ព័ត៌មានសំខាន់ៗអំពីកម្ពុជាមានដូចជា ថ្នាក់ដឹកនាំបក្សប្រឆាំងថា កុំឲ្យរដ្ឋាភិបាលរារាំងចូលប្រទេស ខណៈតុលាការកោះហៅពួកគេចូលសវនាការ។ អ្នកតាមដានថា ២៩ ឆ្នាំក្រោយកិច្ចព្រមព្រៀងទីក្រុងប៉ារីស កម្ពុជាប្រឈមការប្រេះឆានយោបាយ និងការរំលោភសិទ្ធិមនុស្ស។ ទឹកជំនន់សម្លាប់មនុស្សយ៉ាងតិច ៣៤ នាក់ក្នុងប្រទេសកម្ពុជា និងជាង១០០ នាក់ក្នុងប្រទេសវៀតណាម។ លោកហ៊ុន សែន ព្រមានក្រុមបាតុករប្រឆាំងចិននៅទិវារំឭកខួបកិច្ចព្រមព្រៀងសន្តិភាពទីក្រុងប៉ារីស។ រីឯព័ត៌មានអន្តរជាតិវិញមានដូចជា ជប៉ុន និងឥណ្ឌូណេស៊ី ព្រមព្រៀងគ្នាពង្រឹងចំណងទាក់ទងផ្នែកការពារជាតិ និងសេដ្ឋកិច្ច។ មជ្ឈមណ្ឌល CDC ថា មនុស្សជិត៣សែននាក់បានស្លាប់នៅសហរដ្ឋអាមេរិកក្នុងឆ្នាំ២០២០ ហើយ២ភាគ៣ ជាប់ទាក់ទិននឹងជំងឺកូវីដ១៩។ ការរត់ជាន់គ្នានិងការវាយប្រហារនៅកន្លែងផ្សេងៗគ្នានៅអាហ្វហ្គានីស្ថាន បានសម្លាប់មនុស្សរាប់សិបនាក់ និងព័ត៌មានអន្តរជាតិផ្សេងទៀត៕
