ភាគហ៊ុននៅក្នុងក្រុមហ៊ុន Evergrande ដែលជាក្រុមហ៊ុនអចលនៈទ្រព្យចិនដែលមានជម្លោះបានដាំក្បាលចុះនៅថ្ងៃចន្ទនេះបន្ទាប់ពីការប្រកាសថាខ្លួននឹងមិនអាចអនុវត្តផែនការរៀបចំរចនាសម្ពន្ធ័ថ្មីដែលមានគោលបំណងធានាការរស់ឡើងវិញរបស់ក្រុមហ៊ុននោះបានទេ។ នេះបើតាមសេចក្តីរាយការណ៍របស់ទីភ្នាក់ងារសារព័ត៌មាន AFP។
ក្រុមហ៊ុននេះបានខាតបង់ជាង២៥ភាគរយ ដោយបញ្ជាក់ពីការព្រួយកង្វល់ទីផ្សារនៅពេលដែលផ្នែកចលនៈទ្រព្យរបស់ចិនប្រឈមវិបត្តិដែលមិនធ្លាប់មានកាលពីពេលមុន។
កាលពីល្ងាចថ្ងៃអាទិត្យម្សិលមិញ ក្រុមហ៊ុន Evergrande បានប្រកាសថាខ្លួនមិនអាចចេញប័ណ្ណបំណុលថ្មីនៅពេលដែលក្រុមហ៊ុន Hengda Real Estate Group ដែលជាសាខារបស់ខ្លួននឹងត្រូវស៊ើបអង្កេតនោះ។
ការណ៍នេះបានកើតមានឡើង២ថ្ងៃបន្ទាប់ពីក្រុមហ៊ុននោះបាននិយាយថាជំនួបស្តីពីការរៀបចំរចនាសម្ព័ន្ធថ្មីដែលត្រូវបានគ្រោងធ្វើឡើងនៅថ្ងៃចន្ទនិងថ្ងៃអង្គារសប្តាហ៍នេះនឹងមិនកើតមានឡើង ដោយនិយាយថា«វាជាការចាំបាច់ដើម្បីវាយតម្លៃឡើងវិញនូវលក្ខខណ្ឌរបស់ផែនការដើម្បីឱ្យស៊ីគ្នានឹង«ស្ថានភាពនៃគោលដៅនិងតម្រូវការរបស់ម្ចាស់បំណុល»។
បំណុលដ៏សន្ធឹកសន្ធាប់របស់ក្រុមហ៊ុន Evergrande បានរួមវិភាគទានដល់វិបត្តិទីផ្សារចលនៈទ្រព្យរបស់ចិនដែលកំពុងបង្កើនការភ័យខ្លាចនៃការរាលដាលទូទាំងសាកលលោក។
ផ្នែកចលនៈទ្រព្យដែលរួមជាមួយការសាងសង់មានប្រហែលមួយភាគបួននៃផលិត ផលសរុបក្នុងស្រុករបស់ចិនជាសរសរស្តម្ភដ៏សំខាន់មួយនៃការរីកលូតលាស់របស់ប្រ ទេសចិនបានរីកលូតលាស់គួរឱ្យទាក់ទាញក្នុងប៉ុន្មានទសវត្សរ៍នេះ។
ក៏ប៉ុន្តែ បំណុលដ៏ច្រើនសន្ធឹកសន្ធាប់បានដាក់ទម្ងន់ដល់ក្រុមហ៊ុន Evergrande ដែលបានប៉ាន់ស្មានថាមានបំណុល៣២៨ពាន់លានដុល្លារកាលពីចុងខែមិថុនាដែលត្រូវបានមើលឃើញដោយរដ្ឋាភិបាលក្រុងប៉េកាំងកាលពីប៉ុន្មានឆ្នាំថ្មីៗនេះថាជាហានិភ័យដែលមិនអាចទទួលយកបានសម្រាប់ប្រព័ន្ធហិរញ្ញវត្ថុនិងសុខភាពសេដ្ឋកិច្ចទាំងមូលរបស់ចិន៕
