កំណើនសេដ្ឋកិច្ចយ៉ាងឆាប់រហ័សនៅក្នុងតំបន់ទន្លេមេគង្គក្នុងរយៈពេលពីរទសវត្សកន្លងមកនេះ បានកាត់បន្ថយអត្រាភាពក្រីក្រ ក៏ប៉ុន្តែក៏បានបង្កើនល្បឿននៃការអភិវឌ្ឍហេដ្ឋារចនាសម្ព័ន្ធ ដែលប្រសិនបើមិនត្រូវបានត្រួតពិនិត្យនិងតាមដានសិក្សាត្រឹមត្រូវ នឹងបង្កអន្តរាយដល់ធនធានធម្មជាតិនិងបរិស្ថានក្នុងតំបន់។ មជ្ឈមណ្ឌលស្រាវជ្រាវ Stimson ដោយសហការណ៍ជាមួួយមូលនិធិអាស៊ីនិងទីភ្នាក់ងារ អភិវឌ្ឍន៍ USAID បានបង្កើតកម្មវិធីវ៉េបសាយ Mekong Infrastructure Tracker ដើម្បីផ្តល់បណ្តុំទិន្នន័យមួួយសម្រាប់ការតាមដានសិក្សាអំពីគម្រោងអភិវឌ្ឍន៍ហេដ្ឋារចនាសម្ព័ន្ធនានានៅក្នុងតំបន់ទន្លេមេគង្គ។ លោក ចាប ចិត្រា នៃ VOA រាយការណ៍ពីរដ្ឋធានីវ៉ាស៊ីនតោន។