ព័ត៌មាន​អំពី​កម្ពុជា​មាន​ដូចជា រដ្ឋមន្ត្រី​ការ​បរទេស​សហរដ្ឋ​អាមេរិក​ផ្ញើ​សារ​ជូនពរ​ឆ្នាំថ្មី​ដល់​ប្រជាជន​កម្ពុជា​។ របាយ​ការណ៍​ថ្មី​បង្ហាញ​ថា​គម្រប​ព្រៃ​ឈើ​សហគមន៍​មួយ​កន្លែង​ក្នុង​ខេត្ត​ក្រចេះ​បាត់​បង់​ជិត​ពាក់​កណ្តាល។ ព្រះសង្ឃ​និង​ពុទ្ធបរិស័ទ​ខ្មែរ​នៅ​អាមេរិក​ប្រារព្ធ​ពិធីបុណ្យ​ចូលឆ្នាំ​ខ្មែរ​ ទោះកូវីដ​ឆ្លង​រាតត្បាត​ខ្លាំង។ រី​ឯ​ព័ត៌មាន​អន្តរជាតិ​វិញ​មាន​ដូចជា លោក​ Blinken​ ជួប​សម្ព័ន្ធ​មិត្ត​អូតង់​ ខណៈ​អាមេរិក​កំណត់​ការ​ដក​ទ័ព​ចេញ​ពី​អាហ្វហ្គានីស្ថាន។ លោក​ Joe Biden ​ថា ​សហ​រដ្ឋ​អាមេរិក​នឹង​បន្ត​គាំទ្រ​អាហ្វហ្គានីស្ថាន​បន្ទាប់ពី​ការ​ដក​កងទ័ព។ រដ្ឋាភិបាល​វិមាន​ក្រឹមឡាំង​មិន​បញ្ជាក់​អំពី​ផែនការ​ជំនួប​កំពូល​រវាង​លោក Putin និង​លោក Biden តែ​ព្រមាន​ប្រឆាំង​នឹង​ទណ្ឌកម្ម​របស់​អាមេរិក។ សកម្មជន​មីយ៉ាន់ម៉ា​រំឭក​អ្នក​ស្លាប់​ក្នុង​ការ​តវ៉ា​ដោយ​លាប​ថ្នាំ​ពណ៌​ក្រហម។ កូរ៉េ​ខាង​ត្បូង​ប្រឆាំង​ផែនការ​ជប៉ុន​បញ្ចេញ​ទឹក​មាន​វិទ្យុ​សកម្ម​ពី​រោងចក្រ ​Fukushima។ ជន​និរទេស​ខ្លួន​មីយ៉ាន់ម៉ា​កំពុង​ស្វែងរក​ជម្រក​ក្នុង​រដ្ឋ Kayin៕