ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក​​ប្រធានាធិបតី​​កូឌីវ័រ​វូតារ៉ា​បើក​ដៃ​ឲ្យ​មាន​អំពើ​ឃោរឃៅ​


ក្រុម​អ្នក​គាំ​ទ្រ​លោក​អាឡាសាន​វូតារ៉ា​ចង្អុល​ទៅ​អ្វី​ដែល​គេ​និយាយ​ថា​ជា​សព​យុទ្ធជន​ដែល​ឆេះ​ខ្លោច​ ដែល​ស្មោះ​ត្រង់​ចំពោះ​លោក​ប្រធានាធិបតី​ឡូរ៉ង់​បាកបូ​នៅ​ក្នុង​សង្កាត់​អាបូបូ​ ទីក្រុង​អាប៊ីដចាន​ ប្រទេស​កូឌីវ័រ​ ថ្ងៃ​ទី​១៧​ មិនា ​ឆ្នាំ​២០១១​។
ក្រុម​អ្នក​គាំ​ទ្រ​លោក​អាឡាសាន​វូតារ៉ា​ចង្អុល​ទៅ​អ្វី​ដែល​គេ​និយាយ​ថា​ជា​សព​យុទ្ធជន​ដែល​ឆេះ​ខ្លោច​ ដែល​ស្មោះ​ត្រង់​ចំពោះ​លោក​ប្រធានាធិបតី​ឡូរ៉ង់​បាកបូ​នៅ​ក្នុង​សង្កាត់​អាបូបូ​ ទីក្រុង​អាប៊ីដចាន​ ប្រទេស​កូឌីវ័រ​ ថ្ងៃ​ទី​១៧​ មិនា ​ឆ្នាំ​២០១១​។

សេចក្ដី​រាយការណ៍​ថ្មី​មួយ​របស់​អង្គការ​ការពារ​សិទ្ធិ​មនុស្ស​អន្ដរជាតិ​ Amnesty​ International​ ឲ្យ​ដឹង​ថា​ឧក្រិដ្ឋកម្ម​សង្រ្គាម​បាន​ប្រព្រិត្ដធ្វើ​ដោយ​ភាគី​បដិបក្ខ​នយោបាយ​ទាំង​ពីរ​ក្នុង​អំឡុង​ពេល​មាន​ការ​ប្រឈម​មុខ​ដាក់​គ្នា​ដ៏​ឃោរឃៅ​នៅ​ពេល​ក្រោយ​ការ​បោះឆ្នោត។

ក្រុម​មួយ​នៃ​អង្គការ​ Amnesty​ International ​បាន​ចំណាយ​ពេល​ជិត​ពីរ​ខែ​នៅ​ក្នុង​ប្រទេស ​កូឌីវរ​ ហើយ​បាន​សារ​សង​ជា​មួយ​សាក្សី​ដែល​ឃើញ​ការ​ដណ្ដើម​អំណាច​គ្នា​ផ្ទុះ​ឡើង​កាល​ពី​ខែ​វិច្ឆិកា​មុន​ នៅ​ក្នុង​ជម្លោះ​នៃ​ការ​បោះ​ឆ្នោត​ប្រធានាធិបតី។​ ​នាយិការង​របស់​ អង្គការ​ Amnesty ​International ​នៅ​ក្នុង​តំបន់​អាហ្វ្រីក​អ្នកស្រី​ វេរ៉ូនីក អូប៊ែរត៍ (Veronique​ Aubert​) ថ្លែង​ថា ​ទាហាន​ស្មោះ​ត្រង់​នឹង​អតីតប្រធានា​ធិបតី​ ឡូរ៉ង់បាកបូ (Laurent ​Gbagbo​) បាន​ប្រព្រិត្ដ​ឧក្រិដ្ឋកម្ម​សង្គ្រាម។លោកស្រីនិយាយ​ថា ​នេះ​ជាការ​ពិត​ដែរ​ ដែល ​ទាហាន​របស់​លោក អាឡាសាន វូតារ៉ា (Alassane​ Ouattara) ​ ប្រធានាធិបតី​កាន់​តំណែង​ក៏​ធ្វើ​ដូច្នោះ​ដែរ។

« យើង​ដឹង​ថាទាហាន​នោះ​បាន​សម្លាប់​មនុស្ស​ច្រើន​រយ​នាក់ទាំង​ក្មេង​ទាំង​ចាស់​មក​ពី​គ្រប់​មជ្ឈដ្ឋាន​នយោយ​ និង​ ពូជសាសន៍​។ ​យើង​ដឹងថា​ស្រ្ដី​បាន​ត្រូវ​គេ​ចាប់​រំលោភ។​ ​យើង​មាន​សាក្សី​ជា​ច្រើន​នៅ​ក្នុងសេចក្ដីរាយការណ៍​នេះ ​រាប់​ទាំង​អំពើ​ឃោរ​ឃៅ​រំលោភ​ភេទ»។

ការ​ស៊ើប​អង្កេត​របស់​អង្គការ​ Amnesty​ ផ្ដោត​ទៅ​លើ​ឧក្រិដ្ឋកម្ម​កើត​ឡើងនៅ​ក្នុង​និងជុំវិញ​ក្រុង ​ឌែគូ (Duekoue)​ ​ស្ថិតនៅ​ចម្ងាយ​ ៥០០​ គីឡូម៉ែត្រ​ពី​រដ្ឋ​ធានី​អាប៊ីចាន​ (Abidjan)។

