ភ្នំពេញ —
អង្គភាពគាំពារជនរងគ្រោះរបស់សាលាក្តីខ្មែរក្រហមរួមជាមួយនឹងអង្គភាពសហមេធាវីនាំមុខតំណាងឲ្យដើមបណ្តឹងរដ្ឋប្បវេណី និងភាគីជាប់ពាក់ព័ន្ធគ្រោងនឹងចាប់ផ្តើមពិភាក្សាអំពីគម្រោងទាមទារសំណងសម្រាប់ការកាត់ទោសសំណុំរឿង០០២ វគ្គទី២ នៅសប្តាហ៍ក្រោយនេះ។
សំណុំរឿង០០២វគ្គទី២ត្រូវគេរំពឹងថា នឹងត្រូវកំណត់ពេលកាត់ទោសនៅចុងឆ្នាំ២០១៤នេះ។
សេចក្តីប្រកាសព័ត៌មានរបស់អង្គភាពគាំពារជនរងគ្រោះដែលចេញនៅថ្ងៃពុធនេះ បញ្ជាក់ថា កិច្ចពិភាក្សានោះនឹងប្រព្រឹត្តទៅនៅថ្ងៃទី១១ខែមិថុនានេះ ដើម្បីរៀបចំគម្រោងទាមទារសំណងសម្រាប់ជនរងគ្រោះ ដោយរបបកម្ពុជាប្រជាធិបតេយ្យរបស់ខ្មែរក្រហម។
កិច្ចពិភាក្សានេះចូលរួមដោយអង្គភាពគាំពារជនរងគ្រោះ អង្គភាពសហមេធាវីតំណាងជនរងគ្រោះ និងជនរងគ្រោះជាដើមបណ្តឹងរដ្ឋប្បវេណី រួមទាំងតំណាងសង្គមស៊ីវិល និងតំណាងប្រទេសម្ចាស់ជំនួយផង។
សំណុំរឿង០០២វគ្គទី២នេះនឹងគ្របដណ្តប់បទឧក្រិដ្ឋប្រល័យពូជសាសន៍ដែលទាក់ទងទៅនឹងការសម្លាប់ជនជាតិវៀតណាមនិងជនជាតិចាម ឧក្រិដ្ឋកម្មប្រឆាំងមនុស្សជាតិ និងឧក្រិដ្ឋកម្មសង្គ្រាមដែលពាក់ព័ន្ធទៅនឹងបទឧក្រិដ្ឋនៅតាមពន្ធនាគារនានា ពាក់ព័ន្ធទៅនឹងការដ្ឋានការងារ សហករ ការបោសសម្អាតផ្ទៃក្នុងនិងការរៀបការដោយបង្ខំ។
លោកនេត្រ ភក្ត្រា អ្នកនាំពាក្យសាលាក្តីខ្មែរក្រហម អះអាងថា ថ្វីត្បិតតែការកាត់ទោសសំណុំរឿង០០២វគ្គទី២ ត្រូវរំពឹងថា នឹងត្រូវធ្វើឡើងនៅចុងឆ្នាំនេះ ប៉ុន្តែវាជាការចាំបាច់នៅពេលនេះក្នុងការលៃលកស្វែងរកសំណងសម្រាប់ជនរងគ្រោះ។
«វាជាការចាំបាច់ដែលអង្គភាពទាំងពីរស្នើសុំនូវយោបល់ពីជនរងគ្រោះដែលជាដើមបណ្តឹងរដ្ឋប្បវេណីក្នុងសំណុំរឿង០០២វគ្គទី២តាមរយៈការធ្វើសិក្ខាសាលាពិគ្រោះយោបល់ដើម្បីចង់ដឹង ថាតើជនរងគ្រោះចង់បានសំណងអ្វីពីក្នុងសំណុំរឿងនេះ ក៏ដូចជាស្វែងរកនូវមូលនិធិដើម្បីគាំទ្រការអនុវត្តគម្រោងនេះដែរ»។
សូមបញ្ជាក់ថា ការផ្តល់សំណងសម្រាប់ជនរងគ្រោះមានពីរប្រភេទគឺសំណងផ្លូវចិត្ត និងសំណងសមូហភាព។
សាលាក្តីខ្មែរក្រហមគ្រោងនឹងប្រកាសសាលក្រមសំណុំរឿង០០២វគ្គទី១នៅខែសីហាខាងមុខនេះ។
