ព័ត៌មានអំពីកម្ពុជាមានដូចជា ភរិយាសកម្មជនបក្សប្រឆាំងចាត់ទុកការចាប់ខ្លួនស្វាមីថា«អយុត្តិធម៌» ខណៈថ្នាក់ដឹកនាំប្រកាសវិលចូលស្រុក។ មាតុភូមិនិវត្តន៍របស់លោកស្រី មូរ សុខហួរ ជួបឧបសគ្គដោយពុំទាន់បានទិដ្ឋាការប្រភេទK។ ចំណែកព័ត៌មានអន្តរជាតិវិញមានដូចជា តុល្យភាពអំណាចនៅព្រឹទ្ធសភាអាមេរិកអាស្រ័យលើលទ្ធផលនៃការបោះឆ្នោតផ្តាច់ព្រ័ត្រនៅរដ្ឋ Georgia។ ចៅក្រមអង់គ្លេសបដិសេធសំណើអាមេរិកសុំធ្វើបត្យាប័នស្ថាបនិក WikiLeaks។ ប្រទេសអ៊ីរ៉ង់ថា ខ្លួនជំរុញការចម្រាញ់សារធាតុអ៊ុយរ៉ាញ៉ូមរហូតដល់២០%។ ឥណ្ឌាហាមក្រុមហ៊ុនផលិតវ៉ាក់សាំងជំងឺកូវីដ១៩មិនឲ្យនាំចេញ។ អង់គ្លេសចាប់ផ្តើមចាក់វ៉ាក់សាំងបង្ការជំងឺកូវីដដែលផលិតដោយក្រុមហ៊ុន AstraZeneca។ សហរដ្ឋអាមេរិកចោទប្រកាន់ក្រុមឧទ្ទាមតាលីបង់ពីការវាយប្រហារក្នុងប្រទេសអាហ្វហ្គានីស្ថាន៕
