ព័ត៌មានសំខាន់ៗអំពីកម្ពុជាមានដូចជា មន្ត្រី​ហុងគ្រី៖ មិនប្រាកដថារដ្ឋមន្ត្រី​ការបរទេសជាអ្នកចម្លងជំងឺកូវីដ១៩ នៅកម្ពុជា។ ការចុះចូលរបស់អតីតតំណាងរាស្រ្តបក្សប្រឆាំងជាមួយបក្សកាន់អំណាច នាំឲ្យសង្ស័យពាក់ព័ន្ធនឹងរឿងបិទមន្ទីរពេទ្យ។ អង្គការសិទ្ធិមនុស្សអាមេរិកស្នើឲ្យកម្ពុជាបោះចោលសេចក្តីព្រាងច្បាប់ស្តីពីឧក្រិដ្ឋកម្មតាមអ៊ីនធឺណិត។ រីឯព័ត៌មានអន្តរជាតិវិញមានដូចជា រដ្ឋាភិបាលភាគច្រើននៅមជ្ឈិមបូព៌ាអបអរសាទរលោក បៃដិន ចំពោះលទ្ធផលនៃការបោះឆ្នោតនៅអាមេរិក។ លោក បៃដិន ពង្រឹងជ័យជម្នះ ដោយឈ្នះនៅ Arizona ប៉ុន្តែលោក Trump នៅតែមិនទទួលស្គាល់ការចាញ់ឆ្នោត។ ថៃអនុញ្ញាតឱ្យពលករចំណាកស្រុករាប់ពាន់នាក់ពន្យារអាជ្ញាប័ណ្ណការងារ។ កូរ៉េខាងត្បូងនឹងចាប់ផាកពិន័យអ្នកមិនពាក់ម៉ាស់ក្រោយករណីឆ្លងកូវីដ១៩កើនឡើង និងព័ត៌មានអន្តរជាតិផ្សេងៗទៀត៕