ព័ត៌មានអំពីកម្ពុជាមានដូចជា របាយការណ៍បានឲ្យដឹងថា កម្ពុជាបាត់បង់ព្រៃឈើប្រមាណ៣៧ភាគរយ នៅទីតាំងគម្រោងកាត់បន្ថយឧស្ម័នផ្ទះកញ្ចក់។ ៤ឆ្នាំនៃការចោទប្រកាន់ មេធាវីលោក កឹម សុខា បន្តជំរុញឲ្យពន្លឿនសវនាការ ដើម្បីបង្ហាញ«ការផ្សះផ្សាជាតិ»។ រីឯព័ត៌មានអន្តរជាតិវិញមានដូចជា ប្រទេសអ៊ូហ្គាន់ដា និងស.រ.អ. បញ្ជាក់ថា អ៊ូហ្គាន់ដានឹងទទួលជនជាតិអាហ្វហ្គានីស្ថាន២ពាន់នាក់ ឱ្យរស់នៅបណ្តោះអាសន្ន។ «ការអត់ធ្មត់ខាងយុទ្ធសាស្ត្រ» ក្លាយជាការក្រេវក្រោធចំពោះភាពយឺតយ៉ាវនៃកិច្ចចរចាពាណិជ្ជកម្មរវាងអាមេរិក និងចិន៕