គណបក្សសង្គ្រោះជាតិផ្តោតលើការងារការទូតដើម្បីរកដំណោះស្រាយនយោបាយនៅកម្ពុជា
ថ្នាក់ដឹកនាំគណបក្សសង្គ្រោះជាតិនៅក្រៅប្រទេសបានជួបប្រជុំការងាររយៈពេលបីថ្ងៃនៅទីក្រុង Jacksonville រដ្ឋ Florida ពីថ្ងៃទី១៩ដល់២១ខែកុម្ភៈ ដើម្បីរៀបចំផែនការការងារក្នុងពេលខាងមុខ។ អតីតគណបក្សប្រឆាំងនេះបានផ្តោតខ្លាំងលើការងារការទូតដើម្បីទាមទារឲ្យមានដំណោះស្រាយនយោបាយនៅកម្ពុជា។ ទន្ទឹមនឹងនោះក៏អំពាវនាវពលរដ្ឋឲ្យធ្វើសកម្មភាព នយោបាយដោយអហិង្សា។ លោក ម៉ែន គឹមសេង នៃវីអូអេបានសម្ភាសលោក សម រង្ស៊ី ប្រធានស្តីទីគណបក្សសង្គ្រោះជាតិអំពីផែនការសកម្មភាពនោះ៕