លោក​ស្រីនិយាយ​ថាកិច្ច​ប្រតិបត្ដិការ​ របស់​ អ.ស.ប.​ ​ឬ​ UNOCI​ មិន​បានការពារ​ប្រជាពលរដ្ឋ​ទេ​ ពី​ការ​កាប់​សម្លាប់​រង្គាលនិង​ការ​រំលោភ​ផ្លូវ​ភេទ​ដែល​កើត​ឡើង​ក្នុង​ខែមិនា។

«យើង​ទាំង​អស់​គ្នា​ដឹង​ថា រឿង​នោះ​កើត​មាន​ឡើង​នៅ​ពេល​ដែល​កិច្ចប្រតិបត្ដិការ​ អ.ស.ប.​ប្រព្រិត្ដ​ធ្វើ​នៅ​ក្បែរ​គ្នាចម្ងាយ​មួយ​គីឡូម៉ែត្រ​បុណ្ណោះ​ពី​ទី​កន្លែង​កាប់​សម្លាប់​រង្គាល​នៅ​ទីក្រុងឌែគូ។​ អង្គការ​ UNOCI ​មិន​បាន​ចាត់​វិធានការ​ហើយ​មិន​បាន​ការពារ​ប្រជា​ពលរដ្ឋ​ដែល​ខ្លួន​ត្រូវ​ធ្វើ​នោះ​ទេ»។

លោកស្រី អូប៊ែរត៍​ថ្លែង​ថា ​អំពើ​ឃោរឃៅនៅ​តែ​មាន​បន្ដ។​សេចក្ដី​រាយការណ៍​របស់​អង្គការ​ Amnesty ​ International ​និយាយ​ថា​ក្នុង​ប៉ុន្មានសប្ដាហ៍​ដំបូង​នៃ​ខែឧសភា មាន​ការ​វាយ​ប្រហារ​មក​លើ​ភូមិ​ជា​ច្រើន​ដែល​មាន​មនុស្ស​រស់​នៅ​ហើយ​ដែល​គេ​ជឿ​ថាជាអ្នកគាំទ្រ​លោក​ បាកបូ។

លោក​ វូតារ៉ា​បាន​សន្យា​ថា​នឹងផ្សះផ្សា​ភាគី​បដិបក្ខទាំង​ពីរ​ហើយ​បាន​ស្នើ​ទៅ​កាន់​តុលាការ​ឧក្រិដ្ឋកម្ម​អន្ដរជាតិឲ្យ​ធ្វើ​ការ​ស៊ើប​អង្កេត​មកលើ​ឧក្រិដ្ឋកម្ម​ធ្ងន់ធ្ងរ​កើត​ឡើង​នៅ​ពេល​មាន​វិបត្ដិ។

ប៉ុន្ដែ​លោកស្រី ​អូប៊ែរត៍​ថ្លែង​ថា​លោក​ វូតារ៉ា​មាន​ការ​ចាំ​បាច់​នឹង​ធ្វើ​ការច្រើន​ទៀត​ដោយ​ថ្កោល​ទោស​ជា​សាធារណៈ ​នូវ​អំពើ​ឃោរឃៅ​ដែល​ប្រព្រិត្ដធ្វើ​ដោយ​កង​កម្លាំង​សាធារណរដ្ឋ​ កូឌីវរ​ ដែល​លោក​បាន​បង្កើត​កាលពី​ខែ​មិនា។

«នេះ​ជា​ការ​ទទួល​ខុស​ត្រូវរ​បស់​លោក​ ក្នុង​ការ​អនុវត្ដន៍​ច្បាប់​វិន័យ​ ត្រួត​ត្រាមក​លើ​កង​កម្លាំង​ប្រដាប់​អាវុធ​ហើយនិង​ ការ​អំពាវ​នាវឲ្យ​បញ្ចប់​ភ្លាម​នូវ​ការ​សង​សឹក។​ លោកជា​ប្រធានាធិបតី​បាន​ជា​យើង​ស្នើ​សុំ​ឲ្យ​លោ​កថ្កោល​ទោស​ជា​សាធារណៈ នូវ​ បទ​រំលោភ​ទាំង​នោះហើយ​នឹង​គ្រប់គ្រង​មក​លើ​កងក​ម្លាំង​របស់​លោក »។

វិបត្ដិ​នៅ​ក្នុង​ប្រទេស​កូឌិវ័រ បានត្រូវ​ដោះ​ស្រាយ​រួច​ហើយ​កាល​ពី​ខែ​មុន​នៅ​ពេល​ដែល​លោក ​បាកបូ​ ​ដែល​មិន​ព្រម​ចុះ​ចេញ​ពី​អំណាច នៅ​ពេល​ក្រោយ​មាន​ជម្លោះ​អំពី​ការ​បោះ​ឆ្នោតបាន​ត្រូវ​ចាប់ខ្លួន។

ប្រែ​សម្រួល​ដោយ​ អ៊ូ ធួក

XS
SM
MD
LG