ព័ត៌មានអំពីកម្ពុជាមានដូចជា លោក ហ៊ុន សែន ថាមិនចង់ដាក់ប្រទេសក្នុងគ្រាអាសន្ន ទោះការឆ្លងក្នុងសហគមន៍បន្តកើនឡើងក៏ដោយ។ ទោះបីជាមានការពង្រឹងអនាម័យក្នុងរោងចក្រក៏ដោយ ក៏កម្មករនៅតែភ័យខ្លាចជំងឺកូវីដ១៩។ ព័ត៌មានអន្តរជាតិវិញមានដូចជា លោក Trump ប្រមូលសំឡេងអ្នកបោះឆ្នោតនៅរដ្ឋ Georgia ក្នុងការបោះឆ្នោតព្រឹទ្ធសភា ខណៈចោទប្រកាន់ថាការលួចបន្លំរីករាលដាល។ មន្ត្រីរដ្ឋ Georgia ច្រានចោលការអះអាងរបស់លោក Trump អំពីការលួចបន្លំការបោះឆ្នោត។ អ៊ីរ៉ង់បដិសេធការអំពាវនាវរបស់អារ៉ាប៊ីសាអូឌីតសុំចូលរួមការពិភាក្សាកម្មវិធីអាវុធនុយក្លេអ៊ែរ។ លោកប្រធានាធិបតី Maduroត្រូវគេរំពឹងថាទទួលបានសំឡេងគ្រប់គ្រងរដ្ឋសភាប្រទេសវេណេស៊ុយអេឡា។ ដោយសារការរាតត្បាតនៃជំងឺកូវីដ១៩ ការប្រារព្ធខួបអនុស្សាវរីយ៍នៃការវាយប្រហារលើកកំពង់ផែ Pearl Harbor ត្រូវធ្វើឡើងនៅផ្ទះ។ ប្រទេសអាស៊ីមួយចំនួនចាត់វិធានការទប់ស្កាត់ជំងឺកូវីដ១៩ ដោយមិនបិទសកម្មភាពសេដ្ឋកិច្ច៕
