ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ការលា​លែង​របស់​ឯកអគ្គ​រដ្ឋទូត​បរទេស​នៅវ៉ាស៊ីនតោន​នាំឲ្យ​មន្ត្រីទូតដទៃ​ប្រយ័ត្នប្រយែង


ឯកអគ្គរដ្ឋទូត​អង់គ្លេស Kim Darroch រៀបចំកម្មវិធីសេដ្ឋវិទូ​ជាតិ​នៅ​ស្ថានទូត​អង់គ្លេស​ប្រចាំ​សហរដ្ឋ​អាមេរិក​ កាលពី​ថ្ងៃទី​០៧ កក្កដា ២០១៩។
ឯកអគ្គរដ្ឋទូត​អង់គ្លេស Kim Darroch រៀបចំកម្មវិធីសេដ្ឋវិទូ​ជាតិ​នៅ​ស្ថានទូត​អង់គ្លេស​ប្រចាំ​សហរដ្ឋ​អាមេរិក​ កាលពី​ថ្ងៃទី​០៧ កក្កដា ២០១៩។

យ៉ាង​ហោច​ណាស់​ឯកអគ្គ​រដ្ឋទូត​នៅ​វ៉ាស៊ីនតោន​មួយ​រូប​ជឿជាក់​ថា ​ការលាលែង​ដោយ​បង្ខំ​របស់​ប្រមុខ​ការទូត​អង់គ្លេស​នៅក្នុង​រដ្ឋធានី​ស.រ.អា.នឹង​ជំរុញឱ្យ​អ្នក​តំណាង​ប្រទេសដទៃ​ទៀត​ផ្លាស់ប្តូរ​របៀប​ធ្វើ​ទំនាក់ទំនង​ជាមួយ​រដ្ឋាភិបាល​អាមេរិក។ ​

លោក ​Kim Darroch ​បាន​ប្រកាស​លោក​លាលែង​ពីតំណែង​ ​បន្ទាប់ពី​លោក​ប្រធានាធិបតី​អាមេរិក ​Donald Trump ​បាន​និយាយ​ថា ​រដ្ឋបាល​របស់លោក​នឹងលែង​ធ្វើការ​ជា​មួយ​លោក​ដោយសារ​តែ​លោក Darroch ​បាន​ធ្វើ​អត្ថាធិប្បាយ​អំពីលោក​ Trump ​ក្នុង​របាយការណ៍​សម្ងាត់​ទៅ​រដ្ឋាភិបាល​ទីក្រុង​ឡុងដ៍​ដែល​ត្រូវបាន​ផ្សព្វផ្សាយ​ជាសាធារណៈ​ដោយ​កាសែត​អង់គ្លេស។​

លោក ​Ronald Sanders ​ជាឯកអគ្គ​រដ្ឋទូត​របស់ប្រទេស​ Antigua ​និង​ Barbuda ​ដែល​ជា​ប្រទេស​តូច​នៅ​តំបន់​ Caribbean ប្រចាំ​ទីក្រុង​ឡុងដ៍​ពីរ​អាណត្តិ​ហើយ​បច្ចុប្បន្ន​តំណាង​ឱ្យ​ប្រទេស​របស់​លោក​នៅ​រដ្ឋធានីវ៉ាស៊ីនតោន។​ លោក​ជឿជាក់​ថា ​បញ្ហានេះ​នឹង​បង្ខំ​អ្នក​ការ​ទូតកែប្រែ​របៀប​ធ្វើការ​របស់ពួក​គេ​ក្នុង​ការ​ទាក់ទង​ ​រួមទាំង​ការ​ព្យាយាម​ឲ្យមានការ​សន្ទនា​ទល់មុខ​ ការ​វិល​ត្រឡប់​ទៅ​ប្រទេស​វិញ​និង​ដាក់​លេខកូដ ឬ ​encrypt​ លេខ​ទូរស័ព្ទ​នៅ​ស្ថានទូត។ ​

លោក​ Sanders យល់​ឃើញ​ថា ​វាគួរឱ្យ​ព្រួយ​បារម្ភ​ព្រោះ​ថា ​អ្វីដែល​ត្រូវបាន​សន្មត់​ថា ​ទំនាក់​ទំនង​ការទូត​ដ៏​សម្ងាត់​បែរ​ជា​ត្រូវ​បាន​ផ្សព្វផ្សាយជាសាធារណៈសម្រាប់​ផល​ប្រយោជន៍បុគ្គល​ឬ​ក្រុមណា​មួយ ជា​សក្តានុពល។​លោក​បាន​ប្រាប់​វីអូអេ​ថា ​«ពិធីសារ​ទំនាក់​ទំនង​ការទូត​រាប់​សតវត្សរ៍»​ត្រូវ​បាន​រំលោភ​បំពាន​ដោយ​ការ​ប្រព្រឹត្ដ​បែប​នេះ»៕

XS
SM
MD
LG