វត្ថុប្រើប្រាស់ កំពុងឡើងថ្លៃយ៉ាងឆាប់រហ័ស នៅក្នុងតំបន់ អាស៊ីហើយមនុស្សជាច្រើនខិតខំសំចៃប្រាក់ មិនហ៊ានចាយវាយច្រើន។ តែ អ្នកស្រី Heda Bayron រាយការណ៍ ពីទីក្រុងហុងកុង ថារដ្ឋាភិបាលជាច្រើនបានផ្ដល់ជំនួយជា លុយសុទ្ធ ឬ ជាជំនួយឧបត្ថម្ភ សម្រាប់ប្រេងឥន្ទនៈនិង អាហារចាំបាច់ ដើម្បីសម្រាលភាពលំបាកដល់ប្រជាពលរដ្ឋ។
នៅក្នុងប្រទេសថៃ អ្នកលក់អាហារ និយាយថា អតិផរណា ឬទំនិញឡើងថ្លៃបានកាត់បន្ថយប្រាក់ចំណេញប្រចាំថ្ងៃរបស់ខ្លួន។
«ហេតុដូច្នេះហើយ បុរសនេះ និយាយថា គាត់ក៏តម្លើងថ្លៃ គុយទាវរបស់គាត់ដល់១៦សេន ឬ៥ បាតដោយសារតែប្រេងឆា តម្លៃមាន់ និង សាច់ជ្រូក ឡើងថ្លៃ»។
អ្នកលក់ ចេកឆាប នេះនិយាយថា គាត់កាត់បន្ថយចំនួនចេកគាត់លក់ តាមម្លៃ ៣២ សេន សម្រាប់ ចេក ២០ ដុំ ឲ្យមកនៅត្រឹម ១៥ ដុំ។
Frederico Gil Sander សេដ្ឋសាស្រ្ដវិទូ នៃធនាគារពិភពលោក ប្រចាំប្រទេសថៃ ថ្លែងថា៖
«អ្វីដែលយើងមើលឃើញគឺ ដោយសារតែសេដ្ឋកិច្ចមិនដំណើរការល្អ មនុស្សអាចយល់ថាគេអាចទប់ទល់បាន ទៅនឹងតម្លៃឡើងថ្លៃ តែគេមិនអាចទប់ទល់បានរហូតដល់ មួយរយភាគរយទេ»។
ផលដំណាំមិនល្អ ភាពតានតឹងនយោបាយ និងសេចក្ដីត្រូវការមានកាន់តែច្រើនបានបំផ្លាញថវិការបស់គ្រួសារជាច្រើន។ ភាគច្រើន នៃគ្រួសារទាំងនោះឃើញថវិការបស់ខ្លួនកាន់តែរួញទៅៗ។
នៅពេលដែលប្រេងឡើងថ្លៃលឿនដូចព្រួញក្នុងប៉ុន្មានខែថ្មីៗនេះដោយសារ តែស្ថានការតានតឹង នៅក្នុងតំបន់មជ្ឃឹមបូព៌ា រដ្ឋាភិបាលថៃបានកម្រិតតម្លៃប្រេងម៉ាស្សូត សម្រាប់ រថយន្ដកាមីញ៉ុង ដឹកជញ្ជូនទំនិញពីខេត្ដចូលមកក្នុងទីក្រុងមិនឲ្យលើសពី ៩៦ សេន ក្នុងមួយលីត្រ។
ប្រទេសឥណ្ឌូនេស៊ី បានសម្រេចនឹងពន្យាពេលគំរោងការកាត់បន្ថយជំនួយឧបត្ថម្ភប្រេង។ ហើយនៅក្នុងប្រទេសហ្វីលីពិន រដ្ឋាភិបាលបានអនុម័តប្រើថវិកា ១១លានកន្លះដុល្លារជាជំនួយប្រេង ដល់ម្ចាស់រថយន្ដដឹកជញ្ជូន សាធារណជន។
នៅទីក្រុងហុងកុង ដែលជាទីក្រុងទិញចូលអាហារបរិភោគសឹងតែទាំងអស់នោះទំនិញឡើងថ្លៃដល់កម្រិតខ្ពស់បំផុតមិនធ្លាប់មាន ជាង ៣០ ខែ កាលពីខែកុម្ភះ។
ការខ្វះខាតនិង សេចក្ដីត្រូវការកាន់តែច្រើន នៅក្នុងប្រទេសចិនដីគោក ប្រភពអាហារភាគច្រើនមកពីទីក្រុងហុងកុង បានរាលដាលដល់ទីនេះ។ ផ្លែត្រប់មួយ អាចលក់តម្លៃជាងមូយដុល្លារ នៅក្នុងទីផ្សារនៅពេលនេះ។
ដោយសារតែប្រទេសអាស៊ីជាច្រើនពើបប្រទះនឹងការលំបាក ក្នុងការទប់ស្កាត់មិនឲ្យតម្លៃវត្ថុឡើងខ្ពស់ លោក Sander នៃធនាគារពិភពលោក និយាយថា អតិផរណា បានធ្វើឲ្យរឿង ថាមពលមានប្រសិទ្ធភាព និង ផលិតផលកសិកម្ម ឋឹតនៅលើរបៀបវារះ ដ៏ខ្ពស់ របស់រដ្ឋាភិបាលអាស៊ី។
«ក្នុងរយះពេលយូរ យើងភ្ជាប់អតិផរណានេះ ទៅនឹង ការកើនផលិតផលកសិកម្មដោយសារតែមានមនុស្សច្រើនត្រូវការអាហារបរិភោគ។ យើងត្រូវការឆ្លើយតប ដោយផ្ដល់ការផ្គត់ផ្គង់ ដើម្បីធ្វើឲ្យកសិករផលិតអាហារឲ្យបានច្រើន ហើយ ខ្ញុំយល់ថា យើងមានសេចក្ដីសង្ឃឹមច្រើនចំពោះរឿងនេះ។ ហើយម្យ៉ាងទៀត អំពីស្ថានការប្រេងឥន្ទនៈបើយើងត្រូវការប្រេងឥន្ទនៈតិច ហើយតម្លៃប្រេងខ្ពស់ យើងក៏មិនខាតបង់ច្រើនដែរ»។
អង្គការសហប្រជាជាតិ កាក់ស្មានថា រវាងមនុស្ស ពី ១០ លាន ទៅ ៤២ លាននាក់ នៅតំបន់អាស៊ី នឹងបានត្រូវរុញច្រានចូលទៅក្នុងភាពក្រីក្រ ឬ ឃាត់ឃាំងជនទាំងនោះ មិនឲ្យចេញពីភាពក្រីក្របាន ក្នុងឆ្នាំនេះ ពីព្រោះតែទំនិញឡើងថ្លៃ។ ៚
ប្រែសម្រួលដោយ អ៊ូ ធួក
