ភ្ជាប់​ទៅ​គេហទំព័រ​ទាក់ទង

ការ​សន្យា​ថា​នឹង​ដោះស្រាយ​បញ្ហា​អំពើ​ពុករលួយ​មេដឹកនាំ​មួយ​ចំនួន​អាច​ធ្វើ​ឲ្យ​បញ្ហា​កាន់​តែ​អាក្រក់


លោកJose Ugaz ប្រធាន​អង្គការ​តម្លាភាព​អន្តរជាតិ​ថ្លែង​ក្នុង​កិច្ចប្រជុំ​កំពូល​ស្តី​ពី​ការ​ប្រឆាំង​អំពើ​ពុករលួយ នៅ​ក្នុង​ក្រុង​ឡុងដ៍ កាលពី​ថ្ងៃទី១២ ខែឧសភា ឆ្នាំ២០១៦។

អង្គការ​មួយ​ប្រឆាំង​នឹង​អំពើ​ពុក​រលួយ​បាន​គូស​បញ្ជាក់​ការ​ភ្ជាក់​ទាក់ទង​មួយ​រវាងអសមភាព​ និង​អំពើ​ពុករលួយ​របស់​រដ្ឋាភិបាល​ជាមួយ​ការ​ចេញ​ផ្សាយ​ឯកសារ​សន្ទស្សន៍​សាកល​ប្រចាំ​ឆ្នាំ​របស់​ផង​ខ្លួន ដោយ​និយាយ​ថា​ប្រជារាស្ត្រ​បាន​គាំទ្រ​ខ្លាំង​ឡើងៗ​ដល់​ពួក​មេដឹកនាំ​ដែល​មាន​ប្រជាប្រិយភាព​ ដោយ​បាន​សន្យា​ថា​នឹង​ដោះស្រាយ​បញ្ហា​អំពើ​ពុក​រលួយ​ ក៏​ប៉ុន្តែ​ទំនង​ជា​ធ្វើ​ឱ្យ​ស្ថានការណ៍​រឹត​តែ​អាក្រក់​ទៅ​វិញ។​

លោក Jose Ugaz ប្រធាន​អង្គការ​តម្លាភាព​អន្តរជាតិ​បាន​និយាយ​នៅ​ពេល​អង្គការ​នេះ​ចេញ​ផ្សាយ​របាយ​ការណ៍​របស់​ខ្លួន​នៅ​ថ្ងៃ​ពុធ​នេះ​ថា «នៅ​ក្នុង​ប្រទេស​នានា​ដែល​មាន​ពួក​មេដឹកនាំ​ជា​ពួក​ប្រជានិយម ឬ​ជា​អ្នក​កាន់​អំណាច​ផ្តាច់​ការ​ យើង​បាន​ឃើញ​ជា​ញឹកញយ​ថា​លទ្ធិ​ប្រជាធិបតេយ្យ​ចុះ​ថមថយ និង​មាន​លំនាំ​មិន​ល្អ​ក្នុង​ការ​ប៉ុនប៉ង​បង្ក្រាប​សង្គម​ស៊ីវិល កម្រិត​សេរីភាព​កាសែត​ និង​ធ្វើ​ឱ្យ​ខ្សោយ​នូវ​ឯករាជ្យភាព​នៃ​អង្គការ​តុលាការ។​ ដោយ​មិន​បាន​ដោះស្រាយ​បញ្ហា​មូលធននិយម​នៃ​ក្រុម​មិត្តភក្តិ​របស់​ផង​ខ្លួន​ទេ​ ពួក​មេដឹកនាំ​ទាំង​នោះ​បាន​បន្តុប​ប្រព័ន្ធ​ពុករលួយ​អាក្រក់​ជាង​មុន​ទៅ​ទៀត»។

សេចក្តី​រាយការណ៍​នេះ​និយាយ​ថា​ ប្រទេស​ទាំង​ឡាយ​ត្រូវ​ការ​ឱ្យ​មាន «កំណែ​ទម្រង់​ជា​ប្រព័ន្ធ​ដោយ​ស៊ីជម្រៅ» ដើម្បី​ដោះស្រាយ​អតុល្យភាព​នៃ​អំណាច ​និង​ធនធាន​ដែល​កើន​ខ្លាំង​ឡើងៗ។ ​របាយ​ការណ៍​នេះ​ផ្តល់​អនុសាសន៍​ថា​ ការ​ផ្លាស់ប្តូរ​ទាំង​នោះ​មាន​រួម​បញ្ចូល​ការ​ប្រាប់​ឱ្យ​ដឹង​ជា​សាធារណៈ​អំពី​នរណា​ខ្លះ​ដែល​មាន​ក្រុមហ៊ុន និង​ដាក់​កំហិត​ការ​ដាក់​ទណ្ឌកម្ម​ប្រឆាំង​នឹង​ពួក​ជន​ទាំង​ឡាយ​ណា​ដែល​ជួយ​ធ្វើឱ្យ​ប្រាក់​កាស​បាន​មក​ពី​អំពើ​ពុក​រលួយ​ឆ្លង​កាត់​ព្រំដែន៕

XS
SM
MD
LG