ក្នុងសំណុំរឿងនេះ ជនរងគ្រោះបានស្នើសុំសំណងចំនួន១៣ប្រភេទ។ ក្នុងចំណោមនោះរួមមានការទាមទារឲ្យមានទិវានៃការចងចាំនៃឧក្រិដ្ឋកម្មក្នុងសម័យខ្មែរក្រហម ការកសាងកន្លែងគោរពវិញ្ញាណក្ខន្ធជនរងគ្រោះជាសាធារណៈ ការតាំងពិព័រណ៍ចល័តស្តីពីការជម្លៀសប្រជាជន និងការសម្លាប់នៅទួលពោធិ៍ជ្រៃ ការបញ្ចូលកម្មវិធីសិក្សាស្តីពីការជម្លៀសប្រជាជន ការផ្សាយឈ្មោះដើមបណ្តឹងរដ្ឋប្បវេណី និងការទាមទារសំណងផ្នែកសុខុមាលភាពមួយចំនួនទៀត។
សាលាក្តីខ្មែរក្រហមបានប្រកាសថា សំណងទាំងនេះទទួលបានការគាំទ្រពីម្ចាស់ជំនួយរួចហើយ។
លោកស្រីស៊ិន សុវ៉ន មេធាវីតំណាងឲ្យដើមបណ្តឹង ថ្លែងថា ក្រុមមេធាវីគ្រោងនឹងដាក់សំណើសុំសំណងថ្មីៗបន្ថែមទៀត ក្រៅពីការទាមទារសំណងកាលពីការកាត់ទោសវគ្គទី១ ដូចជាការស្នើសុំបន្ថែមទីកន្លែងរំឭកវិញ្ញាណក្ខន្ធសម្រាប់ជនរងគ្រោះនៅគ្រប់ស្រុកនៅតាមបណ្តាខេត្តនានាជាដើម។
«គឺយើងសុំបន្ថែមតាមស្រុកដែលមានទីតាំងឧក្រិដ្ឋកម្ម មានការសុំជាបណ្ណសម្រាប់ព្យាបាលសុខភាពដើមបណ្តឹង ដែលក្រីក្រ និងសុំបង្កើតមជ្ឈមណ្ឌលវិជ្ជាជីវៈដល់កូនជនរងគ្រោះដោយសារការរៀបការដោយបង្ខំ និងករណីរំលោភផ្លូវភេទ»។
ជនជាប់ចោទក្នុងសំណុំរឿង០០២មាននួន ជា អតីតបងធំទី២ និងខៀវ សំផន អតីតប្រមុខរដ្ឋកម្ពុជាប្រជាធិបតេយ្យ។
ការកាត់ទោសលើជនជាប់ចោទទាំងពីរកាលពីវគ្គទី១បានផ្តោតលើការជម្លៀសពលរដ្ឋដោយបង្ខំចេញពីទីក្រុង និងការសម្លាប់នៅទួលពោធិ៍ជ្រៃផងដែរ៕
សំណុំរឿង០០២វគ្គទី២ត្រូវគេរំពឹងថា នឹងត្រូវកំណត់ពេលកាត់ទោសនៅចុងឆ្នាំ២០១៤នេះ។
សេចក្តីប្រកាសព័ត៌មានរបស់អង្គភាពគាំពារជនរងគ្រោះដែលចេញនៅថ្ងៃពុធនេះ បញ្ជាក់ថា កិច្ចពិភាក្សានោះនឹងប្រព្រឹត្តទៅនៅថ្ងៃទី១១ខែមិថុនានេះ ដើម្បីរៀបចំគម្រោងទាមទារសំណងសម្រាប់ជនរងគ្រោះ ដោយរបបកម្ពុជាប្រជាធិបតេយ្យរបស់ខ្មែរក្រហម។
កិច្ចពិភាក្សានេះចូលរួមដោយអង្គភាពគាំពារជនរងគ្រោះ អង្គភាពសហមេធាវីតំណាងជនរងគ្រោះ និងជនរងគ្រោះជាដើមបណ្តឹងរដ្ឋប្បវេណី រួមទាំងតំណាងសង្គមស៊ីវិល និងតំណាងប្រទេសម្ចាស់ជំនួយផង។
សំណុំរឿង០០២វគ្គទី២នេះនឹងគ្របដណ្តប់បទឧក្រិដ្ឋប្រល័យពូជសាសន៍ដែលទាក់ទងទៅនឹងការសម្លាប់ជនជាតិវៀតណាមនិងជនជាតិចាម ឧក្រិដ្ឋកម្មប្រឆាំងមនុស្សជាតិ និងឧក្រិដ្ឋកម្មសង្គ្រាមដែលពាក់ព័ន្ធទៅនឹងបទឧក្រិដ្ឋនៅតាមពន្ធនាគារនានា ពាក់ព័ន្ធទៅនឹងការដ្ឋានការងារ សហករ ការបោសសម្អាតផ្ទៃក្នុងនិងការរៀបការដោយបង្ខំ។
