លោក តុល ប្រាសាទ៖ «ការបម្រើសេវាសាធារណៈនិងការអភិវឌ្ឍផ្សេងៗនៅសង្កាត់ព្រែកហូរនៅខ្វះខាតច្រើន»
គណបក្សឆន្ទៈខ្មែរ មានបេក្ខជនឈរឈ្មោះជាមេឃុំចំនួន ៥៨ ក្នុងចំណោមឃុំសង្កាត់សរុប ១.៦៥២ ដើម្បីប្រកួតប្រជែងដណ្តើមយកតំណែងមេឃុំឬចៅសង្កាត់ នៅក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី ៥ ដែលនឹងធ្វើឡើងនៅថ្ងៃអាទិត្យសប្តាហ៍នេះ។ សង្កាត់ព្រែកហូរ ក្រុងតាខ្មៅ ខេត្តកណ្តាល មានភូមិចំនួន ៦។ ប្រជាពលរដ្ឋភាគច្រើននៅសង្កាត់នេះ ប្រកបរបរលក់ដូរ ជាកម្មកររោងចក្រ កម្មករសំណង់ និងមន្រ្តីរាជការ។ លោក តុល ប្រាសាទ អាយុ៥២ឆ្នាំ បានឈរឈ្មោះជាបេក្ខជនសង្កាត់ព្រែកហូរ ក្រុងតាខ្មៅ ខេត្តកណ្តាល មកពីគណបក្សឆន្ទៈខ្មែរ។ លោក តុល ប្រាសាទ បានប្រាប់អ្នកស្រី ធីតា វីន អ្នកយកព័ត៌មានឲ្យវីអូអេ ប្រចាំរាជធានីភ្នំពេញ ថា ការបម្រើសេវាសាធារណៈ និងការអភិវឌ្ឍផ្សេងៗនៅក្នុងសង្កាត់ព្រែកហូរ នៅមានចំនុចខ្វះខាតច្រើន៕