ព័ត៌មានអំពីកម្ពុជាមានដូចជា កម្ពុជាត្រៀមធ្វើជាប្រធានអាស៊ាន ដោយប្តេជ្ញាដោះស្រាយបញ្ហា ក្រោមគោលការណ៍កុងសង់ស៊ីស។ ឪពុករបស់ Jordan Pisey Windle ថា អនាគតរបស់កីឡាករលោតទឹកអាមេរិកាំងដើមកំណើតខ្មែរវែងឆ្ងាយហួសពីការប្រកួតក្នុងកីឡាអូឡាំពិក។ រីឯព័ត៌មានអន្តរជាតិវិញមានដូចជា សមាជិកព្រឹទ្ធសភានៃគណបក្សប្រជាធិបតេយ្យបង្ហាញពីផែនការសុវត្ថិភាពសង្គម។ សហរដ្ឋអាមេរិកដាក់ទណ្ឌកម្មហិរញ្ញវត្ថុលើរដ្ឋាភិបាលបេឡារុសរបស់លោក Lukashenko។ អភិបាលរដ្ឋ និងមន្ត្រីមូលដ្ឋានប្រឆាំងគ្នារឿងតម្រូវការឲ្យពាក់ម៉ាស។ មេដឹកនាំទីក្រុងហុងកុងថា ទីក្រុងនេះនឹងអនុម័តច្បាប់ចិនប្រឆាំងទណ្ឌកម្ម។ រុស្ស៊ីបើករៀបចំសំណុំរឿងព្រហ្មទណ្ឌចោទអ្នកប្រឆាំង៕
