ព័ត៌មានអំពីកម្ពុជាមានដូចជា បងស្រីសកម្មជនថៃដែលបាត់ខ្លួន គ្រោងបង្ហាញភស្តុតាងនៅកម្ពុជា ខណៈអាជ្ញាធរថាមិនទាន់អាចបញ្ជាក់អំពីការចាប់ពង្រត់លើទឹកដីកម្ពុជា។ មន្រ្តីកម្ពុជាសង្ឃឹមថា ទំនាក់ទំនងកម្ពុជានិងអាមេរិកមិនផ្លាស់ប្តូរ ទោះក្រោមការដឹកនាំរបស់ប្រធានាធិបតីណាក៏ដោយ។ ព័ត៌មានអន្តរជាតិវិញមានដូចជា យុទ្ធនាការរបស់លោក Trump និងលោក Biden ទាក់ទាញទាំងអ្នកដែលមិនមែនជាអ្នកគាំទ្រខ្លួន និងអ្នកដែលមិនទាន់សម្រេចចិត្ត។ ជនប្រដាប់អាវុធវាយប្រហារទៅលើសាកលវិទ្យាល័យក្នុងប្រទេសអាហ្វហ្គានីស្ថានដោយសម្លាប់មនុស្សយ៉ាងតិច១៩នាក់។ លោក Trump គំរាមបណ្តេញវេជ្ជបណ្ឌិត Fauci ពីការងារក្នុងជម្លោះជាមួយអ្នកជំនាញជំងឺឆ្លងកំពូលរបស់ប្រទេសរូបនេះ។ ប្រធានអង្គការសុខភាពពិភពលោកធ្វើចត្តាឡីស័ក បន្ទាប់ពីបាននៅជិតអ្នកដែលបានឆ្លងជំងឺកូវីដ១៩។ នាក់ស្លាប់ដោយសារខ្យល់ព្យុះ Goni នៅហ្វីលីពីន កើនដល់ ១៦ នាក់៕
