អតីតប៉ូលិសក្រុង Minneapolis លោក Derek Chauvin ត្រូវបានគណៈវិនិច្ឆ័យសម្រេចថា មានទោសលើរាល់ការចោទប្រកាន់ទាំងអស់កាលពីថ្ងៃអង្គារ ចំពោះការស្លាប់របស់លោក George Floyd កាលពីជិតមួយឆ្នាំមុន។
លោក Chauvin ត្រូវបានកាត់ទោសចំពោះបទឃាតកម្មដោយមិនគិតទុកជាមុនកម្រិតមធ្យម បទឃាតកម្មដោយមិនគិតទុកជាមុនកម្រិតស្រាល និងបទមនុស្សឃាតដោយអចេតនាកម្រិតមធ្យម។
បន្ទាប់ពីបានស្ដាប់អំណះអំណាងបិទបញ្ចប់កាលពីថ្ងៃច័ន្ទ និងថ្ងៃអង្គារ គណៈវិនិច្ឆ័យទាំង ១២ នាក់ ដែលមានជនជាតិស្បែកស ៦ នាក់ និងស្បែកខ្មៅ ៦ នាក់ បានជួបពិភាក្សាគ្នាដើម្បីសម្រេចថាលោក Chauvin មានទោសឬក៏អត់។
នៅក្នុងការបង្ហាញអំណះអំណាងបិទបញ្ចប់កាលពីថ្ងៃចន្ទ រដ្ឋអាជ្ញាបានចោទប្រកាន់លោក Chauvin ថាបានសម្លាប់លោក Floyd ដោយការសង្កត់ជង្គង់លើកលោក Floyd អស់ជាង ៩ នាទី៕
