ស្ថានទូតខ្មែរប្រចាំប្រទេសថៃ នៅថ្ងៃអង្គារនេះ បានអំពាវនាវដល់ពលរដ្ឋខ្មែរ ដែលកំពុងធ្វើការនៅក្នុងប្រទេសថៃ ឲ្យបន្តសហការជាមួយអាជ្ញាធរថៃ ក្នុងការអនុវត្តតាមវិធានការបង្ការរបស់រដ្ឋាភិបាលថៃ ដើម្បីទប់ស្កាត់ការឆ្លងរីករាលដាលនៃជំងឺកូវីដ១៩។ នេះបើយោងតាមសេចក្តីជូនដំណឹងមួយរបស់ស្ថានទូតខ្មែរប្រចាំនៅប្រទេសថៃ ចុះថ្ងៃទី២៦ ខែឧសភា ឆ្នាំ២០២០។
ការអំពាវនាវនេះធ្វើឡើង ក្រោយពីរដ្ឋាភិបាលថៃបានសម្រេចពន្យារពេល ១ ខែទៀតនៃការដាក់ប្រទេសក្នុងគ្រាមានអាសន្ន រហូតដល់ចុងខែមិថុនា ឆ្នាំ២០២០។
ដើម្បីទប់ស្កាត់ការឆ្លងរីករាលដាលនៃជំងឺកូវីដ១៩ ក្នុងប្រទេស រដ្ឋាភិបាលថៃបានប្រកាសដាក់ប្រទេសថៃក្នុងគ្រាមានអាសន្ន កាលពីចុងខែមីនា ឆ្នាំ២០២០។
រហូតមកដល់ថ្ងៃនេះ ថៃមានករណីឆ្លងជំងឺកូវីដ១៩ ជាង ៣ ពាន់នា ក់និងស្លាប់ជិត ៦០ នាក់។
មានពលករខ្មែរយ៉ាងតិច ១ លាននាក់ កំពុងធ្វើការនៅក្នុងប្រទេសថៃ៕
