ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ពលរដ្ឋ​បរទេស​លើកដំបូងជម្លៀស​ចេញ​ពី​ប្រទេស​ចិន​នៅពេល​មាន​សេចក្តី​រាយ​ការណ៍​ថា ​សហរដ្ឋ​អាមេរិកពិចារណា​ជើង​ហោះ​ហើរ​របស់ចិន


រូបឯកសារ៖ ស្របពេលដែលមានការរីករាលដាល ក្រុមហ៊ុនហោះហើរមួយចំនួនផ្អាកការហោះហើរទៅកាន់ប្រទេសចិន។

ការជម្លៀស​ពលរដ្ឋ​បរទេស​លើក​ដំបូង​ចេញ​ពី​ប្រទេស​ចិនបាន​កើត​មានឡើង​កាល​ពី​ថ្ងៃ​ពុធ​នៅពេល​ដែល​មាន​សេចក្តី​រាយការណ៍​ថា សហរដ្ឋ​អាមេរិកពិចារ​ណាហាម​ឃាត់​ជើង​ហោះហើរ​អាកាសចរណ៍​ទាំងអស់​រវាង​ប្រទេស​ទាំង២។ មាន​សេចក្តីរាយ​ការណ៍​ថា ពួកមន្រ្តី​សេតវិមាន​បាន​ប្រាប់​នាយក​ប្រតិបត្តិ​ក្រុមហ៊ុន​អាកាសចរណ៍​សហ​រដ្ឋ​អាមេរិក​នៅឯ​ជំនួប​កាល​ពី​ថ្ងៃ​អង្គារ​ថា រដ្ឋបាល​របស់​លោក​ត្រាំមិន​ទាន់សម្រេច​នៅ​ឡើយ​ថា​ ធ្វើ​ការ​ហាម​ឃាត់នេះដែរ​ឬទេ ​ក៏ប៉ុន្តែរដ្ឋ​បាល​របស់​លោក​ប្រធានា​ធិបតី​ត្រាំកំពុង​បន្ត​ធ្វើ​ការវាយ​តម្លៃ​អំពី​ស្ថានការណ៍​នេះ។

រដ្ឋមន្រ្តី​ការបរទេស​អាមេរិក​លោក Mike Pompeo បាន​និយាយ​នៅ​ក្នុង​ការឆ្លើយ​តប​ដល់​សំណួរ​របស់​ពួក​អ្នក​យកព័ត៌មាន​កាលពី​ថ្ងៃ​ពុធ​អំពី​ថាតើការ​ហាមឃាត់​ការធ្វើ​ដំណើរ​ទៅ​កាន់​ប្រទេស​ចិន ​ត្រូវ​ពិចារណា​ដែរឬទេ។ លោកបាន​និយាយ​ទៀត​ថា «ក្រសួង​ការបរទេស វាយ​តម្លៃ​ជានិច្ច​នូវ​ហានិភ័យ​ដល់​ពួក​អ្នក​ធ្វើ​ដំណើរ។ យើងនឹង​វាយ​តម្លៃ​អំពី​បញ្ហា​នេះ​ជា​រៀងរាល់​ម៉ោង»។

នៅពេល​ដែល​ចំនួន​មនុស្ស​ស្លាប់​មក​ពី​ការផ្ទុះ​ឡើងនូវមេរោគកូរ៉ូណាបាន​ឡើង​ដល់​១៣២​នាក់ ​ហើយករណីនៃ​ការ​ឆ្លង​មេរោគ​នោះបាន​កើន​ឡើង​ដល់​ជាង​៥​ពាន់​៩រយ​៧៤ករណី ដោយ​មាន​ចំនួន​លើសការផ្ទុះ​ឡើងនូវជំងឺ SARS ​នៅ​ចន្លោះ​ឆ្នាំ​២០០២​និង​២០០៣ វិធានការ​នៃ​ការ​ជម្លៀស​មនុស្ស​ចេញ​ពី​ចិន​ដីគោក​បាន​កើន​ឡើង។

យន្តហោះ​ដឹកអ្នក​ដំណើរបាន​ដឹក​ពលរដ្ឋ​ជប៉ុន​ ២០៦​នាក់​ចេញ​ពី​ទីក្រុង​វូហាន ​ដែល​ជាចំណុច​នៃការ​ផ្ទុះ​ឡើង​មេរោគ​នោះ​ទៅកាន់​ចំណត​យន្តហោះហាណេដា​នៅក្រុង​តូក្យូ​កាលពី​ថ្ងៃ​ពុធ។ ​អ្នក​ដំណើរ​៤នាក់ ​បាន​ត្រូវ​គេ​ដឹក​យក​ទៅ​មន្ទីរពេទ្យ​បន្ទាប់​ពីបាន​ត្អូញ​ត្អែ​ថា​ឈឺ។ បុគ្គលិក​សុខាភិបាលបានស្ថិត​នៅ​លើ​យន្តហោះ​នោះ​ដើម្បី​ពិនិត្យ​ឆែកឆេរ​ពួក​អ្នក​ដំណើរ​មុនពេល​យន្តហោះចាក​ចេញ​និង​ម្តងទៀតនៅពេល​ដែល​យន្តហោះ​ចុះ។

យន្តហោះ​ដឹក​អ្នក​ដំណើរ​មួយ​គ្រឿង​ទៀត បាន​ជម្លៀស​ពលរដ្ឋ​អាមេរិកាំង​ប្រហែល ២រយនាក់​ចេញ​ពី​ទីក្រុង​វូហាន​តាម​ជើង​ហោះ​ហើរ Anchorage របស់​រដ្ឋ​អាឡាស្កា ​ដែល​ពួកគេត្រូវបាន​ឆ្លងកាត់​ការពិនិត្យ​សុខភាព​មុនបន្ត​ដំណើរ​ចូល​ក្នុង​រដ្ឋ​កាលីហ្វ័រញ៉ា​ខាង លិច​សហរដ្ឋ​អាមេរិក។

ប្រទេស​អូស្រ្តាលី ញូវ៉ែល​ហ្សេឡង់ បារាំង រុស្ស៊ី​ និង​ប្រទេស​ផ្សេង​ៗ​ទៀត ក៏​បាន​ប្រកាស​ផែនការ​ជម្លៀស​ពលរដ្ឋ​របស់​ខ្លួន​ចេញពី​ទីក្រុង​វូហាន​នៅ​សប្តាហ៍​ដែរ៕

XS
SM
MD
LG