បេក្ខជនចៅសង្កាត់លេខ៦ក្រុងឡុងប៊ិចរំឭកពលរដ្ឋទៅបោះឆ្នោត
អ្នកស្រី ស៊ូលី សារ៉ូ បេក្ខជនចៅសង្កាត់លេខ៦នៃទីក្រុងឡុងប៊ិច បានស្នើឲ្យពលរដ្ឋចូលរួមបោះឆ្នោតនៅថ្ងៃទី៣ខែវិច្ឆិកា ឲ្យបានច្រើន បើទោះបីជាទៅដោយផ្ទាល់ ឬ តាមប្រៃសណីយ៍។ អ្នកស្រីបញ្ជាក់ថា ដោយសារតែជំងឺកូវីដ១៩ យុទ្ធនាការនានា អាចធ្វើបានតែតាមរយៈអ៊ីនធឺណិត និងតាមទូរស័ព្ទដែលមានការលំបាកទាក់ទងអ្នកបោះឆ្នោត។ សម្រាប់សង្កាត់លេខ៦នេះ គឺអ្នកស្រីត្រូវប្រកួតផ្តាច់ព្រ័តនឹងលោក ឌី អែនឌ្រូ ចៅសង្កាត់នាពេលបច្ចុប្បន្ន និងក៏ជាចៅហ្វាយក្រុងរងផងដែរដោយសារការប្រកួតកាលពីខែមីនាមិនមានបេក្ខជនណាឈ្នះបានលើសពី៥០ភាគរយបូកនឹង១ទេ។ លោក ម៉ែន គឹមសេង នៃវីអូអេ បានសម្ភាស អ្នកស្រី ស៊ូលី សារ៉ូ តាមប្រព័ន្ធSkype ដូចតទៅ៖
