ព័ត៌មានសំខាន់ៗអំពីកម្ពុជាមានដូចជា ពលរដ្ឋកម្ពុជាបន្តស្លាប់ដោយកូវីដ១៩ ខណៈរដ្ឋាភិបាលបង្កើនការរឹតត្បិតសកម្មភាពសង្គម។ កម្ពុជានិងចិនប្រកាសចំណងទាក់ទងកាន់តែរឹងមាំ ក្រោយទទួលវ៉ាក់សាំងកូវីដ១៩។ អាជ្ញាធរភ្នំពេញហាមឃាត់ការធ្វើដំណើរពេលយប់ ១៤ថ្ងៃ បើគ្មានភារកិច្ចចាំបាច់ ដើម្បីទប់ស្កាត់ជំងឺកូវីដ១៩។ រីឯព័ត៌មានអន្តរជាតិវិញមានដូចជា លោក Joe Biden បើកកិច្ចប្រជុំគណៈរដ្ឋមន្រ្តីលើកដំបូង។ ពាក្យសុំជំនួយថ្មីរបស់អ្នកអត់ការងារធ្វើនៅអាមេរិកកើនឡើងលើស៧០ម៉ឺន។ អង់គ្លេសដាក់ទណ្ឌកម្មបន្ថែមលើផលប្រយោជន៍របស់យោធាមីយ៉ាន់ម៉ា។ អង្គការសុខភាពពិភពលោកថា ការចាក់វ៉ាក់សាំងយឺតយ៉ាវនៅអឺរ៉ុបមិនអាចទទួលយកបាន។ កុមារម្នាក់ក្នុងចំណោមអ្នកស្លាប់ ៤នាក់ ក្នុងការបាញ់ប្រហារនៅការិយាល័យនៅរដ្ឋកាលីហ្វ័រញ៉ា។ បម្រាមនានាលើភោជនីយដ្ឋាន កន្លែងរៀបចំពិធី និងការសម្តែងល្ខោនក្នុងទីក្រុងញូវយ៉ក ត្រូវបានបន្ធូរ។ អនាគតនៃទំនាក់ទំនងរវាងចិននិងសហរដ្ឋអាមេរិក៕
