ភ្លើងឆេះកាស៊ីណូនៅកម្ពុជាស្លាប់យ៉ាងហោច១៩នាក់ និងរាប់សិបនាក់ទៀតរបួសនិងបាត់ខ្លួន
- Reuters
មនុស្ស ១៩នាក់ស្លាប់ ៦០នាក់រងរបួស ហើយ ៣០នាក់បាត់ខ្លួន ក្រោយករណីអគ្គិភ័យបានឆេះសណ្ឋាគារ និងកាស៊ីណូ Grand Diamond City ស្ថិតនៅទីក្រុងប៉ោយប៉ែត ក្នុងខេត្តបន្ទាយមានជ័យ ជាប់ព្រំដែនប្រទេសថៃ។ នេះបើតាមអាជ្ញាធរពាក់ព័ន្ធ។ ចំនួនអ្នកស្លាប់អាចបន្តកើនឡើង ដោយសារមានមនុស្សជាប់គាំងក្នុងអគារ ខណៈបន្ទប់ខ្លះទៀតជាប់សោរ។ អាជ្ញាធរបានឲ្យដឹងថា មនុស្សប្រមាណ ៤០០ នាក់មានវត្តមាននៅក្នុងអគារដែលឆាបឆេះស្ទើរតែទាំងស្រុងនោះ។ ករណីអគ្គិភ័យនោះបានកើតឡើងនៅម៉ោងប្រមាណ ១១ និង ៣០ នាទីយប់ ថ្ងៃពុធ ទី ២៨ ខែធ្នូ ឆ្នាំ ២០២២ ដោយមន្ត្រីនានាបញ្ជាក់ថា ដោយសារឆ្លងចរន្តអគ្គិសនី៕
