ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក Biden ប្ដេជ្ញា​បង្កើន​កិច្ចប្រឹងប្រែង​ផ្ដល់​វ៉ាក់សំាង​កូវីដ១៩


រូបឯកសារ៖ វេជ្ជបណ្ឌិតប្រចាំមន្ទីរពេទ្យ Northwell Health រៀបចំវ៉ាក់សាំងកូវីដ១៩ របស់ក្រុមហ៊ុន Pfizer នៅមន្ទីរ Long Island Jewish ក្នុងទីក្រុង New Hyde Park រដ្ឋ New York កាលពីថ្ងៃទី១៤ ខែធ្នូ ឆ្នាំ២០២០។
រូបឯកសារ៖ វេជ្ជបណ្ឌិតប្រចាំមន្ទីរពេទ្យ Northwell Health រៀបចំវ៉ាក់សាំងកូវីដ១៩ របស់ក្រុមហ៊ុន Pfizer នៅមន្ទីរ Long Island Jewish ក្នុងទីក្រុង New Hyde Park រដ្ឋ New York កាលពីថ្ងៃទី១៤ ខែធ្នូ ឆ្នាំ២០២០។

លោក​ប្រធានាធិបតី​ជាប់​ឆ្នោត​សហរដ្ឋ​អាមេរិក Joe Biden បាន​និយាយ​ថា លោក​នឹង​ផ្ដោត​កាន់​តែ​ខ្លាំង​ក្នុង​ការ​ប្រយុទ្ធ​ប្រឆាំង​នឹង​ជំងឺ​កូវីដ១៩ ​តាម​រយ:​ការ​បង្កើន​អត្រានៃ​ការ​ចាក់​វ៉ាក់សាំង។

ស្រប​ពេលជាមួយគ្នានោះ រដ្ឋបាល​របស់​លោក ប្រធានាធិបតី​ Donald Trump ​កំពុង​ច្រាន​ចោល​ការរិះគន់​ពី​វិធី​ទប់​ទល់របស់​ខ្លួន​ប្រឆាំង​នឹង​កាឆ្លង​រាត​ត្បាត​ជាសកល​ ​ដែល​បាន​បណ្តាលឲ្យ​មនុស្សជិតប្រមាណ​ ៣៣៩.០០០ នាក់ ​ស្លាប់នៅ​ក្នុង​សហរដ្ឋអាមេរិក។

ស្ថានភាព​នៃ​ការ​ឆ្លង​ជំងឺ​កូវីដ​១៩ ​នៅ​ក្នុង​សហរដ្ឋ​អាមេរិក ​មាន​ភាព​ប្រសើរឡើង​នៅ​ប៉ុន្មាន​ថ្ងៃ​ចុង​ក្រោយ​នេះ ​ពី​ការ​ឆ្លង​រាល​ដាល​ខ្លាំងក្លា​បំផុត​អស់​រយ:ពេល​ពីរខែមក​នេះ ក៏ប៉ុន្តែនៅ​តែ​មាន​ករណី​ឆ្លង​ថ្មី​ជា​មធ្យម​ជាង​ ១៨០.០០០ ករណី ជា​រៀងរាល់​ថ្ងៃ។​ មន្ត្រី​សុខាភិបាលបានព្រមាន​ពី​ការ​ធ្វើ​ដំណើរ​និង​ជួប​ជុំ​គ្នាក្នុង​ពេល​ឈប់​សម្រាក ដែលអាច​ធ្វើ​ឲ្យ​ចំនួន​ករណី​ឆ្លង​មានចំនួន​ច្រើន​ដូច​ដើម​វិញ។

ក្នុងរយៈពេល​មិន​ដល់​មួយ​ខែ ​មុន​ចូល​កាន់​តំណែង[ជា​ប្រធានាធិបតី]​លោក Biden​ បាន​និយាយ​កាល​ពី​ថ្ងៃ​អង្គារ​ ក្រោយ​កិច្ច​ប្រជុំ​ជា​មួយ​ក្រុម​អ្នក​ជំនាញថា ​រដ្ឋបាល​របស់​លោក ​Trump កំពុង​«បរាជ័យ​យ៉ាង​ខ្លាំង» លើ​កិច្ច​ប្រឹងប្រែង​ផ្ដល់​វ៉ាក់​ដល់​ពលរដ្ឋ​អាមេរិកំាង។

លោក Biden កំណត់​គោលដៅ​ថា ​នឹង​ផ្ដល់​វ៉ាក់សំាង​ឲ្យ​បាន​ចំនួន ១០០ លាន​ដូស ក្នុង​អំឡុង​ពេល ​១០០ ​ថ្ងៃ​ដំបូង ក្នុង​ពេល​កាន់​តំណែង​ប្រធានាធិបតី។​

ក្រុម Operation Warp Drive របស់​រដ្ឋបាល​លោក Trump បាន​ផ្តោតលើការ​ពន្លឿន​ពេល​កំណត់​សម្រាប់​ការផលិត​វ៉ាក់សំាង ហើយ​មេដឹកនាំ​ក្រុម​នេះ​បាន​ព្យាករ​ថា ​ពលរដ្ឋ​អាមេរិកំាង​ ២០ ​លាន​នាក់ នឹង​ទទួល​បាន​ការ​ចាក់​វ៉ាក់សំាង​នៅ​ចុង​ខែ​ធ្នូ។

ទិន្នន័យ​ចុង​ក្រោយ​ពី​មជ្ឈមណ្ឌល​គ្រប់គ្រង​និង​ការពារ​ជំងឺ​ឆ្លង ​(CDC)​ របស់​សហរដ្ឋ​អាមេរិក​បង្ហាញ​ថា មនុស្ស​ប្រមាណ​ ២,១​ លាន​នាក់​ប៉ុណ្ណោះ ទទួលបាន​វ៉ាក់​មួយ​ដូសដំបូង ​ក្នុង​ចំណោម​វ៉ាក់សំាង​ពីរ​ដូស​ដែល​ត្រូវ​ចាក់៕

XS
SM
MD
LG