របស់​លោក Rudy Giuliani មេធាវី​ផ្ទាល់​ខ្លួន​របស់​លោក​ប្រធានាធិបតី Donald Trump បានត្រូវ​ចាប់ខ្លួនពីបទ​ចោទប្រកាន់សហព័ន្ធ​ថា​បានធ្វើវិភាគទាន​ដោយ​ខុស​ច្បាប់រាប់សែន​ដុល្លារ​ដល់ការ​ឃោសនា​បោះឆ្នោត​នៃ​គណបក្សសាធារណរដ្ឋ ដោយ​មានរួមបញ្ចូល​អង្កការ​ Super PAC លម្អៀង​ទៅខាង​លោក Trump ផងដែរ។ អ្នកស៊ើបអង្កេត​ដើម្បី​ធ្វើការ​ចោទ​ប្រកាន់​លោក Trump ក្នុង​សភា​តំណាង​រាស្ត្រអាមេរិកាំង​បានស្វះស្វែង​រក​ជន​ពីរ​នាក់​នេះនៅ​ពេលពួក​គេ​បានត្រូវ​ចាប់ខ្លួន។

ឈ្មោះ​ Lev Parnas ដែល​ជា​ពលរដ្ឋស.រ.អា.​ដើម​កំណើត​អ៊ុយក្រែននិង​ឈ្មោះ Igor Fruman ដែល​ជា​ពលរដ្ឋស.រ.អា.ដើមកំណើត​ Belarus​ បានត្រូវ​ចាប់ខ្លួននៅ​ឯអាកាសយានដ្ឋាន Dulles កាលពី​យប់ថ្ងៃ​ពុធ​នៅ​ពេល​ពួក​គេ​ខិតខំព្យាយាម​ចាកចេញ​ពី​ស.រ.អា.។ មន្ត្រី​ខាងការពង្រឹង​ច្បាប់ម្នាក់​បាន​និយាយ​ថា​ជន​ទាំង​ពីរ​នាក់នេះ​មានកំណត់​នឹងចេញ​បង្ហាញ​ខ្លួន​លើកដំបូង​ក្នុង​តុលាការក្រុង Alexandria នៅរសៀលថ្ងៃ​ព្រហស្បតិ៍​តាមពេល​វេលា​តំបន់​ខាងកើត​នៃប្រទេស​អាមេរិក។

ការចោទ​ប្រកាន់ប្រឆាំង​នឹង​ជន​ពីរនាក់នេះ​កើត​មានឡើង​ពី​បណ្តឹង​របស់​អង្គការ​ឃ្លាំ​មើលឯករាជ្យ​មួយដែលធ្វើការ​ជាមួយ​គណៈកម្មការ​បោះឆ្នោត​សហព័ន្ធ​ដែល​បាន​និយាយ​អះអាង​ថា​បុរស​ទាំង​ពីរនាក់នេះ​បានបង្កើតក្រុមហ៊ុនមួយដើម្បី​បញ្ជូន​ដោយអនាមិកនូវប្រាក់​បរទេស​ទៅ​ឱ្យអង្គការ Super PAC លម្អៀង​ទៅ​ខាងលោក Trump មានឈ្មោះថា​ America First Action។

XS
SM
MD
LG