ខ្មែរអាមេរិកាំងដាក់ញត្តិនៅក្រសួងការបរទេសនិងសភាអាមេរិក ទាមទារឱ្យដោះលែងអ្នកទោសនយោបាយ
អ្នកតំណាងអង្គការសិទ្ធិមនុស្ស និងសមាជិកគណបក្សប្រឆាំងនៅក្នុងសហរដ្ឋអាមេរិក ប្រមាណ ១០០ នាក់ បានធ្វើបាតុកម្មនិងដាក់ញត្តិ២ នៅក្រសួងការបរទេសនិងសភាអាមេរិកកាលពីថ្ងៃសុក្រទី៣១ ខែមីនា ឆ្នាំ២០២៣ កន្លងទៅនេះ។ ការតវ៉ានិងការដាក់ញត្តិនេះ មានបំណងស្នើឲ្យសហរដ្ឋអាមេរិកជួយធ្វើអន្តរាគមន៍ទាមទារឲ្យរដ្ឋាភិបាលកម្ពុជាដោះលែងអ្នកទោសនយោបាយ បើកសិទ្ធិនយោបាយសម្រាប់គណបក្សប្រឆាំងនានា និងធានាការបោះឆ្នោតដែលសេរីនិងយុត្តិធម៌ក្នុងប្រទេសកម្ពុជា នាពេលខាងមុខ។ លោក ជឹង ប៉ូជីន នៃ VOA ជូនសេចក្តីរាយការណ៍ពីរដ្ឋធានីវ៉ាស៊ីនតោន៕
