ភ្ជាប់​ទៅ​គេហទំព័រ​ទាក់ទង

ក្រុម​សកម្មជន៖ ក្រុម​វាយ​ប្រហារ​តាម​អាកាសគាំទ្រ​ដោយ​អាមេរិក​​វាយ​ចំ​រោង​ចក្រ​ចម្រាញ់​ប្រេង​កាត​​ស៊ីរី សម្លាប់​មនុស្ស​៣០


រូបភាព​​ឯកសារ៖ ផ្សែង​ត្រូវ​បាន​ឃើញ ខណៈ​កងទ័ព​អ៊ីរ៉ាក់ គាំទ្រ​ដោយ​អ្នក​ស្ម័គ្រ​ចិត្ត​ ប្រយុទ្ធ​នឹង​ក្រុម​រដ្ឋ​អ៊ីស្លាម នៅ​ខាង​ក្រៅ​ក្រុង​ Tikrit កាល​ពី​ថ្ងៃ​ទី​៤ ខែ​មីនា ឆ្នាំ​២០១៥។​

ក្រុម​សកម្ម​ជន​ស៊ីរី ​និយាយ​ថា ​ការ​វាយ​ប្រហារ​របស់​ក្រុម​ចម្រុះ​ដឹកនាំ​ដោយ​សហរដ្ឋ​អាមេរិក​ ​បាន​វាយ​ប្រហារ​ត្រូវ​ចំ​រោង​ចក្រ​ចម្រាញ់​ប្រេង​កាត​មួយ​កន្លែង​ក្នុង​តំបន់​ភាគ​ខាង​ជើង​នៃ​ប្រទេស​ស៊ីរី កាល​ពី​ថ្ងៃ​អាទិត្យ​ដោយ​បាន​សម្លាប់​មនុស្ស​៣០​នាក់។

អង្គការ​សិទ្ធិ​មនុស្ស​ស៊ីរី Observatory មាន​មូលដ្ឋាន​នៅ​ក្នុង​ប្រទេស​អង់គ្លេស​ ដែល​បាន​ប្រើ​ប្រាស់​បណ្តាញ​ប្រភព​ព័ត៌មាន​នៅ​ពាស​ពេញ​ប្រទេស​ស៊ីរី ​ដើម្បី​តាម​ដាន​អំពើហិង្សានៅ​ទី​នោះ​បាន​និយាយ​ថា ​ក្រុម​រដ្ឋ​អ៊ី​ស្លាម​បាន​ប្រតិបត្តិ​រោង​ចក្រ​ចម្រាញ់​ប្រេងកាត​នោះ ​ហើយ​ថាចំនួនមនុស្ស​ស្លាប់​រួម​ទាំងក្រុម​សកម្ម​ជន​ប្រយុទ្ធ​និង​កម្មករ។​

យន្តហោះ​ចំបាំងរបស់​កងទ័ព​ចម្រុះ​បាន​គាំទ្រ​យោធា​អ៊ីរ៉ាក់​នៅ​ក្នុង​ការរុល​ទៅ​មុខ​របស់​ខ្លួនដើម្បី​ដណ្តើម​ទឹកដី​ពី​ក្រុម​សកម្មជន​ប្រយុទ្ធ​រដ្ឋ​អ៊ីស្លាម​ ​ដោយ​ធ្វើ​ការ​វាយ​ប្រហារ​តាម​អាកាស​ជាង​២​៣០០​លើក​ក្នុង​ប្រទេស​អ៊ី​រ៉ាក់​និង​ប្រទេសស៊ីរី ចាប់​តាំង​ពី​ខែ​សីហា​ នេះ​បើ​យោង​តាម​ទិន្ន័យ​ពី​ក្រសួង​ការពារ​ប្រទេស​សហរដ្ឋ​អាមេរិក។

ប្រហារ​ទាំង​នោះ ​រួមមាន​ការ​រុញ​ច្រាន​នា​ពេល​ថ្មី​ៗ​នេះ​ដើម្បី​ឆ្លើយ​តប​ដល់​សំណើរ​របស់​រដ្ឋាភិបាល​អ៊ីរ៉ាក់​ ​ដើម្បី​ជួយ​ការពារ​វត្ថុ​បុរាណ ​ដែល​បាន​ក្លាយ​ជា​ទិសដៅ​បំផ្លិច​បំផ្លាញ​ដោយ​ក្រុម​សកម្ម​ជន​ប្រយុទ្ធ​ក្នុង​ប៉ុន្មាន​សប្តាហ៍​ថ្មីៗ​នេះ។

លោក​អគ្គលេខា​ធិការ​អង្គការ​សហប្រជាជាតិ​ ​បាន គី​មួន (Ban Ki-moon) ​បាន​មាន​ប្រសាសន៍​ក្នុង​សេចក្តី​ថ្លែងការណ៍កាល​ពី​យប់​ថ្ងៃ​អាទិត្យថា ​លោក​មានការ​ខឹង​សម្បារ​យ៉ាង​ខ្លាំង​ពី​ការ​បំផ្លាញ​នៅ​ទី​កន្លែង​វប្បធម៌​នេះ ​ រួម​មាន​ទី​កន្លែង​បេតិភណ្ឌ​ពិ​ភព​លោក​របស់​អង្គការ UNESCO ​នៅ​ទី​ក្រុង Hatra ភាគ​ខាង​ជើង​នៃ​ប្រទេស​អ៊ីរ៉ាក់។

លោក​អគ្គ​លេខា​ធិការ​អង្គការ​សហប្រ​ជាជាតិ​បាន​អំពាវនាវ​ដល់​សហគមន៍​អន្តរជាតិឲ្យ​ជួយ​បញ្ឈប់​ការ​វាយ​ប្រហារ​បែបនេះ ហើយ​និង​ការ​ជួញ​ដូរ​វត្ថុវប្បធម៌​ខុសច្បាប់៕

XS
SM
MD
LG