កាលពីខែវិច្ឆិកា អ្នកស្រី ឡាញ់ ថាវរី អតីតមេឃុំឫស្សីក្រោក ក្នុងខេត្តបន្ទាយមានជ័យ មកពីគណបក្សសង្រ្គោះជាតិ ត្រូវបានអាជ្ញាធរថៃចាប់បញ្ជូនមកកម្ពុជាវិញ ហើយអ្នកស្រីត្រូវបានឃុំខ្លួនក្នុងពន្ធនាគារព្រៃស ដោយរងការចោទប្រកាន់ពីអាជ្ញាធរថាចូលរួមក្បត់ជាតិ។ នៅពេលឃើញប្អូនស្រីជាប់ពន្ធនាគារបែបនេះ បងប្រុសរបស់សកម្មជនរូបនោះ បានទទូចជាថ្មីឲ្យប្អូនស្រីឈប់ធ្វើនយោបាយ។ កាលពីកន្លងទៅ លោកក៏ធ្លាប់អំពាវនាវឲ្យប្អូនស្រីចុះចូលជាមួយរដ្ឋាភិបាលផងដែរ។ លោក ស៊ុន ណារិន រាយការណ៍ឲ្យវីអូអេពីខេត្តបាត់ដំបងដូចតទៅ៖