កាល​ពី​ថ្ងៃ​ទី១៥ ខែសីហា ក្រុម​តាលីបង់​បាន​ចូល​គ្រប់គ្រង​ប្រទេស អាហ្វហ្កានីស្ថាន​ឡើងវិញ​ទាំងស្រុង ។ ហើយ ២សប្តាហ៍​ក្រោយ​មក សហរដ្ឋអាមេរិក​និង​អង្គការ អូតង់​ក៏​បាន​ដក​ទ័ព​ចេញ​ពី ប្រទេស​អាហ្វហ្កានីស្ថាន​ទាំងស្រុង​ផងដែរ។ ពិភពលោក​កំពុង​តាមដាន​សកម្មភាព​របស់​ក្រុមតាលីបង់ ដែលនឹងប៉ះពាល់​ដល់​ពលរដ្ឋ​អាហ្វហ្កានីស្ថាន សហរដ្ឋអាមេរិក និងសន្តិសុខ​អន្តរជាតិ។ នៅភាគទី២ រដូវកាលទី២ នៃ​កម្មវិធី​កំណត់ត្រាអ្នកសារព័ត៌មាននេះ លោក ចាប ចិត្រា និង លោក ប៉ូច រាសី នៃ​ VOA នឹងពិភាក្សា​ផ្តោត​លើ​ អនាគត​ប្រទេស​អាហ្វហ្កានីស្ថាន​ក្រោយ​ការ​ដក​ទ័ព​របស់​សហរដ្ឋអាមេរិក។