អតីតទីប្រឹក្សាកិច្ចការបរទេសមួយរូបរបស់លោកប្រធានាធិបតី Donald Trump ត្រូវចាប់ផ្តើមជាប់ពន្ធនាគាររយៈពេល១៤ថ្ងៃនៅថ្ងៃចន្ទ ពីបទនិយាយកុហកអ្នកស៊ើបអង្កេតអំពីតួនាទីរបស់លោកនៅក្នុងការជ្រៀតជ្រែករបស់រុស្ស៊ីនៅក្នុងការបោះឆ្នោតប្រធានាធិបតីអាមេរិកឆ្នាំ ២០១៦។
លោក George Papadopoulos បានព្យាយាមពន្យារពេលការកាត់ទោសរយៈពេលខ្លីរបស់លោក ខណៈកំពុងរង់ចាំការកាត់ក្តីរបស់តុលាការឧទ្ធរណ៍ក្នុងសំណុំរឿងដាច់ដោយឡែក ដែលតវ៉ាថា ការតែងតាំងលោក Robert Mueller ជាប្រឹក្សាពិសេសគឺខុសរដ្ឋធម្មនុញ្ញហើយការស៊ើបអង្កេតរបស់លោកអំពីទំនាក់ទំនងរបស់យុទ្ធនាការលោក Trump ជាមួយរុស្ស៊ីជាប់ទាក់ទងនឹងលោក Papadopoulos។
លោកចៅក្រម Randolph Moss កាលពីថ្ងៃអាទិត្យ បានច្រានចោលការប្រឹងប្រែងរបស់ លោកPapadopoulos ការពាររក្សាសេរីភាព ដោយពន្យារពេលមុនជាប់ពន្ធនាគារ។ លោកបានកត់សម្គាល់ថា នៅពេលដែលលោក Papadopoulos បានសារភាពថា លោកកុហកអ្នកស៊ើបអង្កេតនោះ គឺលោកលះបង់សិទ្ធិប្តឹងឧទ្ធរណ៍។
លោក Moss ក៏បានពិន័យលោក Papadopoulos ចំនួន៩ពាន់៥០០ដុល្លារ ហើយបានបង្គាប់ឱ្យលោកធ្វើការបម្រើសហគមន៍ចំនួន២០០ម៉ោង។
លោក Moss ក៏បានកត់សម្គាល់ផងដែរថា ចៅក្រមពីរនាក់ទៀតបានលើកឡើងពីការតែងតាំងលោក Mueller ស្របរដ្ឋធម្មនុញ្ញ៕
