អតីត​អនុ​ប្រធានាធិបតីលោក​ Joe Biden ​ឥឡូវនេះ​ បាន​ក្លាយ​ខ្លួន​​ជា​បេក្ខជន​ប្រធានាធិបតី​របស់​គណបក្ស​ប្រជាធិបតេយ្យជាផ្លូវការ​ហើយ បន្ទាប់​ពីរដ្ឋ​នានា​និង​ដែន​ដី​របស់​សហរដ្ឋ​អាមេរិក បាន​បោះ​ឆ្នោត​គាំ​ទ្រ​លោក កាល​ពី​យប់ថ្ងៃ​អង្គារ។ ក្រៅ​ពី​ការ​តែង​តាំង​នេះ ក៏​មាន​ការ​ថ្លែង​សុន្ទរកថា​របស់​ឥស្សរជន​មួយចំនួន ​ដែល​មាន​រួម​ទាំង​លោក​អតីត​ប្រធានាធិបតី Bill Clinton អតីត​រដ្ឋមន្ត្រី​ការបរទេស John Kerry អតីត​រដ្ឋមន្ត្រី​ការបរទេស Colin Powell​ និង​លោកស្រី​បណ្ឌិត Jill Biden ភរិយា​លោក Joe Biden ដែរ។ លោក ប៉ូច រាសី លោក សុខ ខេមរា និង លោក ម៉ែន គឹម​សេង នៃវីអូអេ ពិភាក្សា​អំពី​រឿង​នេះ។