ការ​ស្ទង់​មតិ​ថ្មីៗ​នេះ​ដោយ​មជ្ឈមណ្ឌល​ស្រាវជ្រាវ​ Pew ​បង្ហាញ​ថា​ ប្រធានាធិបតី​សហរដ្ឋ​អាមេរិក​លោក​ Joe Biden​ ត្រូវ​បាន​គេ​ជឿជាក់​យ៉ាង​ទូលំ​ទូលាយ​ និង​ត្រូវ​បាន​ចាត់ទុក​ថា​ជា​មេដឹកនាំ​ដ៏​រឹងមាំ​នៅក្នុង​ប្រទេស​ភាគច្រើន​ដែល​ត្រូវ​បាន​ស្ទង់មតិ​ ខណៈ​​ទំនុកចិត្ត​លើ​ប្រធានាធិបតី​រុស្ស៊ី​លោក Vladimir Putin បាន​ធ្លាក់ចុះ​ ចាប់​តាំងពី​ការលុកលុយ​ដែល​មិន​បង្កហេតុ​របស់​លោក​ទៅលើ​ប្រទេស​អ៊ុយក្រែន​កាលពី​ឆ្នាំមុន។ អ្នកស្រី​ Cindy Saine ​អ្នក​ឆ្លើយឆ្លង​ព័ត៌មាន​ការទូត​ជាន់ខ្ពស់​នៃ VOA រាយការណ៍​លម្អិត​ពី​រដ្ឋធានី​វ៉ាស៊ីនតោន។ អ្នកនាង ទែន សុខស្រីនិត ជូន​សេចក្តី​ប្រែសម្រួល​ដូចតទៅ៕