ផ្សារហ៊ុននៃប្រទេសចិននៅធ្លាក់ចុះជាបន្តនៅថ្ងៃពុធនេះ។ វាបណ្តាលឲ្យរដ្ឋាភិបាលក្រុងប៉េកាំងព្រមានអំពីអារម្មណ៍ភ័យស្លន់ស្លោរ ពីសំណាក់អ្នកវិនិយោគ ហើយបានបង្ហាញនូវវិធានការថ្មីជាបន្ទាប់មួយឈុត ដើម្បីបញ្ឈប់ការធ្លាក់ចុះអស់ពេល៣សប្តាហ៍។
ការព្រួយបារម្មណ៍អំពីការចុះថ្លៃយ៉ាងខ្លាំងក្នុងផ្សារហ៊ុនចិន បានរាលដាលដល់ស.រ.អា.ដែលនៅទីនោះទីផ្សារធំៗចុះអស់១ភាគរយនៅពេលថ្ងៃត្រង់។ ប៉ុន្តែទីផ្សារហ៊ុននៅអឺរ៉ុបបានឡើងថ្លៃ នៅពេលដែលអ្នកវិនិយោគសង្ឃឹមថា វិបត្តិហិរញ្ញវត្ថុនៅប្រទេសក្រិកអាចដោះស្រាយរួច ក្រោយពីប្រទេសក្រិកបានសន្យាថា នឹងបញ្ចេញផែនការសេដ្ឋកិច្ចល្អិតល្អន់មួយ នៅថ្ងៃព្រហស្សតិ៍នេះ។
ក្នុងប្រទេសចិន ផ្សារហ៊ុន Shanghai Composite Index បានចុះអស់ជិត៦ភាគរយ ចំណែកផ្សារហ៊ុន Shenzhen Composite Index វិញ ចុះ២កណ្តក់សញ្ញា៥ភាគរយ ដែលជាការនាំឲ្យខាតបង់ប្រាក់អស់៣ពាន់២រយលានលានដុល្លារក្នុងតម្លៃទីផ្សារចាប់តាំងពីពាក់កណ្តាលខែមិថុនាមក៕
