ភ្ជាប់​ទៅ​គេហទំព័រ​ទាក់ទង

អ្នក​វិភាគ​សង្កត់​ធ្ងន់​ពី​សារៈសំខាន់​នៃ​ការ​ជ្រើសរើស​តំណាងរាស្ត្រ​ឲ្យ​បាន​ត្រឹមត្រូវ

  • សុខ ខេមរា

រដ្ឋសភា​ជាតិ​កម្ពុជា

វ៉ាស៊ីនតោន៖ អ្នក​វិភាគ​ក្នុង​ប្រទេស​កម្ពុជា​បង្ហាញ​អ្នក​បោះឆ្នោត​អំពី​សារៈសំខាន់​នៃ​ការ​ជ្រើសរើស​តំណាងរាស្ត្រ​និង​គណបក្ស​នយោបាយ​ឲ្យ​បាន​ត្រឹមត្រូវ​នៅ​ត្រឹម​រយៈពេល​បួន​ខែ​មុន​ការ​បោះឆ្នោត​ខិត​ជិត​មក​ដល់។​ នេះ​បើ​តាម​ការ​អះអាង​របស់​លោក ​បណ្ឌិត ឡៅ ម៉ុងហៃ ​ដែល​បាន​ថ្លែង​ក្នុង​ពេល​លោក​អញ្ជើញ​ជា​ភ្ញៀវ​នៃ​កម្មវិធី​ហេឡូវីអូអេ​កាល​ពី​យប់​ថ្ងៃ​ទី​០៤ ខែ​មេសា​ ឆ្នាំ​២០១៣។

លោក​ថ្លែងថា ​ការ​បោះឆ្នោត​ជា​យន្តការ​រើស​គណបក្ស​ឬ​តំណាងរាស្ត្រ​ ជា​តុលាការ​មួយ​បែប​ដើម្បី​កាត់​សេចក្តី​គណបក្ស​ឬ​តំណាង​រាស្ត្រ​ទាក់ទង​នឹង​ កិច្ចសន្យា​របស់​គណបក្ស​នីមួយៗ​លើ​ការ​អនុវត្ត​ច្បាប់​និង​រដ្ឋធម្មនុញ្ញ​ ហើយ​ជា​ វេទិកា​សង្គម​ដ៏​សំខាន់​ដើម្បី​លើក​ឡើង​នូវ​បញ្ហា​និង​រក​គំនិត​ផ្សេងៗ​ដើម្បី​ដោះស្រាយ​បញ្ហា​ជាតិ​ដើម្បី​ដឹកនាំ​ប្រទេសជាតិ​ឲ្យ​បាន​ចម្រើន។

លោក ​បណ្ឌិត ឡៅ ម៉ុងហៃ អ្នក​វិភាគ​ឯករាជ្យ
លោក ​បណ្ឌិត ឡៅ ម៉ុងហៃ អ្នក​វិភាគ​ឯករាជ្យ
លោក​ ឡៅ ម៉ុងហៃ​បាន​បញ្ជាក់​ថា​ ការ​បោះឆ្នោត​ថ្ងៃ​ទី​២៨​ខែ​កក្កដា​ឆ្នាំ​២០១៣​ គឺ​ជា​ពេល​ដែល​មាន​សារៈសំខាន់​បំផុត​ ព្រោះ​ថា​ជា​ទិវា​មួយ​ដែល​ប្រជាពលរដ្ឋ​យើង​ ប្រើប្រាស់​អំណាច​របស់​ខ្លួន​ដើម្បី​ប្រគល់​អំណាច​ហ្នឹង​ទៅ​គណបក្ស​ណា​ឬ ​តំណាងរាស្ត្រ​ណា​ដើម្បី​ដឹកនាំ​ប្រទេស​ ដើម្បី​ប្រើប្រាស់​អំណាច​របស់​ប្រជាពលរដ្ឋ​ជំនួស​ប្រជាពលរដ្ឋ​ហ្នឹង​សម្រាប់​អាណត្តិ​៥ឆ្នាំ​ទៅមុខ។

តើ​អ្នក​គិត​ថា​ក្នុង​អាណត្តិ​កន្លងៗ​មក​នេះ ​អ្នក​តំណាងរាស្ត្រ​ខ្មែរ​បាន​បំពេញ​ភារកិច្ច​និង​តួនាទី​របស់​ខ្លួន​ជា​អ្នក​តំណាង​ឲ្យ​សំឡេង​របស់​ពលរដ្ឋ​បាន​គ្រប់គ្រាន់​ហើយ​ឬ​នៅ?

ទស្សនៈ​របស់​អ្នក

បង្ហាញ​មតិ

XS
SM
MD
LG