ភ្ជាប់​ទៅ​គេហទំព័រ​ទាក់ទង

វីរជន​ម៉ាលី​ទទួល​បាន​សញ្ជាតិ​បារាំង


លោក​ Lassana Bathily បុគ្គលិក​ក្លាហាន​ម្នាក់​នៅ​ក្នុង​ហាង​លក់​គ្រឿង​ទេស Kosher នៅ​ក្នុង​ក្រុង​ប៉ារីស ដែល​បាន​រង​ការ​វាយ​ប្រហារ​ដោយ​ជន​ប្រដាប់អាវុធ​ម្នាក់។

សកម្មភាព​របស់​បុគ្គលិក​ក្លាហាន​ម្នាក់​នៅ​ក្នុង​ហាង​លក់​គ្រឿង​ទេស Kosher នៅ​ក្នុង​ក្រុង​ប៉ារីស ដែល​បាន​រង​ការ​វាយ​ប្រហារ​ដោយ​ជន​ប្រដាប់អាវុធ​ម្នាក់​ បាន​ធ្វើឲ្យ​បុរសវ័យ​ក្មេង​មួយ​រូប​ទទួល​សញ្ជាតិ​បារាំង​មុន​ពេល​កំណត់។​

លោក​ Lassana Bathily បាន​និយាយ​ប្រាប់​វីអូអេ​នៅ​ក្នុង​សេចក្តី​សម្ភាសន៍​មួយ​កាល​ពី​ថ្ងៃ​សៅរ៍ថា​ លោក​ប្រធានាធិបតី​បារាំង Francois Hollande បាន​ហៅ​ទូរស័ព្ទ​មក​លោក​ ហើយ​បាន​សន្យា​ថា​នឹង​ផ្តល់​សញ្ជាតិ​បារាំង​ឲ្យ​លោក។​

លោក Bathily ដែល​ជា​បុរស​កាន់​សាសនា​អ៊ីស្លាម​ម្នាក់​អាយុ២៤​ឆ្នាំ​មក​ពី​ប្រទេស​ ម៉ាលី​ ​ដែលបាន​លាក់​ក្រុម​អតិថិជន​នៅ​ក្នុង​បន្ទប់​ដាក់​សាច់​ឱ្យ​កក​នៅ​ក្នុង​ជាន់​ក្រោម​នៃ​ហាង​លក់​ម្ហូប​អាហារនោះ នៅ​មុន​លោក​រត់​គេច​ខ្លួន​ទៅ​ប្រាប់​ប៉ូលិស​អំពី​ការ​វាយ​ប្រហារ​ បាន​និយាយ​ថា​សាសនា​របស់​អ្នក​ដែល​លោក​បាន​ជួយ​សង្គ្រោះ​មិនមែន​ជា​បញ្ហា​សម្រាប់​រូបលោក​ទេ។​

លោក Bathily បាន​ថ្លែ​ង​ប្រាប់​ផ្នែក​ផ្សាយ​ជា​ភាសា​ Bambara នៃវីអូអេថា​សកម្មភាព​ទាំង​នេះ​របស់​លោក «គ្មាន​ទាក់ទិន​អ្វី​នឹង​ជំនឿសាសនា​ទេ» ដោយលោក​បាននិយាយ​បន្ថែម​ថា​ ក្រុមអតិថិជន​ទាំង​នោះ​ជាមនុស្ស «ស្លូតត្រង់» ដែល «មិន​បាន​ធ្វើអ្វី​ខុសទេ»។

លោក Bathily បាន​ត្រូវ​កោតសរសើរ​ ថា​ជា​វីរបុរស​ម្នាក់​ដោយសារ​សកម្មភាព​លោក​នៅ​ពេល​មាន​ការ​វាយ​ប្រហារ​ភេរវកម្មនោះ៕

XS
SM
MD
LG