លោកនេត្រ ភក្ត្រា អ្នកនាំពាក្យសាលាក្តីខ្មែរក្រហម អះអាងថា ថ្វីត្បិតតែការកាត់ទោសសំណុំរឿង០០២វគ្គទី២ ត្រូវរំពឹងថា នឹងត្រូវធ្វើឡើងនៅចុងឆ្នាំនេះ ប៉ុន្តែវាជាការចាំបាច់នៅពេលនេះក្នុងការលៃលកស្វែងរកសំណងសម្រាប់ជនរងគ្រោះ។
«វាជាការចាំបាច់ដែលអង្គភាពទាំងពីរស្នើសុំនូវយោបល់ពីជនរងគ្រោះដែលជាដើមបណ្តឹងរដ្ឋប្បវេណីក្នុងសំណុំរឿង០០២វគ្គទី២តាមរយៈការធ្វើសិក្ខាសាលាពិគ្រោះយោបល់ដើម្បីចង់ដឹង ថាតើជនរងគ្រោះចង់បានសំណងអ្វីពីក្នុងសំណុំរឿងនេះ ក៏ដូចជាស្វែងរកនូវមូលនិធិដើម្បីគាំទ្រការអនុវត្តគម្រោងនេះដែរ»។
សូមបញ្ជាក់ថា ការផ្តល់សំណងសម្រាប់ជនរងគ្រោះមានពីរប្រភេទគឺសំណងផ្លូវចិត្ត និងសំណងសមូហភាព។
សាលាក្តីខ្មែរក្រហមគ្រោងនឹងប្រកាសសាលក្រមសំណុំរឿង០០២វគ្គទី១នៅខែសីហាខាងមុខនេះ។
ក្នុងសំណុំរឿងនេះ ជនរងគ្រោះបានស្នើសុំសំណងចំនួន១៣ប្រភេទ។ ក្នុងចំណោមនោះរួមមានការទាមទារឲ្យមានទិវានៃការចងចាំនៃឧក្រិដ្ឋកម្មក្នុងសម័យខ្មែរក្រហម ការកសាងកន្លែងគោរពវិញ្ញាណក្ខន្ធជនរងគ្រោះជាសាធារណៈ ការតាំងពិព័រណ៍ចល័តស្តីពីការជម្លៀសប្រជាជន និងការសម្លាប់នៅទួលពោធិ៍ជ្រៃ ការបញ្ចូលកម្មវិធីសិក្សាស្តីពីការជម្លៀសប្រជាជន ការផ្សាយឈ្មោះដើមបណ្តឹងរដ្ឋប្បវេណី និងការទាមទារសំណងផ្នែកសុខុមាលភាពមួយចំនួនទៀត។
សាលាក្តីខ្មែរក្រហមបានប្រកាសថា សំណងទាំងនេះទទួលបានការគាំទ្រពីម្ចាស់ជំនួយរួចហើយ។
លោកស្រីស៊ិន សុវ៉ន មេធាវីតំណាងឲ្យដើមបណ្តឹង ថ្លែងថា ក្រុមមេធាវីគ្រោងនឹងដាក់សំណើសុំសំណងថ្មីៗបន្ថែមទៀត ក្រៅពីការទាមទារសំណងកាលពីការកាត់ទោសវគ្គទី១ ដូចជាការស្នើសុំបន្ថែមទីកន្លែងរំឭកវិញ្ញាណក្ខន្ធសម្រាប់ជនរងគ្រោះនៅគ្រប់ស្រុកនៅតាមបណ្តាខេត្តនានាជាដើម។
«គឺយើងសុំបន្ថែមតាមស្រុកដែលមានទីតាំងឧក្រិដ្ឋកម្ម មានការសុំជាបណ្ណសម្រាប់ព្យាបាលសុខភាពដើមបណ្តឹង ដែលក្រីក្រ និងសុំបង្កើតមជ្ឈមណ្ឌលវិជ្ជាជីវៈដល់កូនជនរងគ្រោះដោយសារការរៀបការដោយបង្ខំ និងករណីរំលោភផ្លូវភេទ»។
ជនជាប់ចោទក្នុងសំណុំរឿង០០២មាននួន ជា អតីតបងធំទី២ និងខៀវ សំផន អតីតប្រមុខរដ្ឋកម្ពុជាប្រជាធិបតេយ្យ។
ការកាត់ទោសលើជនជាប់ចោទទាំងពីរកាលពីវគ្គទី១បានផ្តោតលើការជម្លៀសពលរដ្ឋដោយបង្ខំចេញពីទីក្រុង និងការសម្លាប់នៅទួលពោធិ៍ជ្រៃផងដែរ៕
